вафли – Kurir.mk

Оригинален рецепт со кој излегуваат вкусни, миризливи и неодоливи: Белгиски вафли кои ќе посакате повторно да ги направите

Ристе Здравков — Mon, 03 Apr 2023 07:34:10 +0000

Состојки: 500 гр брашно 4 белки 250 гр стопен путер 120 гр млеко во прав 20 гр свеж квасец 1 лажичка кафеав шеќер ½ лажичка сол 1 ванилин шеќер 600 мл млака вода Подготовка: Во поголем сад сипете го брашното, направете вдлабнатина и таму ставете ги квасецот, млаката вода, шеќерот, млекото во прав, ванилиниот шеќер. Изматете го тестото и оставете го да отстои половина час. Растопете го путерот и кога малку ќе се олади додадете го во тестото и измешајте. Изматете ја белката додека не се стегне и додадете ја во тестото. Промешајте за смесата да биде униформа. Печете ги вафлите во подмачкана машина. Совет: Ако вашите вафли се лепат за уредот, малку зголемете ја количината на путер во рецептот.

Некои ги нарекуваат ГАЛЕТИ, а некои ВАФЛИ: Најдобриот рецепт за омилениот десерт кој има традиционално потекло

Ристе Здравков — Mon, 10 Oct 2022 07:17:01 +0000

Бабиниот колач е една од најпопуларните деликатеси од минатото. И денес се прави и се јаде, но многу луѓе го знаат под друго име. Некаде се галети, некаде се вафли, а всушност сите тие не се ништо друго освен модерни верзии на познатиот колач на баба. Може да се јаде со разни прилози, а добро познатите празни, со шеќер во прав или домашен џем се оние кои ни го одбележаа детството. Ако сакате да се вратите неколку децении наназад и повторно да уживате во овој одличен десерт, набавете хартија и пенкало и запишете го овој рецепт, бидејќи сме сигурни дека ќе го правите повторно и повторно. Потребно е: 600 гр брашно 250 гр шеќер 3 јајца 125 гр путер 150 мл млеко 2 кесички ванилин шеќер 1 кесичка прашок за пециво 1 рамна лажичка сол кора од еден лимон Подготовка: Млекото малку загрејте го и во него додадете го растопениот путер, а потоа изматете ги јајцата во пена во садот во кој ќе ја подготвите смесата. После тоа, додадете шеќер, ванилин шеќер, сол и прашок за пециво. Сè убаво соединете. Додадете ја кората од еден лимон, која претходно сте ја изрендале на најмало ренде. Во смесата додадете млеко и путер, па замесете тесто. Печење: Ставете една лажичка од смесата во претходно загреан тостер или апарат за правење вафли и покријте со горниот слој. Потоа се пече неколку минути додека убаво не порумени од двете страни. Извадете го од апаратот и исечете по рабовите, па послужете.

Најдобриот рецепт за вафли со интегрално брашно

Ристе Здравков — Tue, 11 Aug 2020 14:22:37 +0000

Предлог што да подготвите за денешниот појадок. Потребни состојки: Шолја бело брашно Шолја интегрално брашно 4 лажици прашок за печиво Лажица шеќер 2 јајца Половина лажичка сол 250 мл млеко 2 лажици масло Лажичка екстракт од ванила Свежо овошје Начин на подготовка: Во поголем сад измешајте ги првите 5 состојки. Во друг сад додајте јајца, млеко, масло и екстракт од ванила и измешајте ги со сувите состојки за да се соединат. Ставете ја смесата во апарат за вафли според упатството за користење на апаратот. Послужете ги вафлите со овошје, крем, шлаг, чоколаден прелив - по ваша желба.

Оригинален рецепт за белгиски вафли

Ивона Петрова — Wed, 16 Jan 2019 11:31:49 +0000

Овие колачиња лесно и брзо се подготвуваат, а се неверојатно вкусни …

Потребно е: 1 кесичка сув квасец 1/3 чаша (од 250 мл) топло млеко 1 лажиче шеќер прстофат сол 2 чаши брашно 3 јајца на собна температура 1/4 чаша путер на собна температура (или 60 гр) 1/4 чаша млеко 1 лажица екстракт од ванила 1/2 чаша крупен шеќер

Подготовка: – Во еден сад измешајте ги квасецот, 1 лажиче шеќер и топлото млеко и оставете ги 15-тина минути да стаса квасецот.

– Додадете го брашното и солта и измешајте убаво со дрвена лажица. Додадете ги јајцата, едно по едно, путерот, млекото и ванилата и мечајте додека не се соединат сите состојки.

– Садот во кој се наоѓа тестот покријте го и оставете го да стои на топла собна температура додека не се удвои (околу 1 час).

– Сега додадете го крупниот шеќер во тестото. Измешајте убаво.

– Со лажица земајте од тестото (количината зависо од големината на тостерот за вафли) и ставете ги на врелиот тостер да се печат додека не поруменат убаво од двете страни.

– Крупниот шеќер ќе се карамелизира и ќе им даде на вафлите специјален додатен вкус, а малку ќе остане и за “крцкање”.

– Овие вафли можат да стојат и до една недела во затворена кутија.