уж на вмро-дпмне – Kurir.mk

Пешевска: УЖ на ВМРО-ДПМНЕ ќе продолжи да ги обединува сите жени за да се сочуваат македонските семејни вредности

Ивана Ефремовски — Sun, 07 May 2023 18:50:39 +0000

25 години Унијата на жени е столбот и стожерот на партијата. Нашата сила е во упорноста и неуморноста, во истрајноста и посветеноста, во нашите заеднички заложби за подобро утре на нашите деца и најмногу во нашата цврста одлучност за промени. Ги повикувам сите жени во Македонија, заедно да се потсетиме на битките што ни претходеа, а кој ќе ги вткаеме во битките кои ни следуваат. Затоа што борбата за жената, борбата за Македонија е борба која трае, истакна Жаклина Пешевска, претседателка на Унија на жени на ВМРО-ДПМНЕ. Во продолжение следува интегрален текст од нејзиното обраќање: Да се обединиме и да сплотиме за се што ни е исто и заеднички и храбро да чекориме кон нашата цел – НОВА – ПОДОБРА ИДНИНА. Силата од минатото нека биде наш патоказ кон иднината! Сите ние како жени, сме одговорни за верата, љубовта, вистината и за се она што е морален код во домот, во семејството, традицијата и посебно во поуката на нашите рожби – нашите деца. Нашите деца растат со приказните од своите баби, кои се пренесуваат од колено на колено и така стануваат неизбришлив дел од нашата колективна меморија. Ве повикувам токму ние да бидеме примерот по кој ќе чекорат идните генерации, како што наш пример се: Лидија Македонката, Злата Мегленска, Параскева, Марија, Велика, Мирка Гинова, Румена Војвода, Неда и уште многу жени низ историјата кои биле пример за борба и непокор! Во секоја од нас живее по една Марија, од секоја од нас зборува една Неда! Како земја со тешко минато, сме биле сведоци на фактот дека жените биле честопати обезправени, но никогаш обезхрабрени! Македонската жена е пример за истрајна природа која верува и опстојува, наспроти сите предизвици. Нежна, но нескршлива. Навидум споредна, а сепак движечка сила во сите процеси. Поради својата интуиција, борбен инстикт, посветеност, темелност и одлучност да успее. Од досегашното искуство, од сето она што се случува околу нас, не сум сигурна дека секој верува, но сигурна сум дека сите ние, заедно ќе продолжиме да настојуваме да ни веруваат. И заедно ќе го дочекаме тој час, затоа што знаеме, умееме и заслужуваме! Ова не е тврдење кое се темели на пуста желба или неоправдана амбиција. Ова тврдење е плод на макотрпна работа, надминати препреки, храбро соочени предизвици, издвојувани победи и креирани решренија. И сето ова со многу жртвување од Вашето слободно време, од времето кое треба да го поминете со Вашите семејства и ЗАТОА ВЕ ПОЧИТУВАМ БЕЗКРАЈНО, БИДЕЈЌИ ВИЕ СТЕ ЈАС, А ЈАС СУМ ВИЕ! И дозволете ми да кажам дека и покрај се, воопшто не било лесно да се докаже дека жената му дава сила на општеството! Но денес имамe повеќе можности од порано токму поради борбата на претходните генерации на жени, на кои сме им благодарни. Покрај тоа што денес жената е модерна, образована и вклучена во општеството, но не доволно бидејќи се соочуваме со стереотипи, кои не се менуваат брзо. Стереотипите се менуваат уште во воспитувањето на нашите деца, дека нема поделба на машки и женски работи во домот. Потоа жената, како и сите други во општеството мора да има сигурна здравствена заштита, бидејќи таа е значајна за нашиот пород, во никој случај жената не смее да стравува дали на породување ќе изгуби органи или живот. Ни треба образовен систем подеднакво достапен за сите, а не образование без книги! Понатаму, социјална правда за жените преку еднакви плати за иста работа и поголема вклученост на жените на пазарот на трудот! Така би постигнале економско зајакнување на жените во општеството и еднаков пристап до ресурси. Инвестирањето во жените е гаранција за напредна економија, демократија и благосостојба во секое семејство, во секое општество. Сите овие чекори кои ги набројав се патот до постигнување на родова рамноправност, нешто што е наша дамнешна заложба. Никако несакам да се разбере ова како борба против мажите, туку како борба заедно со мажите, бидејќи проблемите на жените се и проблеми на мажите и само заедно може да ги победиме. Ние сме еднакви по устав, еднакви во популација и треба да уживаме исти права. Затоа наша заложба, како жени во политиката е еднаква застапеност на пратеничките и советничките листи помеѓу мажите и жените. Сакам со особено задоволство да споделам дека по локалните избори во 2021 година имаме најголем број на жени претседателки на Советите во општините, односно најголема бројка во историјата на Република Македонија. Благодарение на поддршката која жените во партијата ја имаат од претседателот на ВМРО-ДПМНЕ проф. др. Христијан Мицкоски и соработката со претседателите на општинските комитети на партијата. Но, морам да искажам разочарување за бројот на министерки во Владата, за бројот на градоначалнички, но и тоа што досега во државата не сме имале жена премиерка, ниту жена претседателка на државата, иако ВМРО-ДПМНЕ на претседателските избори во 2019 година за првпат ја искажа својата најсилна поддршка кон жените со номинацијата на професорката Гордана Силјановска Давкова за кандидат за претседателка на Македонија. Би сакала родовата рамнопраност да дојде сама по себе како нешто природно, а не наметнато, но живееме во општество во кое се задолжителни квоти во изборниот законик, кои иако се навредливи сепак благодарение на нив сме застапени на листите. Остануваме цврсто на својата улога на претставник на македонските жени, македонските мајки и сестри. Во исто време, ги поттикнуваме и охрабруваме македонските жени јасно да ја видат својата улога во општеството. Улога на модерна жена, но и чувар на семејните вредности и традиции, улога на добар претприемач но и добра мајка, жена и сопруга, жена која е посветена на кариерата, но и жена која не го заборава семејството. А токму семејството е основниот столб на секое општество и мотив за секоја една од нас. Како во минатото, така и во иднина, Унијата на жени на ВМРО-ДПМНЕ ќе продолжи да биде значаен сегмент кои ги обединува сите жени со цел да се сочуваат македонските семејни вредности за кои ние самите сме одговорни и кои имаме обврска да ги пренесеме на нашите деца, затоа што еден ден, токму нашите деца ќе продолжат да се грижат за тоа огнот во македонското огниште никогаш да не згасне. Унијата на жени е еден од најмоќните фактори во борбата против половата дискриминација, насилството врз жената, слободата на жената и воопшто правата на жената. Повеќе жени – значат повеќе решени проблеми, повеќе жени – значат поголеми успеси, а политиката во која се вклучени повеќе жени – значи подобра политика. Продолжуваме да бидеме активен чинител во придвижувањето на Македонија кон Европската унија и запазувањето на европските вредности. Во исто време, Унијата на жени како дел од Европската народна партија, целосно ја поддржува и се заложува на имплементација на резолуцијата женски визии за Европа, односно унапредување на политичката еманципација на жените и промовирање на важни прашања поврзани со жените како што се: родовата еднаквост на пазарот на трудот и женското претприемништво, фокус на улогата на жените во промовирањето на слободата, правдата, човековите права и демократијата. И сосема на крајот, сакам накратко да се остврнам на актуелната состојба во Република Македонија. Имаме огромна задолженост на земјата која вртоглаво се зголемува, а нашата Влада не прави ништо за да го заштити трудот и производството, туку целиот товар на сите видови кризи што секојдневно ги создава го става на грбот на работниците, земјоделците, невработените, пензионерите, ранливите категории, а најмногу на нас – жените! После 6 години власт, веќе на сите ни е јасно дека оваа Влада нема намера да се грижи за обичните граѓани. Имаме Власт која незнае што е реформа, власт која не умее да работи, а уште помалку да покаже резултати. Заборавивме дека постои економија, незнаеме што се инвестиции, владеењето на правото и правната држава станаа мисловна именка, образованието ни е пред колапс, здравството ни е болно, инфраструктурата е катастрофална, администрацијата заборавена. патриотите се во затвор, а криминалците се на слобода и ја водат државата! Македонија секојдневно ни тоне, буквално на секое поле! Затоа, почитувани мои лавици, Ве повикувам на единство, Ве повикувам на борба против оваа одродена власт, Ве повикувам заедно да ја градиме нашата европска иднина, со чиста мисла, искрено и достоинствено да се вклучиме во сите процеси за вистинска и коренита обнова на Република Македонија. Да ставиме крај на тиранијата на мнозинството, да се избориме за Влада која ќе ги слуша проблемите и ќе нуди решенија, а на чело на државата да ставиме човек на кој сите му веруваат и човек кој покажа како се испорачуваат резултати. Тоа е претседателот на ВМРО-ДПМНЕ проф. др. Христијан Мицкоски! Сега е моментот кога мора да се обединиме во идејата за заедничка иднина! Идејата е доволно силна, а мотивот доволно голем да си ја сочуваме татковината! Ве повикувам да бидеме предводници на промените кои следуваат, затоа што сме одлучни за промени! Да живее Унијата на жени на ВМРО-ДПМНЕ! Да ни е вечна и вековита Република Македонија!

СЛЕДЕТЕ ВО ЖИВО: Мицкоски ќе се обрати на Конференцијата на Унија на жени на ВМРО-ДПМНЕ

Ивана Ефремовски — Sun, 07 May 2023 16:24:11 +0000

Во Македонска филхармонија во Скопје вечерва ќе се одржи 19-тата годишна конференција на Унија на жени на ВМРО-ДПМНЕ насловена „Одлучни за промени“. Како што најавија од ВМРО – ДПМНЕ, свое обраќање на годишната конференција на Унија на жени на ВМРО-ДПМНЕ ќе имаат Христијан Мицкоски, претседател на ВМРО-ДПМНЕ и Жаклина Пешевска, претседателка на Унија на жени на ВМРО-ДПМНЕ. Настанот можете да го следите во живо на линкот во продолжение

УЖ на ВМРО-ДПМНЕ: Ковачевски да се извини за шовинизмот, сексизмот искажан кон колешка пратеничка, говорот на омраза не смее да биде дел од нашето секојдневие

Ивана Ефремовски — Fri, 24 Feb 2023 21:26:29 +0000

Крајно сме вознемирени, најсериозно загрижени и згрозени од она што се случи денес во храмот на демократијата и тоа од страна на премиерот Ковачевски! Говорот на омраза не смее да биде дел од нашето секојдневие. Најмалку што може да стори премиерот денес, е да се извини - порачуваат од УЖ на ВМРО-ДПМНЕ. „Да се извини затоа што негова работа не е да коментира нечиј изглед! Да се извини затоа што нема трпение да слуша за проблемите кои им ги создаде на граѓаните! Да се извини затоа што ние – жените пратенички, имаме право на нормална работна средина во која ќе работиме за доброто на граѓаните и државата! Политичка некултура, шовинизам и сексизам не смее да практикува никој, а најмалку премиерот Ковачески! Жените во политиката имаат голема тежина! Иако сериозно сме загрижени од омразата и агресивноста кои се манифестираат во законодавниот дом, на премиерот Ковачески му порачуваме – нема да нè одвратите од намерата да се бориме за доброто на граѓаните! И додека очекуваме извинување од Ваша страна, бидете сигурен дека денешното однесување говори и повеќе од доволно за Вашата личност и Вашиот карактер“ - се наведува во партиското соопштение.

Пешевска: Успешната приказна на Унија на жени започнува пред 25 години од Велес, ќе продолжиме со зајакнување на капацитетите

Ивана Ефремовски — Sat, 19 Nov 2022 13:10:02 +0000

Денеска сме овде во Велес каде што почнува успешната приказна на Унијата на жени пред точно 25 години. Настанот е на тема означување на 25 години успешна Унија на жени и основање токму во Велес, истакна Жаклина Пешевска, претседателка на Унијата на жени на ВМРО-ДПМНЕ. „Ќе ги потенцираме заложбите на жената во секое поле, но и тенденцијата да бидат што повеќе вклучени во политиката, во местото каде што се носат одлуки, се креираат политики. Ќе мотивираме уште повеќе жени. Работиме како Унија на жени на зајакнување на капацитетите. Ќе продолжиме во таа насока. И се надевам дека ќе имаме убав и успешен настан денес“ - реча таа.

УЖ на ВМРО-ДПМНЕ ги одбележа Велигденските празници со низа активности и хуманитарни акции

Катерина Бојаџиева — Sun, 24 Apr 2022 10:00:38 +0000

Унијата на жени на ВМРО-ДПМНЕ ги одбележа Велигденските празници со низа активности, хуманитарни акции и посета на социјално загрозени семејства, многудетни семејства, центри за лица и деца со посебни способности, информира претседателката на Унијата на жени на ВМРО-ДПМНЕ, Жаклина Пешевска. -Членките подготвија пригодни трпези, базари со Велигденски изработки и украси, многу од нив со хуманитарен карактер и собраните средства беа донирани на оние на кои им се најпотребни, но и за помош за изградба на цркви и манастири. Ние жените од Унијата на жени, како стожер на семејната традиција и обичаи, чување на Верата и семејството продолжуваме посветени и водени од мудроста на успехот, следејќи ги трите постулати на нашето постоење "Вера, надеж и љубов" Успешна приказна на Унијата на жени на ВМРО-ДПМНЕ СРЕЌНИ ВЕЛИГДЕНСКИ ПРАЗНИЦИ! ХРИСТОС ВОСКРЕСЕ!, пишува Пешевска на Фејсбук.

Пешевска: На денешен ден во 2019 година, УЖ беше примена за членка на EPP Women, со што се потврдија европските аспирациите на ВМРО-ДПМНЕ

Катерина Бојаџиева — Tue, 19 Oct 2021 18:45:44 +0000

На денешен ден во 2019 година, Унијата на жени на ВМРО-ДПМНЕ беше примена за членка на Организацијата на жени на Европската народна партија (EPP Women), со што се потврдија европските аспирациите на ВМРО-ДПМНЕ, истакна претседателката на УЖ на ВМРО-ДПМНЕ, Жаклина Пешевска. -Воедно, ова е признание за придонесот на жените во креирањето на политиките. БЛАГОДАРНОСТ ДО СЕКОЈА ЕДНА ЧЛЕНКА НА УНИЈАТА НА ЖЕНИ ЗА СВОЈОТ АНГАЖМАН, пишува Пешевска на Фејсбук.

Пешевска од Куманово започна со посета на Општинските комитети на УЖ на ВМРО-ДПМНЕ

Катерина Бојаџиева — Mon, 25 Jan 2021 20:26:01 +0000

Претседателката на Унија на жени на ВМРО-ДПМНЕ Жаклина Пешевска, со посета на општинскиот комитет на Унијата на жени на ВМРО-ДПМНЕ Куманово, од вечерва почнува со посетите на општинските комитети на УЖ на партијата низ цела држава. -Од вечерва започнувам со посета на Општинските комитети на Унијата на жени на ВМРО-ДПМНЕ низ Република Македонија. Вечерашната средба во Општинскиот комитет Куманово помина во одлична работна атмосфера со силна енергија за промени во нашата Македонија, напиша Пешевска на Фејсбук.

Шахпаска смета дека улогата на жените е да молзат крави, остра осуда од УЖ на ВМРО-ДПМНЕ

Ивана Ефремовски — Tue, 19 Jan 2021 14:46:03 +0000

Јагода Шахпаска ги навреди жените. Јагода Шахпаска по примерот на Заев, дополнително и како жена, наместо да се грижи за положбата на жената во општеството таа создава стереотипи, реагираат од Унијата на жени на ВМРО-ДПМНЕ. „Шахпаска смета дека улогата на жените е да молзат крави. УЖ на ВМРО-ДПМНЕ најостро го осудува говорот на омраза на Шахпаска, тоа е речник кој не одговара функционер кој треба да биде пример за однесување, и кој со своето делување треба да создава простор за целосно почитување и еманципација на жената. Се додека СДСМ не почне на дело да практикува почитување на жената, а сето тоа е сведено само на празни флоскули се дотогаш ќе имаме потценување на жената, што е неприфатливо“, се наведува во нивното соопштение.

Пешевска ги објави имињата на членките на УЖ на ВМРО-ДПМНЕ кои ќе бидат дел од ИК

Ивана Ефремовски — Wed, 21 Oct 2020 18:07:08 +0000

Ова е тимот од кој како претседателка на Унијата на жени на ВМРО-ДПМНЕ ќе барам посветена работа. Овие жени ќе бидат во служба на жените - членки од сите Општински комитети, истакна Жаклина Пешевска. Честа, порача таа, но и големата одговорност да бидат членови на Извршниот комитет на Унијата на жени на ВМРО-ДПМНЕ ја имаат: Емилија Ангелова - Генерален секретар Мартина Спасовска - Технички секретар Бети Стаменковска Трајковска Слаѓана Митовска Милка Тримчевска Павлинче Честојнова Лидија Водјаник Јелена Жугич Виолета Ковачевиќ Даниела Јовчевска Михајловска Нермин Теловска Анета Шандева Доневска Верче Мицевска Надица Танчева Тулиева Весна Ничева Сузана Мурџева Даниела Христова Христина Смилевска Ирена Стерјовска Локвенец Анита Гинова Каракутова Ангелина Петкова Тања Достинова Запрова Лидија Петкова Валентина Велјановска Светлана Карапетрова Елена Зарковска Христина Серафимовска Елизабета Тодоровска Даница Јованова Весна Атанасовска Маневска Катерина Божиновска https://www.facebook.com/ZPeshevska/posts/1778665952309960

Ласовска го посети Дневниот центар за лица со ментален и телесен хендикеп во Кавадарци

Катерина Бојаџиева — Wed, 26 Dec 2018 17:18:08 +0000

Претседателката на Унија на жени на ВМРО-ДПМНЕ Благица Ласовска, денеска беше во посета на Дневниот центар за лица со ментален и телесен хендикеп во Кавадарци.