вакцинирани – Kurir.mk

Вакцинираните имаат помал ризик од продолжен ковид

Тале Кристо — Fri, 18 Feb 2022 09:59:04 +0000

Вакцинираните имаат помал ризик да развијат продолжен ковид ако се заразат со коронавирус, покажа британската анализа. Експертите анализирале докази и податоци од 15 студии спроведени низ целиот свет. Резултатите покажале дека вакцините значително го намалуваат ризикот од инфекции и тешки болести, вклучително и симптоми како што се замор. Анализата, исто така, покажала дека невакцинираните лица кои се инфицираат со коронавирус и добиваат продолжен ковид, имаат многу подобри резултати ако потоа се вакцинираат. Делови од студијата се фокусираат на ефектите од вакцинацијата пред и по инфекцијата и го откриле следново: -Луѓето заболени од ковид кои примиле две дози од „Фајзер“, „Астра Зенека“ или „Модерна“ или една доза од вакцината „Џонсон и Џонсон“, имаат двојно поголема веројатност да развијат симптоми на продолжен ковид кој трае повеќе од 28 дена, отколку луѓето кои примиле само една доза вакцина или воопшто не биле вакцинирани. -Вакцината беше најефикасна против продолжен ковид кај лица постари од 60 години. -Кај лицата кои се вакцинирани откако веќе се заразиле со ковид, се забележува дека вакцината ги ублажила и не ги влошила симптомите на ковид, ниту веднаш, ниту по неколку недели. -Луѓето кои страдаат од продолжен ковид најчесто наведуваат замор, отежнато дишење и болки во мускулите и зглобовите, пишува Би-би-си. Ваквите симптоми може да траат повеќе од четири недели.

Омикрон е поблага варијанта, но не за сите: Лекарите открија кои симптоми се разликуваат кај (не)вакцинираните

Магдалена Андонова — Fri, 04 Feb 2022 11:29:23 +0000

Додека на почетокот имаше мислење дека сојот омикрон е поблаг од претходните соеви, се покажа дека, иако е поблаг, предизвикува големи проблеми, како во однос на притисокот врз болничките капацитети, така и во однос на имунокомпромитирани лица кои се заразуваат со него. Затоа лекарите ширум светот апелираат луѓето да се вакцинираат, заради нивна сопствена, но и здравјето на своите најблиски. Веќе статистички се покажа, пренесува „Тајмсофиндија“, дека во претходниот бран бројот на тешки случаи на зараза бил јасно различен бидејќи меѓу нив доминирале невакцинирани пациенти. Слично е и со сојот омикрон. Медицинските извештаи ширум светот велат дека разликите во симптомите на пациентите со сојот омикрон може да се видат дали се вакцинирани или не се. Имено, според извештаите, симптомите на напрегање на омикрон кај вакцинираните најчесто се течење на носот, главоболка, болки во зглобовите, болки во грлото. Од друга страна, невакцинираните луѓе имаат поголема веројатност да доживеат отежнато дишење. Д-р Питер Чин-Хонг, специјалист за заразни болести на Универзитетот во Калифорнија, Сан Франциско, исто така вели дека е докажано дека вакцинираните луѓе се борат со симптомите пократко. - Додека целосно вакцинираните луѓе ги чувствуваат симптомите ден или два, невакцинираните луѓе покажуваат симптоми пет или повеќе дена, вели д-р Чин-Хонг.

Израел планира да ги отвори границите за некои вакцинирани туристи

Тале Кристо — Mon, 03 Jan 2022 16:16:38 +0000

Израелското Министерство за здравство денеска соопшти дека од 9 јануари ќе им дозволи на целосно вакцинирани туристи од одредени земји да влезат во Израел, со што ќе се стави крај на речиси општата забрана за пристигнување на лица кои не се државјани. На странските туристи кои не биле вакцинирани или не прележале Ковид-19 и понатаму им е забранет влез во еврејската држава. На посетителите од земјите означени од министерството како „црвени“ сè уште им е забрането да доаѓаат. Израел ги отвори своите граници за странски туристи на почетокот на ноември за првпат од почетокот на пандемијата, но им забрани на странците да пристигнуваат подоцна истиот месец во обид да го забави ширењето на новата,могу заразна варијанта омикрон. Врз основа на денешната препорака, Канада, Франција, Јужна Африка, Унгарија, Нигерија, Шпанија и Португалија се отстранети од списокот на таканаречените „црвени земји“, додека влезот сè уште е забранет за туристи од Велика Британија и од САД.

Иконому ја остави отворена можноста за задолжителен тест за вакцинираните за влез во затворените простори во Грција за време на празниците

Тале Кристо — Mon, 20 Dec 2021 14:20:36 +0000

Портпаролот на грчката Влада Јанис Иконому ја остави отворена можноста, доколку постои препорака од комисијата на епидемиолози, за време на празниците да се воведе задолжителен тест за вакцинираните за влез во затворените простори, кои и онака работат само со вакцинирани, а трошоците за тестот, ќе бидат на товар на граѓаните, јави дописничката на МИА од Атина. На денешниот редовен брифинг со новинарите, Иконому објасни дека во зависност од препораките, евентуално, за некој од празниците, онаму што ќе има многу голема посетеност особено во просторите за забава да се воведе оваа мерка, а доколку се донесе ваква одлука, навремено ќе биде соопштена. -Доколку се оцени дека е неопходно да се спроведе оваа мерка, ќе биде на товар на граѓанинот, кој ќе треба да посети места каде што ќе биде неопходно да се покаже тестот, истакна Иконому. Паралелно, уште еднаш категорично ја отфрли можноста за воведување нов, целосен карантин во земјата. Во затворените простори во Грција, како што се ресторани, кафулиња, ноќни клубови, кина, театри, влез е дозволен само за вакцинирани лица и за оние кои прележале Ковид-19, а доколку се донесе одлука за тестирање, тогаш рапид тестот ќе биде задолжителен без разлика дали лицетот е целосно вакцинирано, дали примило и трета доза или ја прележало болеста.

МЗ:69% од позитивните со Ковид 19 и 79% од починатите се невакцинирани

Магдалена Андонова — Fri, 03 Dec 2021 14:46:35 +0000

Министерството за здравство ја објавува анализата на вакцинирани, од позитивни случаи со Ковид 19, во период од 6 август заклучно со 2 декември. За вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина. Во период од 06.08 до 02.12.2021 на територија на државата 60.772 граѓанин, се позитивни од тестирани на Ковид 19, од нив 31% биле целосно вакцинирани, односно 19.025 лица. Голем е бројот на невакцинирани граѓани кои се заразиле со Ковид 19. Според статистика за изминативе месеци, 41.747, граѓани, односно 69% од позитивните на Ковид 19 не биле вакцинирани. Смртноста кај невакцинираните е драстично поголема, покажува анализата. Во период од 06.08 до 02.12.2021 од вкупниот број починати со Ковид 19, 79% биле невакцинирани, а 21% примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас. Министерството за здравство укажува на важноста на вакцинација, секоја вакцина која ја имаме на располагање е безбедна. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2.

ЗА 16 НЕДЕЛИ ВО МАКЕДОНИЈА ПОЧИНАЛЕ ВКУПНО 1.986 ПАЦИЕНТИ ОД КОРОНАВИРУСОТ – од нив 415 биле целосно вакцинирани

Магдалена Андонова — Fri, 26 Nov 2021 11:17:14 +0000

Министерството за здравство ја објавува анализата на вакцинирани, од позитивни случаи со Ковид 19, во период од 6 август заклучно со 25 ноември 2021 година. За вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина. Во период од 06.08 до 25.11.2021 на територија на државата 58.276 граѓанин, се позитивни од тестирани на Ковид 19, од нив 31% биле целосно вакцинирани, односно 17.896 лица. Голем е бројот на невакцинирани граѓани кои се заразиле со Ковид 19. Според статистика за изминативе месеци, 40.380, граѓани, односно 69% од позитивните на Ковид 19 не биле вакцинирани. Процентот на хоспитализирани лица кои се невакцинирани е голем, од 468 моментално хоспитализирани пациенти, 91 се целосно вакцинирани. Смртноста кај невакцинираните е драстично поголема, покажува анализата. Во период од 6.08 до 25.11.2021 на територија на државата починале 1.986 пациенти со Ковид 19, 1.571 пациенти од починатите, односно 79% не биле вакцинирани, а 21%, односно 415 примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас. Министерството за здравство укажува на важноста на вакцинација, секоја вакцина која ја имаме на располагање е безбедна. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКоВ2.

Вкупно се аплицирани 1.641.733 дози вакцини, а ревакцинирани 46% од полнолетните граѓани во државата

Магдалена Андонова — Thu, 11 Nov 2021 14:25:28 +0000

Во понеделникот и вторникот аплицирани се вкупно 8.518 дози вакцини, од кои 1.883 се аплицирани како прва доза, 1.938 се ревакцинирани, а 4.700 граѓани примиле трета доза вакцина. Заклучно со 9 ноември вкупно се вакцинирани 811.226 граѓани, ревакцинирани се 782.460, а трета доза примиле 48.087 граѓани. 54% од граѓаните над 40 годишна возраст се ревакцинирани, а 33% од популацијата од 18 до 39 години примиле барем една доза вакцина. Опфатот со вакцинација со една доза вакцина на полнолетната популација е 57% , а со две дози опфатени се 46% од граѓаните над 18 години. Според бројот на аплицирани вакцини, 39% од целата популација во нашата земја е вакцинирана, а 37% од популацијата во државата примила две дози вакцина.

Вакцинирани вкупно 1.633.125 граѓани, а ревакцинирани се 46% од полнолетните граѓани во државата

Тале Кристо — Mon, 08 Nov 2021 09:54:34 +0000

Во четвртокот, петокот и во текот на викендот аплицирани се вкупно 8.185 дози вакцини, од кои 1.706 се аплицирани како прва доза, 1.899 се ревакцинирани, а 4.590 граѓани примиле трета доза вакцина. Заклучно со 7 ноември вкупно се вакцинирани 809.293 граѓани, ревакцинирани се 780.456, а трета доза примиле 43.376 граѓани. 54% од граѓаните над 40 годишна возраст се ревакцинирани, а 33% од популацијата од 18 до 39 години примиле барем една доза вакцина. Опфатот со вакцинација со една доза вакцина, на полнолетната популација е 57% , а со две дози опфатени се 46% од граѓаните над 18 години. Според бројот на аплицирани вакцини, 39% од целата популација во нашата земја е вакцинирана, а 37% од популацијата во државата примила две дози вакцина.

Само целосно вакцинираните граѓани ќе можат да стапнат на американско тло

Ристе Здравков — Sat, 16 Oct 2021 07:20:50 +0000

Новата одлука се однесува на меѓународното патување со авион, но и по копно, а ќе се спроведува од 8 ноември. Новата американска политика за патување бара вакцинација за странски државјани кои патуваат во Соединетите држави, а ќе започне да се применува од 8 ноември – изјави Кевин Муњоз, претставник на Белата куќа. Официјалниот претставник на Белата куќа изјави за Си -Ен -Ен дека се дадени инструкции за одредени исклучоци, со список од кои вакцини против коронавирус ќе бидат прифатени. “Центарот за контрола и превенција на болести веќе ги информираа авиокомпаниите дека сите вакцини одобрени од ФДА, како и сите вакцини одобрени од СЗО, ќе бидат прифатени за влез во земјата со авион. Очекуваме истото да важи и на копнената граница … “, рече службеникот.

75% од новите случаи и 79% од хоспитализираните со Ковид 19 се невакцинирани

Магдалена Андонова — Fri, 15 Oct 2021 11:30:35 +0000

Министерството за здравство ја објавува анализата на вакцинирани, од позитивни случаи со Ковид 19, во период од 6 август заклучно со 14 октомври. За вакцинирани се сметаат лицата кои се вакцинирани со две дози и поминале најмалку 14 дена од примање на втора доза вакцина. Во период од 06.08 до 14.10.2021 на територија на државата 40.208 граѓанин, се позитивни од тестирани на Ковид 19, од нив 25% биле целосно вакцинирани, односно 10.066 лица. Голем е бројот на невакцинирани граѓани кои се заразиле со Ковид 19. Според статистика за изминативе два месеци, 30.142, граѓани, односно 74,9% од позитивните на Ковид 19 не биле вакцинирани. Процентот на хоспитализирани лица кои се невакцинирани изнесува 79%, додека само 21% од сите моментално хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од 6.08 до 14.10.2021 на територија на државата починале 1382 пациенти со Ковид 19, 1149 пациенти од починатите, односно 83% не биле вакцинирани, а само 17%, односно 233 примиле вакцина. Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас. Министерството за здравство укажува на важноста на вакцинација, секоја вакцина која ја имаме на располагање е безбедна. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2.