вадим бојченко – Kurir.mk

Бојченко се надева дека евакуираните од Азовстал денеска ќе стигнат до Запорожје

Ивана Ефремовски — Tue, 03 May 2022 10:28:18 +0000

Градоначалникот на Мариупол, Вадим Бојченко изрази надеж дека првата колона евакуирани од урнатините на челичарницата Азовстал денеска ќе стигнат до градот Запорожје, контролиран од Украина. -Колоната се движи кон Запорожје, евакуацијата продолжува, појасни градоначалникот. Како што тој истакна, над 200 цивили останале во челичарницата Азовстал, каде се наоѓаат последните украински бранители на градот. Вкупно околу 100.000 цивили сè уште се во пристанишниот град на Азовското Море, додаде Бојченко. (МИА)

Бојченко: Мариупол и натаму се бори и ќе остане украински град

Катерина Бојаџиева — Thu, 14 Apr 2022 10:43:27 +0000

Градоначалникот на опколениот украински приморски град Мариупол, Вадим Бојченко, рано утринава изјави дека градот се уште се бори и дека ќе остане украински. Бојченко ги нарече лажни руските вести за освојувањето на градското пристаниште и предавањето на повеќе од илјада украински борци, пренесе ДПА. -Овој град на брегот на Азовско Море сè уште го бранат припадниците на полкот Азов и морнарицата, рече Бојченко, кој е надвор од градот. Мариупол со недели е под опсада на руските сили. Поголемиот дел од градот е уништен, а условите за живот на преостанатите граѓани се катастрофални.

Градоначалникот на Мариупол: Во градот убиени повеќе од 10.000 цивили

Ивона Петрова — Tue, 12 Apr 2022 05:48:20 +0000

Градоначалникот на крајбрежниот украински град Мариупол, Вадим Бојченко, синоќа изјавил дека од почетокот на воените дејства досега се убиени најмалку десет илјади цивили. Од непозната локација надвор од градот тој дал изјава за медиумите во која тврди дека улиците на градот се прекриени од мртви тела. Притоа тој посочил дека во градот се уште има околу 120 илјади цивили кои имаат итна потреба од вода, храна, лекарства. Бојченко истакнал дека дека Руси ги собирале телата и ги ставале во ладилници во трговски центар во градот. -Пристигнаа подвижни крематориуми на камиони. Ги отварате, внатре има цевка во која се спалуваат телата, изјави тој. Нема потврда на таквите информации за кои Бојченко самиот изјави дека ги обезбедил од повеќе извори.

Градоначалникот на Мариупол: Не можеме ранетите да ги тргнеме од улица, гранатирањето не запира

Ивона Петрова — Thu, 03 Mar 2022 09:45:50 +0000

Градот Мариупол на југоистокот од Украина е центар на напади изминативе денови, но останал под контрола на Украина. Според наводните на медиумите, пристигнала закана дека Русија ќе започне целни напади на градот доколку украинските сили не се предадат, а се верува дека Мариупол е опколен од непријателски сили. Градоначалникот Вадим Бојченко во видео обраќање истакнал дека градот „не може дури ни да ги тргне ранетите од улица, од становите, бидејќи гранатирањето не запира.“ Мариупол е на брегот на Црното море и е една од главните цели на Русија, покрај Харков и Херсон.