узурпација на недвижности – Kurir.mk

На државно земјиште си изградил куќа, ќе одговара за узурпација на недвижности

Ивана Ефремовски — Sat, 25 Jun 2022 16:12:27 +0000

ОВР Дебар поднесе кривична пријава против Г.К.(43) од Скопје, поради постоење основи на сомнение за сторени кривични дела „узурпација на недвижности“ и „бесправно градење“. Во текот на 2021 година во атарот на Центар Жупа, пријавениот узурпирал земјиште со вкупна површина од 456 м2 во државна сопственост и на него изградил куќа со што го оштетил буџетот на Република Македонија за 902.880 денари.

Скопјанец започнал градба на државно земјиште без дозвола – поднесена кривична пријава

Магдалена Андонова — Wed, 18 May 2022 09:34:12 +0000

СВР Скопје – Единица за економски и компјутерски криминал поднесе кривична пријава против Х.А.(56) од Скопје поради постоење основано сомнение за сторени кривични дела „узурпација на недвижности" по чл.225 ст.2 и „бесправно градење" по чл.244-а ст.1 од Кривичниот законик. На 17.01.2022 на место викано „Копаница“ - катастарска општина Копаница, претставници на Градежен инспекторат извршиле инспекциски надзор на земјиште сопственост на Република Македонија и на местото го затекнале пријавениот како врши градежни активности со тврд материјал без да поседува Одобрение за градење издадено од општина Сарај. Со ваквите дејствија тој ги сторил делата кои му се ставаат на товар.

Скопјанец ќе одговара за „узурпација на недвижности“ и „бесправно градење“

Ивана Ефремовски — Fri, 01 Apr 2022 14:57:26 +0000

ОВР Дебар поднесе кривична пријава против Ј.Б.(62) од Скопје, поради постоење основи на сомнение за сторени кривични дела „узурпација на недвижности“ и „бесправно градење“. Пријавениот, на парцела лоцирана покрај реката Црн Дрим, во државна сопственост, узурпирал земјиште и без одобрение за градење изградил објект од тврда градба, стекнувајќи се со противправна имотна корист на штета на Буџетот на Република Македонија.