вајлд карта – Kurir.mk

Мареј доби вајлд-карта за турнирот во Сан Диего

Дарко Андоновски — Tue, 14 Sep 2021 09:42:16 +0000

Трикратниот грен слем шампион Енди Мареј доби вајлд-карта за турнирот во Сан Диего. Британскиот тенисер периодов игра Челинџер во Рен, Франција и засега се пласираше во второто коло. Специјални покани од организаторот добија уште и Кеи Нишикори и Брендон Накашима. Турнирот во Сан Диего ќе почна на 27 септември.

Мареј доби вајлд-карта за Австралија опен

Ивона Петрова — Sun, 27 Dec 2020 15:32:39 +0000

Трикратниот шампион на Грен слем турнирите, Енди Мареј доби вајлд-карта за Австралија опен 2021, што започнува на 8 февруари. – Заминувањето на Енди по Австралија опен во 2019 година, беше емотивен момент и неговото враќање по голема операција и закрепнување ќе биде врв на Австралија опен во 2021 година, рече директорот на Грен слем турнир во Мелбурн, Крег Тајли. Претходно, ќе потсетиме, 33-годишниот Британец, сега заземајќи ја 122-та линија на рејтингот, доби вајлд-карта за турнирот во „Делреј Бич“, кој ќе започне во првата недела од сезоната.

Мареј и Клaјстерс со вајлд-карта за УС Опен

Магдалена Андонова — Fri, 07 Aug 2020 07:39:17 +0000

Поранешните шампиони на УС Опен, Енди Мареј и Ким Клајстерс добија „вајлд карта“ за годинешното издание на турнирот, кое започнува на 31 август, соопштија организаторите. Мареј, поранешен број 1, ја освои титулата во „ујорк во 2012 година. Шкотланѓанецот ги пропушти изданијата во 2017 и 2019 година поради повреда. Претходно оваа недела Мареј побара од организаторите уверување дека играчите нема да бидат ставени во карантин по нивното враќање од САД во Европа. Триесет и седум-годишната Ким Клијстерс (Белгија) е трикратен шампион на УС Опен (2005, 2009, 2010). Таа се врати во тенисот претходно оваа година. (МИА)

ИХФ не даде вајлд-карта на Македонија за настап на Светското

Дарко Андоновски — Thu, 09 Jul 2020 20:16:35 +0000

ИХФ двете вајлд-карти за настап на Светското Првенство што ќе се одржи во јануари во Египет им ги додели на Полска и Русија. Македонија беше прва според резултатите на последното ЕП, со јасна препорака од ЕХФ до ИХФ дека сме први во редот за добивање на вајлд карта. Но, светската федерација им даде предност на Полска која на ЕП заврши на 21 место и Русија која беше 22-ра. Ова е прв пат по една деценија да пропуштиме ракометен Мундијал, откако претходно го пропуштивме СП во Шведска во 2011 година.

Шарапова доби вајлд-карта за Австралија опен

Дарко Андоновски — Wed, 08 Jan 2020 09:42:55 +0000

Руската тенисерка Марија Шарапова доби вајлд-карта за учество на Австралискиот опен, објавено е на веб-страница на турнирот. Според рејтингот, 32-годишната Русинка не влезе во главната ждрепка на турнирот, но таа со посебната покана од организаторот на Грен слемот доби шанса за учество. Шарапова, која го зазема 147-то место на ВТА ранг листата, вчера загуби од Американката Џенифер Брејди во првото коло на турнирот во Бризбејн. Минатата година таа одигра само 15 меча поради разни здравствени проблеми.

Шарапова и Венус Вилијам добија „вајлд-карта“ за турнирот во Синсинати

Дарко Андоновски — Tue, 30 Jul 2019 07:11:09 +0000

Поранешните бр.1 во светот, Марија Шарапова и Венус Вилијамс добија специјални покани да учествуваат во главната шема на ВТА турнирот во Синсинати. Лидер во шемата ќе биде Ешли Барти, по што следат Наоми Осака и Каролина Плишкова. Актуелен шампион е Холанѓанката Кики Бертенс. Турнирот ќе се одржи помеѓу 10 и 18 август. – Марија и Винас се две од најголемите шампионки во историјата на играта. Со нетрпение очекуваме да ги видиме меѓу учесниците следниот викенд“, изјави директорот на турнирот во Охајо, Андре Силва. Шарапова, пак, порази четворица од најдобрите 15 тенисери на патот кон својата титула во турнирот во 2011 година. Во исто време, 39-годишната Венус ќе учествува на овој турнир по седми пат. Нејзиниот најдобар настап беше во 2012 година кога загуби од идниот шампион Ли На.

Аргентина и Велика Британија со „вајлд карта“ за новиот формат на „Дејвис купот“

Дарко Андоновски — Wed, 26 Sep 2018 14:20:54 +0000

Аргентина и Велика Британија добија „вајлд карта“ за учество во финалниот турнир за „Дејвис купот“ во 2019 година. Новиот формат на неформалното светско тимско првенство во тенис влегува во сила од следната сезона, а во него ќе бидат вклучени 18 тима кои ќе играат во шема со директни елиминации во рок од една недела во ноември. Останатите сигурни учесници се полуфиналистите од оваа кампања Хрватска, Франција, Шпанија и САД. Другите 12 екипи ќе бидат определени по квалификациите во февруари. Велика Британија ја освои титулата во „Дејвис Купот“ во 2015 година, а Аргентина триумфираше со трофејот година подоцна.

Ѓоковиќ доби вајлд карта за Барселона

Даниел Василев — Fri, 20 Apr 2018 14:27:33 +0000

Најдобриот српски тенисер Новак Ѓоковиќ доби вајлд карта и следната недела ќе настапи на турнирот во Барселона, соопштија организаторите. Ѓоковиќ учествува на овој турнир по 12 години пауза, откако последниот пат во 2006 година загуби уште во првото коло од домашниот тенисер Даниел Химено-Травер. Во Барселона ќе настапат и Рафаел Надал, Доминик Тим, Григор Димитров, Давид Гофан и сите шпански тенисери од листата на Топ 100 во светот.