вал килмер – Kurir.mk

Вал Килмер закрепнува успешно по битката со ракот на грлото (ВИДЕО)

Ивана Ефремовски — Mon, 10 Aug 2020 13:08:56 +0000

Глумецот Вал Килмер закрепнува успешно и се чувствува добро по операцијата поради рак на грлото и двегодишната битка со болеста. -Се чувствувам одлично… Подобро отколку што звучам!, се пошегува Килмер во изјава за „Ју-ес-еј тудеј“. Тој сега, поради трахеотомијата, ќе може да говори со помагала. Килмер истакна дека навикнувањето на новиот начин на говор е како учење нов јазик. -Тоа е исто како и учењето на некој друг јазик или дијалект. Мора да најдете начин за комуникација, а тоа пак, не се разликува од кој било друг актерски предизвик, но има многу поспецифичен сет на околности, додаде тој. Наредните филмови во кои ќе се појави Килмер се „Земјиште“ (Paydirt) во којшто ќе глуми со неговата ќерка Мерцедес Килмер, натаму – „Роденденска торта“ (The Bithday Cake), како и во вториот дел од „Топ Ган“ со Том Круз. (МИА)

Вал Килмер призна дека имал рак и откри дека Шер најмногу му помогнала

Предраг Кукиќ — Thu, 02 Apr 2020 19:13:08 +0000

Славниот 60-годишен актер Вал Килмер во 2015 година дознал дека има рак на грлото. Во автобиографијата „Јас сум твојот Хаклбери“, Вал Килмер отворено пишува за ужасните моменти од тој период. „Една ноќ се разбудив повраќајќи крв. Креветот изгледаше како сцена од „Кум“. Прво се помолив, а потоа повикав брза помош. На крајот, за сѐ ја известив Шер која блесна во моментот на неволја “, пишува Вал Килмер, сеќавајќи се на денот кога живеел во гостинската куќа кај пејачката. „Иако бев целосно покриен со крв, забележав дека Шер ги набљудува здравствениот работник од брзата помош, кој беше многу згоден. Кога си ги „уловивме“ погледите, со веѓите ѝ дадов знак дека момчето е згодно“, пишува Вал Килмер, додавајќи дека пејачката поцрвенал, а потоа почнала да се смее. Двајцата се смееле сè додека на Вал не му ја ставиле маската со кислород на устата и му го провериле притисокот и дишењето. Откако ги поминал хемотерапијата, терапијата со зрачење и операцијата на грлото, Вал Килмер веќе нема рак. Во меѓувреме, тој станал голем верник. – Јас веќе четири години сум здрав и ракот не се врати. Многу сум благодарен за тоа – рекол Вал Килмер, чиј глас е во лоша состојба, но секојдневно има терапија и вежба за да може да зборува нормално. – Фактот дека губењето на гласот може да ми ја уништи кариерата само уште повеќе ме мотивираше – рекол Вал Килмер, кој ќе имаме можност да го гледаме во новото продолжение на филмот „Топ ган“.

Беше голем заводник по кого жените полудуваа: Болеста целосно го промени, еве како изгледа денес (ФОТО)

Ивана Ефремовски — Wed, 24 Jul 2019 15:43:18 +0000

Познатиот актер Вал Килмер, некогашниот голем заводник, се претвори во кревок старец, откако пред неколку години ја почна борбата се бори со ракот на грлото. Килмер се бори со оваа болест од 2015 година, но тоа го призна кон крајот на 2017 година. Актерот ретко зборува за приватниот живот, а ракот само го потврдил во едно интервју во декември 2017 година за „The Hollywood Reporter“. Килмер е татко на две деца, а зад себе има неуспешен брак со актерката Џоан Вајли, кој траеше од 1988 до 1996 година. Многу жени ќе се согласат дека Вал во помладите денови е голем заводник, иако за неговиот љубовен живот многу малку се знае во јавност.

Актерот проговори за канцерот и за пеколот кој го проживува

Ивана Ефремовски — Sun, 24 Dec 2017 17:08:15 +0000

Се одлучи да им открие на сите низ што поминува од 2015 година, кога му е дијагностициран канцер, за што долго не сакаше да зборува во јавноста. Бев премногу сериозен - изјави Вал Килмер (57) за животот, пред да се разболи од тешката болест. Знаев да се изнервирам кога на пример нема да бидам номиниран за Оскар. Мерил Стрип сигурно е многу среќна поради своите Оскари. Важно е да те сакаат луѓето, да си сакан, додаде актерот. Поради рак на грлото актерот се подложил на трахеотомија, а поради истата има необичен рапав глас и краток здив додека разговара со другите. По некое време откако дознал дека има канцер, неговата ќерка Мерцедес доживеала сообраќајна несреќа, во која тешко ја повредила ногата. Вербата му помогна да излезам на крај со се. Ми помогна да ги пребродам сите кризи, наведува за американските медиуми Вал Килмер кој е познат по улогите “Top gun” I Batman Forever”.