валентино – Kurir.mk

Париз: Луксузна продавница уништена од автомобил при грабеж

Тале Кристо — Tue, 16 Aug 2022 10:50:50 +0000

Луксузната продавница „Валентино“ во Париз, е уништена со автомобил којшто се забил во неа во обид за грабеж. Притоа, 24-годишниот осомничениот е уапсен откако се обидел да побегне скокајќи во реката Сена, јави дописникот на МИА. Откако биле искршени влезните врати, крадецот украл луксузни чанти и побегнал скокајќи во Сена, по што бил изваден од речната бригада и приведен. Штетата е прилично голема. Упадот во продавницата „Валентино“ – италијанска модна куќа која се наоѓа на „Сен Оноре“ – една од најзнаменитите улици во француската престолнина, се случил вчера, малку пред два часот по полноќ. Повеќе луксузни продавници се наоѓаат на улицата „Сен Оноре“. Како што потврдува и чуварот на оштетената продавница, „ова не е првпат“ ова да се случува со тоа луксузно место. Пред три месеци, на оддаленост од неколку стотини метри, и златарница на „Шанел“ била цел на вооружен грабеж. Штетата изнесувала нешто повеќе од два милиони евра.

„Валентино“ со нов дизајн на дуксер повикува на вакцинација – ќе ви се сврти во глава од цената на ова парче облека

Магдалена Андонова — Thu, 23 Sep 2021 08:56:18 +0000

Луксузната модна куќа „Валентино“ претстави специјален дизајн на дуксер со кој повикува на вакцинација, со нивното лого – буквата „V“ и натпис „вакцинирани“ со црвени букви. Ова парче облека чини 690 долари, а средствата од продажбата ќе бидат наменети за УНИЦЕФ. Идејата потекна од социјалните мрежи, а меѓу првите поддржувачи на оваа иницијатива беа дизајнерот Пјерпаоло Пичиоли, стилистката Зерина Акерс, Емануела Фарнети, поранешна уредничка на италијанскиот „Вог“, пејачката Лејди Гага и други. Средствата ќе ја поткрепат и програмата „Ковакс“ на Светската здравствена организација, чија цел е да достави вакцини во земји каде што тие сѐ уште не се широко достапни.

ФОТО: Наоми Кембел во метро во Њујорк се вози гола

Тале Кристо — Mon, 06 Jul 2020 12:13:17 +0000

Најпозната манекенка од крајот на 80-те и 90-те години, Наоми Кембел во реклама за модната куќа „Валентино“ се вози сосема гола, покриена само со ташните кои таа ги рекламира. Со овие фотографии ја открива својата совршена фигура и докажува дека на секоја возраст изгледа совршено. На својот инстаграм профил објави неколку фотографии кои не оставаат многу на имагинацијата. Погледнете ги необјавените фотографии од модната куќа „Валентино“: