вакцинални пунктови – Kurir.mk

Во вакциналните пунктови има 480.000 вакцини

Магдалена Андонова — Thu, 30 Jun 2022 13:28:03 +0000

Почнува тренд за пораст на ковид инфицирани лица и затоа Министерството за здравство освен што ќе ја следи ситуацијата, ќе упатува и јавни повици кон јавноста за зголемена внимателност и грижа за здравјето, изјави министерот за здравство Беким Сали. Министерот Сали предочи дека ако дојде момент за рестриктивни активности, изолација и вакницинирање, Министерството за здравство ќе упатува покани до јавноста за почитување на мерките. -Во овој момент во државата на располагање имаме 480.000 вакцини со рок на траење до крајот на годината и затоа ги повикувам граѓаните да се обратат во вакционалните пунктови низ државата и да се вакцинираат односно да се здобијат со имунитет. Очекуваме дека со зголеменото движење на граѓаните ќе има забрзано ширење на вирусот, односно тоа што денес се 190 случаи на ковид заразени, можеби за една седмица ќе биде и 1.000 заразени и затоа е потребно секој да се заштити, порача министерот Сали. Од Министерството за здравство очекуваат граѓаните да ги прифатат сите апели за подигнување на свеста, а во случај на зголемен број на случаи на заразени лица ќе се применат рестриктивни мерки.

„Филипче и Заев ги затворија пунктовите за вакцини и тестови за корона за време на празници, ги оставија болните да плаќаат се од свој џеб“

Магдалена Андонова — Sun, 09 Jan 2022 08:18:29 +0000

Бројката на болни од корона се движи кон 10.000 лица. Бројката на починати надмина 8.000 лица.Венко Филипче и Зоран Заев ќе бидат запаметени по негативни рекорди. Македонија е високо петто место на светската листа на починати, а во Европа е на четврто. И наместо организација и одговор на зголемениот број на корона позитивни, Филипче и Заев ги затворија вакциналните пунктови, но и оние за тестирање, па граѓаните се приморани од свој џеб да ги плаќаат тестовите по приватни лаборатории. Или џабе одвојуваат од својот џеб за здравствено осигурување. Плаќаат тестови, плаќаат тестови, а плаќаат и за лекување, стои во соопштението на ВМРО-ДПМНЕ. Од партијата велат дека само за овие три празнични дена има околу 3.000 заболени. - Јасно е интересот на Филипче и Заев беше само за нивните бизнис интереси, односно корупција и криминал. Тешко дека и Димитар Ковачевски и неговиот тим ќе направат нешто поинаку, нешто за граѓаните. За соодветна грижа за граѓаните треба план и негова реализација. За тоа треба избори и нова влада, а по изборите сите што ги заборавија граѓаните и се грижеа само за личните интереси, корупција и криминал ќе одговараат, се додава во партиското соопштение.

МЗ со важно соопштение до сите кои сакаат да се вакцинираат утре

Магдалена Андонова — Fri, 05 Nov 2021 12:31:09 +0000

Министерството за здравство инфомира дека сите вакцинални пунктови низ државата ќе работат во текот на утрешниот ден. - Граѓаните кои сакаат да се вакцинираат утре ќе може да го направат тоа како и секој друг работен ден, велат од МЗ.

Хаос на вакциналните пунктови низ Скопје: Граѓани, чекајќи извисија и не добија вакцина против Ковид-19

Тале Кристо — Wed, 28 Apr 2021 17:27:10 +0000

Хаос денеска настана на вакциналните пунктови низ Скопје. Граѓани со закажан термин чекаат цел ден на ред на закажан термин, за да попладнево не добијат воопшто вакцинапротив коронавирус, објави телевизија Сител. -Граѓани со закажани термини во поликлиниката Јане Сандански во Аеродром и во поликлиниката во Букурешт со часови чекале да добијат вакцина, а некои и вопшто не успеале да ја добијат истата на закажаниот термин, поради што им било кажано од лицата претпоставени да одат во салата Борис Трајковски затоа што ситуацијата таму била порастеретена. Ваквиот сплет на околности и лошата организација предизвика вистински револт кај граѓаните кои што се принудени да седат во гужва, еден до друг па дури и велат дека иако доаѓаат на вакцина, можат да се заразат со коронавирус, објави Сител телевизија. Од поликлиниките велат дека до ова дошло откако граѓаните кои што треба да добијат ревакцинајција биле препраќани на овие вакцинални пунктови и затоа дошло до наплив на повеќе граѓани, поради и што настанал овој хаос. Прашањето кое да се постави е, дали причината за ваквиот создаден хаос е токму недоволниот број на на вакцини против корона со кои што во моментов располага Република Македонија? Одговорот за некого е јасен, а никој од надлежните од МЗ не сака да одговори „колку вакцини до овој момент се пристигнати во Македонија?“. Курир се интересираше и испрати прашање до Министерството за здравство уште пред неколку дена, за тоа колкав е бројот на пристигнати вакцини во Македонија, но засега одговор од надлежното министерство со кое раководи Венко Филипче, нема. Инаку, како за потсетување уште на почетокот на април најавено беше дека на 28 април во земјата треба да пристигнат 200 илјади дози од кинеската „Синофарм“, а за да вчера министерот Филипче најави нов датум, односно накај 30-ти април, па останува да се види дали истите ќе пристигнат кон крајот на месецот.

Работно време на вакциналните пунктови: Викендов отворени во две смени, на Божиќ до 13 часот

Ивана Ефремовски — Fri, 04 Jan 2019 13:17:10 +0000

Министерството за здравство информира дека за време на викендот, на 5 и 6 јануари 2019 година, ќе работат вакциналните пунктови „Јане Сандански“, „Бит пазар“ и „Букурешт“. Тие ќе работат во две смени, во периодот од 07:30 до 19:00 часот. Во понеделник, на 7 јануари 2019 година, овие пунктови ќе работат само прва смена од 07:30 до 13:00 часот.