ужас – Kurir.mk

УЖАС во Скопје: Тело на починато лице најдено покрај Вардар

Ивана Ефремовски — Sun, 22 Oct 2023 11:38:41 +0000

Во близина на болницата „Систина“, на кејот на реката Вардар, пронајдено е тело на починато лице. Први сведоци биле случајни минувачи. Телото подолго време стоело покрај коритото на реката. Причините за смртта не се познати, ниту пак, кога настанала. Ќе се утврдува и идентитетот на лицето. Повикана беше полиција, која сега прави увид. Телото ќе биде дадено и на обдукција, а треба да биде повикан и јавен обвинител. ФОТО: ПлусИнфо

Ужас по ужасот: Болниците во Газа преполни и на работ на колапс, остануваат без храна, вода и лекови

Ивана Ефремовски — Mon, 16 Oct 2023 13:10:27 +0000

Жителите на Појасот Газа се засолнуваат во болници и училишта додека израелските бомбардирања продолжуваат, а храната, водата и лековите се при крај. Повеќе од еден милион луѓе ги напуштија своите домови пред очекуваната израелска копнена офанзива. Палестинците се надеваат дека ќе го отворат граничниот премин Рафах меѓу Газа и Египет, каде камионите чекаат со денови да ја достават потребната хуманитарна помош додека посредниците вршат притисок да се прогласи прекин на огнот за да можат да влезат во Газа и да им се овозможи на странците да ја напуштат. Рафа, единствената врска на Газа со Египет, е затворена речиси една недела поради израелските бомбардирања. Египетскиот министер за надворешни работи Самех Шукри рече дека Израел не се согласил да го отвори преминот од Газа. Цели населби се срамнети со земја во израелските воздушни напади додека палестинските екстремисти продолжуваат да истрелуваат ракети кон Израел. Стотици илјади Палестинци кои се засолниле во зградите на ОН имаат на располагање помалку од еден литар вода дневно. Болниците предупредуваат дека се на работ на колапс, дека за генераторите кои овозможуваат работа на респиратотите и инкубаторите има гориво само за еден ден и дека медицинските материјали се речиси исцрпени. Во војната меѓу Израел и Хамас досега се убиени 2.750 Палестинци, а 9.700 се ранети. Во Израел загинаа повеќе од 1.400 луѓе. Оваа последна војна се смета за најсмртоносна за двете страни. (МИА)

УЖАС ВО МАКЕДОНИЈА: Малолетничка силувана, приведени шест тинејџери

Ивана Ефремовски — Sun, 10 Sep 2023 14:28:04 +0000

На 09.09.2023 во 19:30 часот во тетовско, полициски службеници од СВР Тетово лишиле од слобода пет малолетници и еден 18-годишник, сите од тетовско. Приведени се постапувајќи по претходна пријава на жител од тетовско според која, тие со закана ја принудиле неговата малолетна ќерка на полови дејства. По целосно документирање на случајот ќе биде поднесена соодветна пријава.

Трагедија: Едногодишно девојче се удави додека родителите правеле вечера на брод

Ивана Ефремовски — Thu, 03 Aug 2023 08:43:38 +0000

Девојче од Нов Зеланд кое имало само една година, се удавило додека нејзините родители подготвувале вечера на брод за време на семеен одмор на Фиџи. „Додека ја најдовме, веќе беше доцна“, напишал семеен пријател на страницата за собирање средства за покривање на трошоците за авионскиот пат од Фиџи до Нов Зеланд, како и за погребот на девојчето (1). Тој додаде дека Махина била прекрасно, весело и насмеано дете кое ги сакало водата и животот на бродот. Махина си играла на палубата на бродот додека нејзините родители Марк и Кири подготвувале вечера во кујната. Тие верувале дека Махина била безбедно врзана со ремен на палубата на бродот и во тоа време гледала цртан филм. -Кога се вратиле на палубата, не ја нашле таму и очајно ја барале додека не ја виделе како лебди во морето, објави The New Zealand Herald. Кога виделе дека нивната ќерка паднала во водата, набрзина излегле на брегот да побараат помош, но никој не можел да и помогне. Полицијата во Фиџи соопшти дека Махина можеби се ослободила од појасот и завршила во водата. Случајот е под истрага. Министерството за надворешни работи соопшти дека е запознаено со случајот и понуди помош на семејството.

УЖАС: Телото на пријателката го чувал во замрзнувач за да ја зема нејзината пензија

Ивана Ефремовски — Sat, 08 Jul 2023 20:00:49 +0000

Шведското обвинителство смета дека човекот, кој не е именуван, извршил „систематска“ измама и се стекнал со корист од 1,3 милиони круни (околу 110.000 евра), пишува „Sky News“. Обвинетиот на инспекторите им рекол дека телото на својата пријателка, која е Норвежанка, го ставил во замрзнувач откако ја нашол мртва во нивната куќа. По нејзината смрт тој ги уверил семејството и пријателите дека жената е се уште жива. Двајцата живееле во Арјанг, околу 340 километри западно од главниот град Стокхолм. Телото било откриено во замрзнувачот на 16 март, а мажот бил уапсен три дена подоцна и оттогаш е во затвор. Сепак, истражувачите веруваат дека мажот некако користел помошници за да го придвижи телото, па не исклучуваат дека некој друг е вмешан. Почетокот на судењето е закажан за крајот на овој месец.

УЖАС ВО СРБИЈА: Дете и неговиот татко пронајдени мртви – мајката вреска од болка, соседите откриваат детали

Ивана Ефремовски — Thu, 15 Jun 2023 07:29:07 +0000

Во стан на Баново брдо се пронајдени телата на маж (41) и неговиот деветгодишен син, а се сомневаат дека се работи за убиство и самоубиство. Оваа трагедија ги шокираше сите жители на малата улица во Чукарица. Според соседите, првата полициска патрола дошла околу 19 часот. Потоа слушнале плач на жена, која, како што тврдат, е мајка на момчето. Наводно повикала бравар да ја отвори заклучената врата. -Пред тоа не слушнавме ништо. Тие живееја таму како станари, ние не ги познававме. Можеби сме ги виделе, но попатно. Овде постојано се менуваат станарите бидејќи сопствениците на куќата починале, а младиот сопственик ретко ја посетува куќата. Трагедија, што друго да кажеме, рекоа ужаснатите соседи. Еден сосед посочува дека инаку е мирна улица и дека никогаш немало расправии или тепачки. Неколку станари живеат во посебни делови во куќата во која се случи трагедијата. Како што јавуваат српските медиуми, по одземањето на телата низ улицата на Баново брдо одекнале лелекот на очајна жена за која се претпоставува дека е мајка на детето. Набрзо била однесена со возило на брза помош. Повеќе детали за страшниот настан ќе бидат познати по обдукцијата.

Ужас во Црна Гора: Чувар на училиште силувал девојче, не му било прв пат

Ивана Ефремовски — Mon, 22 May 2023 20:08:03 +0000

Црногорската полиција соопшти дека 47-годишник е уапсен под сомнение дека сексуално злоставувал малолетничка во училиштето на северот од државата каде работи како чувар. -Припадниците на Регионалниот центар за безбедност „Север“ во соработка со службениците на Секторот за гранична полиција го спречија обидот за бегство на осомничениот (47), го пронајдоа и го приведоа во службените простории, се наведува во соопштението на Полициската управа, пренесува Вијести. Се додава дека мажот е лишен од слобода по наредба на Вишото државно обвинителство поради сомнение дека сторил кривично дело недозволена полова активност. Тој е осомничен за сексуална злоупотреба на малолетничка во јуни и септември 2022 година, како и на 19 мај годинава во просториите на училиштето во кое чуварот работел, а девојчето била ученичка.

РОДИТЕЛИ ОД ПЕКОЛОТ: Тоа што му го правеле на своето дете е УЖАСНО – еве како се спасил синот

Ивана Ефремовски — Wed, 17 May 2023 10:10:29 +0000

Родителите од Џорџија се уапсени под обвинение за злоставување и занемарување на дете, откако нивниот гладен 10-годишен син бил пронајден како скита во нивното соседство барајќи продавница каде што би можел да моли за храна. Полицијата на Грифин ги уапсила Тајлер и Криста Шиндли откако соседите го пронашле нивниот изнемоштен син изгубен на улиците во петокот. Детето ја молело полицијата да не го присилува да се врати дома. Тие рекоа дека момчето намерно било изгладнето и тежело само околу 17 килограми кога било спасено, што значи дека имало тежина на просечно четиригодишно дете. „Ова дете, едноставно кажано, гладувало и тоа е трагично“, рече окружниот обвинител на округот Грифин, Мари Бродер, на прес-конференција. -Родителите се обвинети дека го заклучувале детето во својата спална соба и го оставиле детето само во куќата „на повеќекратни наврати долги временски периоди, без пристап до светлина, храна, облека или помош од возрасни“, се вели во соопштението. Тие, исто така, му забранувале на 10-годишниот син да користи топла вода, да гледа кон надвор од дома, да троши тоалетна хартија и му забраниле човечка интеракција. Тие го претепале, нанесувајќи му дополнителни повреди. Гладното дете итно е пренесено во блиската болница, каде што се лекува поради неухранетост и слабо чукање на срцето. Момчето претрпело и „забно оштетување и обезличување“ од глад, повреди кои родителите наводно не успеале да ги санираат. Официјалните лица додадоа дека во домот имало и други деца и дека тие биле ставени под надзор на државниот Оддел за семејни и детски услуги. Шиндлс се обвинети за затворање, злоупотреба и суровост кон децата.

Krista and Tyler Schindley were arrested after neighbors found their emaciated 10-year-old son wandering the streets. They starved him. He weighed only 36 lbs 🤬 Hang ‘em High pic.twitter.com/K6FCjP7u7w
— 🍀LuckyStrike🍀 (@LuckeeStrke) May 16, 2023

УЖАС во Италија: Мечка усмрти млад човек, сега ја бараат да ја убијат

Ивана Ефремовски — Sat, 08 Apr 2023 16:11:30 +0000

Млад човек (26) бил пронајден мртов во близина на шумска патека во северната италијанска провинција Тренто, каде што бил нападнат и усмртен од мечка додека џогирал. Причината за смртта на жителот на Тренто е утврдена по извршената обдукција, соопштиле тамошните власти. Телото на маж било пронајдено во четвртокот во близина на шумска патека во долината Вал ди Соле, популарна дестинација за планинари и туристи, пренесува Гардијан. Властите веднаш се посомневале во напад на мечка поради видот на повредите, кои вклучувале длабоки расекотини на телото и лицето, каснувања и длабока рана на стомакот. Претседателот на автономната провинција Тренто, Марио Фугати, на состанокот со Комитетот за јавен ред и безбедност изјавил дека мечката сега мора да се најде и убие „за да се гарантира јавната безбедност“. -Сите „проблематични“ животни треба да бидат застрелани“, додал тој. Инаку, во планинската и шумска област на северна Италија живеат околу 100 мечки, а во последно време жителите се почесто ги гледаат. Според покраинската управа нивниот број се зголемува. Десет нови мечки биле донесени на ова подрачје од Словенија во 1999 година како дел од проектот на Европската унија „Life Ursus“ со цел да се заштити видот од исчезнување. Првично била планирана популација од 50 животни, а Фугати вели дека сега треба да се справат со „вишокот“.

УЖАС: Шест девојчиња загинаа во несреќа во Америка

Ивана Ефремовски — Mon, 27 Mar 2023 06:17:54 +0000

Шест девојчиња загинаа, а две лица се повредени во судир на два автомобили на меѓудржавен пат во американската држава Тенеси, соопштија локалните власти. Како што јавиja локлание медиуми, несреќата се случила во неделата рано наутро по локално време. На местото на несреќата шесте девојчиња биле пронајдени мртви и според првичните информации се на возраст од 1 до 18 години. Сите биле до превртеното возило од кое најверојатно од силината на ударот испаднале. Жена, за која се верува дека исто така паднала од истиот автомобил, била пронајдена во критична состојба. На местото на настанот и била укажана помош пред да биде пренесена со хеликоптер во локалната болница, соопштија официјални лица. Уште еден маж е повреден и исто така е пренесен во болница. Возачот на другиот автомобил кој учествувал во несреќата не е повреден. Жртвите сè уште не се идентификувани и не се знае дали се во роднинска врска. Причината за несреќата, исто така, сè уште не е соопштена. Истрагата е во тек. (МИА)