вахид халилхоџиќ – Kurir.mk

Халилхоџиќ не сака на клупата на БиХ

Тале Кристо — Fri, 22 Sep 2023 14:44:28 +0000

Искусниот фудбалски стратег Вахид Халилхоџиќ ја отфрли можноста да ја преземе должноста селектор на репрезентацијата на Босна и Херцеговина, од која вчера беше сменет Мехо Кодро. „Ваха не е кандидат и нема да биде селектор на БиХ“, изјави 70-годишниот Халилхоџиќ за сараевскиот весник „Дневни аваз“, по медиумските шпекулации дека ќе биде наследникот на Кодро. Фудбалската федерација на Босна и Херцеговина одлучи му врачи отказ на Кодро (49), кој на должноста остана само два натпревари, идентично како и во 2008 година. Кодро седна на клупата на БиХ на почетокот на август на местото на Фарук Хаџибегиќ и ја предводеше репрезентацијата на натпреварите против Лихтенштајн (2-1) и Исланд (0-1) во рамки на квалификациите за пласман на ЕУРО2024.

Мароко го отпушти селекторот Халилхоџиќ

Ивана Ефремовски — Thu, 11 Aug 2022 07:47:33 +0000

Раководството на Фудбалската федерација на Мароко, одлучи да ја прекине соработката со босанскиот стручњак Вахид Халилхоџиќ, пренесува „Hisport“. Седумдесетгодишниот Босанец ја предводеше мароканската репрезентација од 2019 година. Под негово водство Мароканците извојуваа 20 победи и 7 пати ремизираа на 30 натпревари. Официјално, оставката ќе биде официјализирана по враќањето на претседателот на тамошната федерација, Фузи Лакја од Танзанија, каде што учествува на состанокот на Африканската фудбалска конфедерација. Халилхоџиќ претходно работеше во Нант, Пари Сен-Жермен, Трабзонспор, Динамо Загреб, како и со репрезентациите на Алжир, Јапонија и Брегот на Слоновата Коска. (МИА)

Јапонците му врачија отказ на Халилхоџиќ на два месеци пред Мундијалот

Дарко Андоновски — Mon, 09 Apr 2018 14:32:28 +0000

Фудбалската федерација на Јапонија ја потврди информацијата дека ја прекинала соработката со босанскиот стручњак Вахид Халилхоџиќ и објави дека репрезентацијата на Светското првенство во Русија ќе биде предводена од нов селектор. Како главна причина за неговиот отказ се наведуваат слабите резултати на пријателските натпревари против Мали (1:1) и Украина (1:2). Јапонија на Мундијалот во Русија ќе биде предводена од домашниот стручњак Акира Нишино. Халилхоџиќ и пред четири години се најде во слична ситуација кога ја однесе репрезентацијата на Брегот на Слоновата Коска на СП, а два месеци пред Мундијалот во Бразил доби отказ.