Валери Жискар Д’Естен – Kurir.mk

Емануел Макрон ќе му оддаде почит на Валери Жискар Д’Естен вечерва преку телевизијата

Ивона Петрова — Thu, 03 Dec 2020 11:38:40 +0000

Шефот на француската држава Емануел Макрон, ќе и се обрати на француската нација вечерва за да му оддаде почит на поранешниот претседател на Републиката Валери Жискар Д’Естен, кој почина минатата ноќ како последица од Ковид-19, јави дописникот на МИА. Емануел Макрон вечерва ќе треба да го поздрави споменот на Валери Жискар Д’Естен, поранешниот претседател на Република кој исчезна ноќта од среда до четврток. Актуелниот шеф на државата веќе изрази сочувство во соопштението за печатот, испратено во текот на ноќта, во кое му оддава почит на неговиот претходник чиј „седумгодишен мандат ја трансформираше Франција“. -Овој огромен служител на државата беше инспектор за финансии, градоначалник, француски и европски пратеник, министер, регионален претседател, член на Уставниот совет, академик и претседател на Републиката. Тој така работеше за општ интерес 65 години, на сите нивоа на нацијата. Без разлика на функцијата тој и служеше на Франција , рече Емануел Макрон во долгиот текст. -Ореинетаците што тој и ги даде кон Франција сè уште ги водат нашите чекори. Слуга на државата, политичар за напредок и слобода, неговата смрт е жалост за француската нација, додаде сегашниот шеф на државата. – Валери Жискар Д’Естен, на кого Мопасан и Бодлер му беа ненадминливи водичи, конечно беше човек на словото. Автор на есеи, романи и мемоари, тој беше избран во Француската академија во 2003 година и никогаш не престана да ја негувааубовта кон нашиот јазик , напиша Макрон. Емануел Макрон исто така го одложи своето интервју за 24 часа, за онлајн медиумот Брут, првично закажано за овој четврток попладне, во кое тој сакаше да дебатира со млади Французи.

Почина поранешниот француски претседател Валери Жискар Д’Естен

Ивона Петрова — Thu, 03 Dec 2020 06:22:59 +0000

Поранешниот француски претседател почина на 94-годишна возраст, како жртва на Ковид-19. Избран во 1974 година, поразен во 1981 година од Франсоа Митеран, тој никогаш не ја напушти политиката, јави дописникот на МИА Поранешниот претседател Валери Жискар Д’Естен почина вчеравечер на 94-годишна возраст, објави неговото семејство. Почина „опкружен со семејството“ на неговиот имот во Автон во Лоар-ет-Шер. Тој почина „по заболувањето од Ковид“, рече неговото семејство. Поранешниот шеф на француската држава беше примен во „одделот за кардиологија“ во болницата Турс на 17 ноември за „срцева слабост“, тогаш беше укажано од неговата придружба. Во септември, поранешниот шеф на државата веќе беше хоспитализиран во болницата Жорж Помпиду во Париз за „мала инфекција на белите дробови“. Тој веќе неколку пати беше хоспитализиран во болницата Жорж Помпиду, пред неколку години, на кардиологија за поставување стентови. Најмладиот претседател на Петтата република кога беше избран во 1974 година, Валери Жискар Д’Естен еден од последните јавни настапи ги имаше на 30 септември 2019 година за време на погребот во Париз на друг претседател на републиката Жак Ширак, кој беше негов премиер од 1974 до 1976 година. Валери Жискар Д’Естен имаше само 48 години кога беше избран во 1974 година, победувајќи го Франсоа Митеран. Тогаш тој сакаше да биде инкарнација на триумфална модерност, што произлегува од либералната десница и демохристијани кои ја изградија повоената Европа. Политехничар и Енарк, од големо буржоаско семејство, Валери Жискар Д’Естен влезе во владата во 1959 година, множејќи ги министерските места во економијата и финансиите во 1960-тите и 1970-тите години. Сепак, на 10 мај 1981 година, тој не успеа да биде реизбран против Франсоа Митеран. Убеден Европеец, во 2001 година го презеде кормилото на Конвенцијата за Европа, одговорен за изготвувањето на европскиот устав, кој ќе биде отфрлен на референдум. Брилијантен економист, автор на повеќе книги, тој беше избран во 2003 година во Француската академија.

Поранешниот француски претседател во болница поради респораторни проблеми

Ивана Ефремовски — Mon, 14 Sep 2020 17:34:07 +0000

Поранешниот француски претседател Валери Жискар Д’Естен (94) денеска бил примен во болница откако се пожалил на респираторни проблеми, изјави еден од неговите соработници, пренесоа британските медиуми. Францускиот весник „Ле Паризиен“ претходно соопшти дека Д’Естен, кој беше на чело на Франција од 1974 до 1981 година, се наоѓа на Одделот за интензивна нега. Жискар Д’Естен ја предводеше модернизацијата на француското општество, дозволувајќи го разводот со заедничка согласност, легализирањето на абортусот и намалување на возраста за гласање од 21 на 18 години.