вакцинирани граѓани – Kurir.mk

НОВА ВЛАДИНА ОДЛУКА ВО КОСОВО – на удар вработените на државните институции, казните ќе бидат драконски

Дарко Андоновски — Mon, 13 Sep 2021 05:46:08 +0000

Сите вработени во јавните институции, како и персоналот во претпријатијата и фирмите во сопственост на Владата и општините во Косово, од денеска треба да се вакцинирани, или да приложат доказ дека не се заразени од Ковид-19, за да им се дозволи да влеат во нивните работни простории, јави дописникот на МИА од Приштина. Според одлуката на Владата на Косово, административците треба да поседуваат серитификат дека ги примиле двете, или барем едната доза од некоја од анти-ковид вакцините. Доколку не се вакцинирани треба да приложат РТ-ПЦР негативен тест не постар од 72 часа, доказ дека ја прележале болеста, не понов од 21 и не постар од 180 дена, позитивен резултат од серолошки тест издаден пред најмногу 30 дена, или негативен антигенски тест не постар од 48 часа. На лицата кои нема да приложат некој од споменатите документи нема да им се дозволи влез во работните простории, а отсуството од работа ќе се смета за неоправдано, по што ќе подлегнат на соодветните санкции предвидени со закон и со правилниците за работа, објави Владата. Кабинетот на премиерот Албин Курти на вчерашната седница одлучи и да ги затвори детските градинки и да го одложи почетокот на наставата во основните и средните училишта, а оваа мерка ќе биде во сила до 26 овој месец, кога ќе се донесе нова одлука, согласно состојбата со пандемијата. Во наредните две недели продолжува да важи истиот режим за влез во Косово, што значи дека е потребно приложување сертификат за вакцинација или еден од доказите дека лицето не е заразено од Ковид-19.

Во текот на вчерашниот ден се вакцинирале 13.037 граѓани

Магдалена Андонова — Fri, 03 Sep 2021 09:41:58 +0000

Еве колку граѓани се одлучиле да се вакцинираат вчера – првиот ден по стапување на сила на новите мерки

Дарко Андоновски — Thu, 19 Aug 2021 07:11:54 +0000

Во текот на вчерашниот ден е забележан значително зголемен интерес за вакцинација помеѓу граѓаните. Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 624.819 граѓани. Прва доза вакцина вчера примиле 11.925 граѓани, а вчера вкупно се вакцинирале 16.955 граѓани. Во државата вкупно се аплицирани 1.115.988 дози вакцини, а ревакцинирани се 491.169 граѓани. Со последните бројки 68% од населението над 70 години имаат примено барем една доза вакцина, 66% од населението над 65 години е вакцинирано со барем една доза вакцина, 62% од населението над 60 години е вакцинирано со барем една доза вакцина и 53% од населението над 50 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување на термини за вакцинација на децата. Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста се намалува шансата од заболување како и смртен исход од истата.

Бектеши: Кој сака во кафеана или ресторан, нека си се вакцинира

Ивана Ефремовски — Mon, 09 Aug 2021 13:25:44 +0000

Кој сака да посетува кафани, кафулиња и ресторани нека си се вакцинира. Ова го порача министерот за економија Крешник Бектеши на прес-конференција. Тој појасни дека на влез на угостителеските објекти ќе се бараат потврдите за вакцинирање. -При влез на секој гостин во угостителски објект ќе се бара потврда за вакцинација и тоа ќе го прават редарите што ќе ги организираат менаџерите на угостителските објекти, тоа е нивна обврска. Но, угостителските објекти што имаа капацитет помал од 30 луѓе немаат обврска да органзираат редарска служба. Во објектите кои имаат обврска да организираат редари ако најдеме невакцинирано лице, казна не плаќа тоа лице туку угостителот, објасни Бектеши.

Во Србија вакцинирани над 50 отсто од полнолетните граѓани

Тале Кристо — Thu, 05 Aug 2021 11:29:08 +0000

Премиерката на Србија, Ана Брнабиќ, денеска на својот Твитер налог објави дека 50,1 отсто од полнолетните граѓани или 2.705.458 лица се вакцинирани во Србија, јави дописникот на МИА од Белград. -Поминавме 50 отсто од вакцинирани полнолетни граѓани -моментално 50,1 отсто (2.705.458 вакцинирани). Сурчин, Чуприја, Прешево, Врчац и Прокупље се приклучија на групата од 58 локални самоуправи со над 50 отсто од вакцинираните. Секое вакцинирано лице – поголема сигурност за сите нас. #ВакцинирајСе., напиша Брнабиќ. Бројот на нови случаи на инфекција со коронавирус во Србија постепено се зголемува, а експертите предупредуваат дека делта видот полека го потиснува британскиот. -Податоците предупредуваат дека четвртиот бран е пред нас, истакнуваат лекарите и додаваат дека на удар ќе бидат невакцинираните и дека е потребно да се забрза вакцинацијата, соопшти РТС. Вчера, во Србија се регистрирани 487 нови случаи на коронавирус, две лица починаа, а најмногу нови случаи беа регистрирани во Белград – 148 заразени. Директорката на главната ковид болница во Србија, во Батајница, проф. Д -р Татјана Аџиќ Вукичевиќ, изјави за РТС дека податоците се за голема загриженост, бидејќи од релаксирана ситуација во претходните шест недели, кога имаше по 40 пациенти, бројките сега се зголемуваат. -Имаме се повеќе луѓе кои се вратија од летните одмори, тоа се цели семејства и кои, се разбира, не се вакцинирани. Меѓу нив, на одделенијата за интензивна нега имаме седум млади луѓе на возраст под 40 години, а вчера еден мораше да се интубира, кажа директорката на болница во Батајница. Таа нагласи дека во овој бран има најголем број заболени пациенти меѓу помладите невакцинирани мажи. Од почетокот на епидемијата, во Србија се направени 4.708.532 тестови за коронавирус, кој е потврден кај 723.518 луѓе. Како последица на инфекцијата починати се 7.129 граѓани. На болничко лечење има 521 пациенти, од кои седум се на респиратори, соопштено е на владината веб -страница Ковид-19.

МЗ: Вчера се аплицирани 14.230 вакцини

Тале Кристо — Thu, 29 Jul 2021 11:51:32 +0000

Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 506.033 граѓани. Прва доза вакцина вчера примиле 3.770 граѓани, а вчера вкупно се вакцинирале 14.230 граѓани. Во државата вкупно се аплицирани 878.290 дози вакцини, а ревакцинирани се 372.257 граѓани. Со последните бројки 63% од населението над 70 години имаат примено барем една доза вакцина, 61% од населението над 65 години е вакцинирано со барем една доза вакцина, 56% од населението над 60 години е вакцинирано со барем една доза вакцина и 46% од населението над 50 години е вакцинирано со барем една доза вакцина . Граѓаните без закажан термин се вакцинираат, во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување на термини за вакцинација на децата. Ревакцинацијата се одвива во спортските сали низ градовите во Кавадарци, Куманово, Тетово, Штип, Битола, Струмица, Охрид, Велес и Прилеп и во А1 СЦ Борис Трајковски во Скопје. Министерството за здравство апелира до граѓаните да се вклучат во масовното вакцинирање бидејќи само на овој начин ќе успееме да го победиме вирусот.

ВМРО-ДПМНЕ: Само во Врање се вакцинирани над 10.000 наши сограѓани, Филипче и Заев нека им рефундираат средства кога веќе не беа способни да ги вакцинираат

Тале Кристо — Mon, 05 Jul 2021 06:38:52 +0000

Секој ден нов поразителен податок за катастрофалното менаџирање со Ковид кризата од страна на Заев и Филипче. Поради неспособната власт 10 илјади македонски граѓани се вакцинираа само во Врање, а вкупната бројка кои спас од КОВИД19 најдоа пред се во Србија и соседството надминува 40.000 македонски граѓани. Овие лица плаќале цел живот даноци и здравствено осигурување, за сега во ситуација кога им се загрозени здравјето и животите, да мораат да одат во странство да се вакцинираат и да трошат дополнителни средства за таа цел, велат во партиското соопштение од ВМРО-ДПМНЕ. Филипче и Заев ги оставија граѓаните на цедило, без вакцини тогаш кога најмногу требаше. Затоа смртноста во Македонија од КОВИД 19 е огромна и кој знае колку животи ќе се спасеа ако масовната вакцинација почнеше во јануари или февруари. Сега власта ако има барем грам доблест ќе прифати одговорност и ќе го поддржи предлогот на ВМРО-ДПМНЕ за рефундирање на средствата на граѓаните кои поради немањето вакцини во Македонија се вакцинираа во странство. Тоа е најмалку што власта може да стори да ја исправи оваа неправда кон оние кои со вакцинирањето во соседството го заштитија своето здравје, здравјето на најблиските и придонесоа за јавното здравје, се вели во соопштението на ВМРО-ДПМНЕ.

Вчера вакцинирани 13.482 граѓани – колкав е бројот на вкупно вакцинирани лица во Македонија?

Тале Кристо — Sat, 15 May 2021 08:29:40 +0000

Вакцинацијата се одвива непречено на сите пунктови низ државата. Интересот за вакцинација секојдневно се зголемува, а досега бројот на лица кои изразиле желба за вакцинација преку веб платформата vakcinacija.mk е 346.431 граѓани. На вакциналните пунктови во државата заклучно со вчера, вакцинирани се вкупно 203.324 граѓани. Прва доза вакцина вчера примиле 12.719 граѓани, а вчера вкупно се вакцинирале 13.482 граѓани. Во државата вкупно се аплицирани 203.324 дози вакцини, а ревакцинирани се 24.851 граѓани. Со последните бројки 35% од населението над 70 години имаат примено барем една доза вакцина. Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата vakcinacija.mk а се вакцинираат и лица вработени во критична инфраструктура. Масовна вакцинација се одвива во неколку градови во државата и тоа во А1 СЦ Борис Трајковски во Скопје, во спортсите сали во Кавадарци, Куманово, Тетово, Штип, Битола и Охрид. Министерството за здравство апелира до граѓаните масовно да се пријавуваат на vakcinacija.mk бидејќи тоа е најлесниот и најбрз пат да се вакцинираат.

Лончар: Во Србија досега се вакцинирале речиси 15.000 македонски граѓани

Дарко Андоновски — Tue, 20 Apr 2021 12:23:28 +0000

Во Србија досега против Ковид-19 се вакцинирале нешто под 15.000 државјани на Северна Македонија, информира српскиот министер за здравство Златибор Лончар на денешната заедничка прес-конференција во Белград со македонскиот колега Венко Филипче. – Најмалку што можеме да направиме за македонските граѓани кои се вакцинираа против КОВИД-19 во Србија е да ја добијат втората доза тука и во најлош случај да бидат ревакцинирани на местото каде што се вакцинирале. Тоа е наш принцип, но секогаш можеме да се договориме да ги отстапиме вакцините за ревакцинација и втората доза да ја добијат во нивната земја ако им е полесно, порача Лончар Тој нагласи дека имаме нешто помалку од 12 недели да постигне договор за тоа, додавајќи дека и сега додека трае прес-конференцијата некои граѓани на Северна Македонија се вакцинираат во Србија. – Им излегуваме во пресрет на сите македонски граѓани кои имаат некоја причина да бидат тука и тоа ќе продолжиме да го правиме и во иднина заради тоа што сметаме дека овој проблем не може да го реши една држава само во рамките на нејзините граници. Ова е многу поголем проблем и колку ќе им биде подобро на нашите соседи, толку ќе ни биде подобро и на нас. Во секој случај ја продолжуваме соработката и си помагаме едни на други во корист на граѓаните, рече Лончар во одговор на новинарско прашање. Прашан дали може во Србија да се вакцинираат и македонските граѓани кои немаат постојан престој, рече дека и тоа е можно. – Граѓаните на Северна Македонија кои имаат желба да дојдат да се вакцинираат во Србија тоа може да го направат само преку порталот е-управа или доколку спроведуваме нови акции. Ако нема никаков друг основ не доаѓајте, им порача Лончар на македонските граѓани.