вакцина џонсон и џонсон – Kurir.mk

ЕМА штотуку објави: Можна поврзаност помеѓу вакцината на Џонсон и Џонсон и згрутчување на крвта

Катерина Бојаџиева — Tue, 20 Apr 2021 14:59:13 +0000

Европската агенција за лекови, ЕМА, штотуку објави дека е пронајдена можна поврзаност помеѓу вакцината на Џонсон и Џонсон и ретките случаите на згрутчување на крвта, но бенефитот од вакцинирањето останува поголем од ризиците, јави дописничката на МИА од Брисел. Попладнево ЕМА ќе одржи прес конференција за да ги објасни подетално последните наоди. Вакцината на Џонсон и Џонсон, позната како Јансен, во ЕУ, сѐ уште не се користи масовно во Европа, но компанијата се подготвува да го исполни својот дел од договорот со земјите на ЕУ. Овој пат Агенцијата за лекови на ЕУ побрзо реагираше отколку со АстраЗенека откако во САД се идентификувани осум сериозни случаи на згрутчување на крвта, од кои еден со смртни последици. Вакцинирани се седум милиони лица во САД до сега со оваа вакцина. Според ЕМА сите што развиле сериозни нус појави од вакцината на Џонсон и Џонсон се под 60 годишна возраст, повеќето се жени, а симптоми се развиваат околу три недели по вакцинацијата, за сега не се утврдени посебни ризични фактори. Како што забележи Комитетот за фармаковигилентност на ЕМА, згрутчувањето на крвта се развива на невообичаени места во организмот, најчесто мозокот и абдоменот како и во артериите. Забележани се случаи на крварење. ЕМА истакна дека ситуацијата е слична како со вакцината на АстраЗенека и едно од објаснувањата е имунолошка реакција кај пациентите. Сепак ЕМА смета дека бенефитот од вакцинацијата ги надминува ризиците. На земјите членки на ЕУ ќе биде да донесат одлука дали ќе ја користат или дали ќе ја ограничат употребата на Џонсон и Џонсон на одредени возрасни и родови групи, како што некои тоа го сторија со АстраЗенека.

Компанијата Џонсон и Џонсон има „целосна доверба“ во својата вакцина против Ковид-19

Катерина Бојаџиева — Tue, 20 Apr 2021 14:27:10 +0000

Компанијата Џонсон и Џонсон има „целосна доверба“ во својата вакцина против Ковид-19 и се надева дека „многу брзо“ ќе се најде решение со регулаторите за нејзина употреба, бидејќи вакцинацијата е суспендирана во Европа и САД поради ретката појава на сериозни случаи на згрутчување на крвта, изјави денеска финансискиот директор Џозеф Волк. Европската агенција за лекови (ЕМА) денеска треба да соопшти мислење за вакцината на Џонсон и Џонсон, додека медицинскиот советник во Белата куќа Ентони Фаучи во неделата изјави дека одлуката на САД треба да биде објавена до петок. – Се уште сме многу сигурни и се надеваме дека рамнотежата меѓу придобивките и ризиците ќе оди во наша полза, изјави Фолк во интервју за американската телевизија Си Ен Би Си. Тој додаде дека „тие работат со регулаторите за да се гарантира дека ги имаат сите информации потребни за донесување одлуки“. – Очекуваме да добиеме одлука од Европа и ФДА (Американска агенција за лекови) многу брзо, можеби на крајот на оваа недела, за да можеме да продолжиме понатаму, нагласи Волк.

Вакцините нема да се достават: Се огласија од Џонсон и Џонсон за случаите на „редок и тежок“ вид на згрутчување на крвта

Катерина Бојаџиева — Tue, 13 Apr 2021 15:18:44 +0000

Американската компанија „Џонсон и Џонсон“ денеска соопшти дека ја одложува употребата на својата вакцина против коронавирусот во Европа, додека во САД се спроведува истрага за поврзаноста меѓу ретки појави на згрутчување на крвта и нејзината вакцина. Компанијата ја објави одлуката откако центрите за контрола и превенција на болести на САД (ЦДЦ) и американската Управа за храна и лекови (ФДА) препорачаа земјата да ја паузира употребата на вакцината на Џонсон и Џонсон против Ковид-19 откако беа пријавени шест случаи на „редок и тежок“ вид на згрутчување на крвта. Разгледуваме случаи со европските здравствени власти, изјавија претставници на компанијата. Донесовме одлука за проактивно одложување на употребата на нашата вакцина во Европа, додадоа од „Џонсон и Џонсон“. Стотици илјади дози од оваа вакцина требаше да бидат доставени во Европа во следните недели. Шесте пријавени случаи биле меѓу повеќе од 6,8 милиони дози на вакцината на Џонсон и Џонсон, администрирани во САД. Сите шест случаи се случиле кај жени на возраст меѓу 18 и 48 години, а симптомите се појавиле 6 до 13 дена по вакцинирањето, се вели во денешната заедничка изјава на д-р Ана Шухат, главен заменик-директор на ЦДЦ и д-р Питер Маркс, директор на Центарот за биолошка евалуација и истражување при ФДА. „ЦДЦ за утре свика состанок на Советодавниот комитет за практики на имунизација (АЦИП) за понатамошно разгледување на овие случаи и проценка на нивното потенцијално значење“, се вели во соопштението. „ФДА ќе ја разгледа таа анализа бидејќи ги истражува и овие случаи. Додека не заврши тој процес, препорачуваме пауза во употребата на оваа вакцина, првенствено поради претпазливост. Ова е важно и за да се осигури дека давателот на здравствени услуги во заедниците е свесен за можни вакви несакани појави и ќе може да планира правилно препознавање и управување, поради единствениот третман потребен со овој вид на тромб“. Во изјавата на Џонсон и Џонсон за Си-Ен-Ен се посочува дека сите оние кои до три седмици по вакцинирањето имаат голема главоболка, болка во стомакот, болка во нога или недостиг на здив, треба да побараат медицинска помош. Сепак, како што пренесува Си-Ен-Ен ваквите нуспојави се „екстремно ретки“, односно се случуваат една во милион. Според Д-р Карлос дел Рио, извршен соработник декан на Медицинскиот факултет на Универзитетот Емори додаде дека згрутчувањето на крвта може да биде поврзано со тоа дека вакцината на Џонсон и Џонсон е вакцина против аденовирус – ист тип како и вакцината против коронавирус на Астра Зенека.

Поради случаи со редок и тежок вид на згрутчување на крвта, на „пауза“ и вакцината Џонсон и Џонсон

Катерина Бојаџиева — Tue, 13 Apr 2021 13:59:56 +0000

Центрите за контрола и превенција на болести на САД (ЦДЦ) и американската Управа за храна и лекови (ФДА) препорачаа земјата да ја паузира употребата на вакцината на Џонсон и Џонсон против Ковид-19 откако беа пријавени шест случаи на „редок и тежок“ вид на згрутчување на крвта, јави Си-Ен-Ен. Шесте пријавени случаи биле меѓу повеќе од 6,8 милиони дози на вакцината на Џонсон и Џонсон, администрирани во САД. Сите шест случаи се случиле кај жени на возраст меѓу 18 и 48 години, а симптомите се појавиле 6-13 дена по вакцинирањето, се вели во денешната заедничка изјава на д-р Ана Шухат, главен заменик директор на ЦДЦ и д-р Питер Маркс, директор на Центарот за билошка евалуација и истражување при ФДА. „ЦДЦ за утре свика состанок на Советодавниот комитет за практики на имунизација (АЦИП) за понатамошно разгледување на овие случаи и проценка на нивното потенцијално значење“, се вели во соопштението. „ФДА ќе ја разгледа таа анализа бидејќи ги истражува и овие случаи. Додека не заврши тој процес, препорачуваме пауза во употребата на оваа вакцина, првенствено поради претпазливост. Ова е важно и за да се осигури дека давателот на здравствени услуги во заедниците е свесен за можни вакви несакани појави и ќе може да планира правилно препознавање и управување, поради единствениот третман потребен со овој вид на тромб“. Во изјавта на Џонсон и Џонсон за Си Ен Ен се посочува дека сите оние кои до три седмици по вакцинирањето имаат голема главоболка, болка во стомакот, болка во нога или недостиг на здив, треба да побараат медицинска помош. Сепак, како што пренесува Си-Ен-Ен ваквите нус појави се „екстремно ретки“, односно се случуваат една во милион. Според Д-р Карлос дел Рио, извршен соработник декан на Медицинскиот факултет на Универзитетот Емори додаде дека згрутчувањето на крвта може да биде поврзано со тоа дека вакцината на Џонсон и Џонсон е вакцина против аденовирус – ист тип како и вакцината против коронавирус на Астра Зенека. И Европската агенција за лекови минатата недела соопшти дека ја испитува поврзаноста на вакцината Џенсен со појавата на згрутчување на крвта.

Вакцините на „Џонсон и Џонсон“ во ЕУ ќе пристигнат најрано кон средината на април

Тале Кристо — Fri, 12 Mar 2021 14:03:40 +0000

Германскиот министер за здравство Јенс Шпан изјави денеска дека првите дози од вакцината против Ковид-19 на американската компанија „Џонсон и Џонсон“ ќе бидат доставени во ЕУ најрано кон средината на следниот месец, иако таа беше одобрена вчера од регулаторното тело на Унијата. – Имаме европско решение, но знаеме дека испораките ќе се случат најрано кон средина или крајот на април. Важно е Европската комисија, како потписник на договорот, да води разговори со „Џонсон и Џонсон“, истакна Шпан, без да наведе детали на што се должи бавниот почеток на испораките. Според него, „договорот со „Џонсон и Џонсон“ бил потпишан во октомври минатата година и треба да се знае што се случило“. Тој потврди дека однапред биле платени 300 милиони евра за да може американската компанија да ги зголемат своите производствени капацитети. ЕУ потпиша договор со компанијата за 200 милиони дози вакцини, а постои можност за уште 200 милиони дополнителни дози. „Џонсон и Џонсон“ вчера се обврза да и достави 200 милиони дози на Унијата до крајот на годинава. (МИА)