ВАДА – Kurir.mk

ВАДА: Надал не се допингува

Бошко Тасиќ — Sat, 11 Jun 2022 05:15:14 +0000

Надал прима анестезии со цел да не чувствува болка за време на мечевите, а веќе подолг период има проблем со стапалото поради синдром кој не се лечи. „Тие инјекции не се на позитивната листа и не се забранети од ВАДА, зашто не се штетни, а притоа и не ги подобруваат перформансите. Надал има 14 трофеи на Роланд Гарос, ама 13 освои без претходно да ги прима тие инјекции, така да и овојпат не е причина за победата тоа што ги примал истите“, вели Нигли. Во одбрана на Надал очекувано застана и шпанското друштво за спортска медицина (СЕМЕД). „Анестетичките инјекции се широко распространето терапевтско средство кое долго време се користи и во спортот и во други области и тоа што прават тие инјекции е дефинирано во медицината, со главна цел да се намали болката на одреден дел од телото“, објави СЕМЕД.

Путин со коментар откако Русија беше суспендирана од ВАДА

Ивона Петрова — Tue, 10 Dec 2019 08:15:46 +0000

Рускиот претседател Владимир Путин ја коментираше одлуката на Светската антидопинг агенција (ВАДА) во врска со четиригодишната суспензија на спортистите од оваа земја. Тој побара руските спортисти да настапуваат под државното знаме. -Треба да ја анализираме оваа одлука на ВАДА за руските спортисти. Најважно, според мое мислење, а мислам и дека сите се согласуваат со ова, е дека секоја казна, како што беше од времето на римското право, треба да биде индивидуална и да тргне од она што го сторило едно или друго лице. Казните не можат да бидат од колективна природа и да важат за луѓе кои немаат никаква врска со одредени прекршувања. Мислам дека стручњаците од ВАДА го разбираат и ова, но ако некој од нив донесе вакви одлуки за колективни казни, тогаш ми се чини дека има причини да верувам дека ваквите одлуки не се засноваат на чистотата на светските спортови, туку имаат политичка заднина. Ова нема никаква врска со интересите на спортот и олимпиското движење, изјави Путин. Извршниот комитет на ВАДА вчера ги одобри препораките на комитетот за усогласеност и ги утврди санкциите за Русија. Овие вклучуваат четиригодишна забрана за настап на руски спортисти на меѓународни турнири под знамето на земјата, како и натпревари на територијата на Руската Федерација.

ФИФА се огласи по суспензијата на Русија од ВАДА

Ивона Петрова — Mon, 09 Dec 2019 13:23:52 +0000

Светската фудбалска федерација одговори на барање во врска со денешната одлука на ВАДА, со која се суспендирани руските спортисти да учествуваат на Олимпијадите и Светското првенство во наредните четири години. Во исто време, ВАДА забележува дека на „чистите“ спортисти ќе им биде дозволено да се натпреваруваат под неутрално знаме. – ФИФА ја забележа одлуката донесена денес од Извршниот комитет ВАДА. ФИФА е во контакт со ВАДА и Здружението на меѓународни олимписки федерации на летни спортови (АСОИФ) со цел да се разјасни ефектот на одлуката во врска со фудбалот, е ставот на ФИФА по ново настанатата ситуација со суспензија на руските спортисти.

Русија суспендирана: Четири години без настап на Олимписките игри и Светските првенства

Ивона Петрова — Mon, 09 Dec 2019 11:17:12 +0000

Извршниот комитет на Светската антидопинг агенција (ВАДА) ги прифати препораките на комитетот за усогласеност и ја отстрани Русија четири години од сите поголеми натпреварувања, вклучително и Олимписките игри и Светските првенства. Денес во Лозана се одржа состанок на Извршниот комитет на ВАДА за статусот на РУСАДА. Се известува дека одлуката е донесена едногласно. Претходно, комитетот за усогласеност препорача да се одземе агенцијата од нејзиниот статус, да се отстрани Русија од меѓународните натпревари четири години и да се лиши земјата од правото да биде домаќин на големи спортски турнири. Руските власти нема да можат да присуствуваат на Олимпијадата и на другите големи турнири. Исто така, руската страна ќе треба да плати казна. Чистите руски спортисти ќе бидат примени на Игрите и Светските првенства, но само во неутрален статус – без знаме и химна. Причината е истрага според податоците од базата на московската антидопинг лабораторија, која ги содржи резултатите од студиите за 2012-2015 година. Независни експерти откриле дека базата на податоци е изменета со цел да се сокријат позитивните допинг-тестови на руските спортисти. Руската страна има рок од 21 ден да поднесе жалба за одлуката на ВАДА.

Чеферин: Во УЕФА има писмо од ВАДА дека Рамос е чист

Ристе Здравков — Tue, 04 Dec 2018 13:24:09 +0000

Претседателот на УЕФА, Александар Чеферин, соопшти дека не треба да им се верува на информациите од „Фудбал Лејкс“ за наводно допингување на капитенот на Реал, Серхио Рамос. Според изворот, Шпанецот бил позитивен на допинг-тест пред финалето на Лигата на шампионите во 2017 година, но не бил казнет по писмо испратено од клубот до УЕФА. · Не треба да разговарате за ова. УЕФА има писмена изјава од ВАДА која јасно наведува дека правилата не биле повредени. Најавторитетното тело во светот вели дека сè е во ред. Немам ништо повеќе да кажам, изјави Чеферин.

Черишев под истрага од ВАДА за допинг

Ристе Здравков — Tue, 11 Sep 2018 13:55:49 +0000

Портпаролот на Светската антидопинг агенција (ВАДА) ја потврди за руското издание „Спорт Експрес“ информацијата, која беше објавена во саботата од британскиот весник „Дејли Телеграф“, дека е отворена истрага за наводна употреба на допинг од страна на рускиот репрезентативец и фудбалер на Валенсија, Денис Черишев.

- Случајот на Черишев во моментов е под истрага од шпанската антидопинг агенција. Таа ја информира ВАДА за резултатите од направените истражувања, изјави портпаролот на Светската антидопинг агенција Меги Дуранд за руското издание.

Во Шпанија го истражуваат Черишев по изјавите на неговиот татко Дмитриј кој откри дека Денис вбризгувал хормон за раст, за да се опорави побрзо од повредата.

Од локалната федерација се уште го проверуваат случајот, а според самиот Черишев станува збор за користење супстанции кои не се забранети.

Користењето на хормони за раст по медицински причини не е класифицирано како допинг, но ако се докаже дека не постои медицинска оправданост, играчот може да претрпи казна и да му бидат запрени натпреварувачките права за четири години.

Фернандо Алонсо подложен на допинг тест

Ивона Петрова — Thu, 22 Feb 2018 19:05:36 +0000

Фернандо Алонсо денеска го посетиле претставници на ВАДА (Светска антидопинг агенција), кои му земале примерок од крв и урина. Испекторите на Агенцијата кај Алонсо пристигнале околу шест часот наутро. Возачот на Мекларен, кој оваа седмица има тест возења во Арагон со тимот на Тојота од Светската серија, објави фотографија на својот Инстаграм профил и се пошегува од неочекуваната посета. Според правилата на ВАДА, допинг-тестерите можат да се појават без предупредување во домот или во хотелот кај одреден спортист. Од друга страна спортистите се обврзани секојдневно да и ја соопштуваат својата местоположба на Агенцијата