вакцинирано население – Kurir.mk

Јужна Кореја пред затворање: 81 отсто од населението вакцинирано, а Ковид-19 се шири побрзо од кога било

Магдалена Андонова — Fri, 17 Dec 2021 08:40:48 +0000

Во Република Кореја, каде што уделот на ревакцинирани лица во вкупното население е дури 81 отсто, епидемијата на Ковид-19 се шири побрзо од кога било. Јужна Кореја, земја со речиси 52 милиони жители, постигна стапка на вакцинација од дури 81 отсто, но сепак забележа рекордни 7.662 нови случаи на инфекција во средата, пренесува РТС. Епидемиолозите проценуваат дека тој број брзо би можел да скокне на 10.000, дури и 20.000, доколку властите не воведат построги мерки за ограничување на движењето. Во капиталистичката држава Јужна Кореја, бројот на новозаразени се зголемува од почетокот на ноември, и покрај една од највисоките стапки на вакцинација во светот. Сега се воведуваат непопуларни мерки, како ограничување на собири за најмногу четири лица кои се вакцинирани и скратување на работното време на угостителските објекти за време на новогодишните празници. Се смета дека причините за растот на заболените се ширењето на делта варијантата на вирусот и одлуката на властите од почетокот на ноември да се вратат во нормален живот без ограничувања, со оглед на тоа што стапката на вакцинација достигна 70%. Се чини дека, епидемиолошки гледано, тоа беше (голем) неуспех. Таа прерана одлука беше и политички мотивирана, бидејќи Јужна Кореја води кампања за претседателските избори што треба да се одржат во март следната година.

Кина вакцинираше повеќе од милијарда луѓе

Дарко Андоновски — Sat, 30 Oct 2021 17:12:36 +0000

Кина целосно вакцинираше 1,07 милијарди луѓе против Ковид-19 заклучно со 29 октомври, соопштија денеска здравствените власти. Тоа е всушност 75,8 отсто од 1,41 милијарда население во земјата. Кина започна со вакцинирање на приоритетните групи на 15 декември 2020 година. Досега, четири вакцини од кинеско производство се одобрени за пласирање на домашниот пазар, а уште три се одобрени за итна употреба.

Кина целосно вакцинираше над една милијарда жители против Ковид-19

Дарко Андоновски — Thu, 16 Sep 2021 10:45:16 +0000

Кинеската Влада денеска соопшти дека целосно се вакцинирани повеќе од една милијарда луѓе во земјата против Ковид -19, односно над 70 проценти од нејзиното население. Најнаселената држава во светот (1,4 милијарди жители), каде што новиот коронавирус што ја предизвикува оваа заразна болест се појави на крајот на 2019 година, инјектираше вкупно 2,16 милијарди дози вакцини од 15 септември, изјави портпаролот на кинеското Министерство за здравство, Ми Фенг. Во некои места во Кина, коронавирусот се уште се појавува од време на време, на пример, во изминатите денови во источната провинција Фуџијан, каде што дневно се откриваат околу педесет случаи. Официјално, бројот на смртни случаи од Ковид-19 во земјата е 4.636. Од крајот на минатата година, Кина ги вакцинираше луѓето во земјата главно со две вакцини дадени во две дози – на кинеските компании Синовак и Синофарм.