Реграги: Оваа игра знае да биде навистина чудна

Бошко Тасиќ — Thu, 15 Dec 2022 06:02:48 +0000

Името на Валид Реграги со златни букви ќе биде испишано во историјата на африканскиот фудбал, бидејќи неговиот Мароко стана првата селекција од овој континент која се пласираше во едно полуфинале на Светските првенства. – За жал нема да играме во финалето, тоа беше нашиот сон. Со повредите кои ги имавме и раниот гол кој го примивме, овој меч стана многу тежок за нас. Дадовме се од себе, се боревме со сите наши оружја, но не успеавме. Останувам горд на моите играчи и на мојата земја.Не може да играте финале после таков влез во натпреварот и нависитна жалам за тоа. После тоа бевме далеку подобри. За жал, фудбалот знае да биде чуден. Не игравме добро против Шпанија и успеавме да победиме, а денеска игравме добро и загубивме. Не ни преостанува ништо друго, сега треба да работиме напорно и повторно да се вратиме со страст на теренот, – изјавил Реграги по мечот, а притоа открил и каква порака добил од Макрон кој во живо го следеше мечот во Катар. – Макрон ми порача дека сме завршиме добра работа и сме оставиле добра слика за нашата земја, но и за фудбалот воопшто. Најважно е да ги радуваме и забавуваме луѓето, а ние го направивме тоа. Ќе се вратиме посилни во иднина, – завршил мароканскиот селектор.

Селекторот на Мароко: Ако некому му е доволно полуфинале, мене не ми е

Бошко Тасиќ — Wed, 14 Dec 2022 06:09:21 +0000

Мароканскиот селектор Валид Реграги го најави полуфиналето на Мундијалот против Франција и порача дека неговата репрезентација може да ја освои титулата светски првак. Реграги направи чудо со Мароко. Овој млад, но веќе многу трофеен стручњак, кој беше шампион со три различни тимови, а ја има и титулата во африканската Лига на шампиони, испиша историја затоа што стигна до полуфиналето со Лавовите на Атлас, што ниту една африканска репрезентација досега го нема направено.Но, тој не сака да застане тука. Иако ривал е моќната Франција, Реграги истакнува дека полуфиналето не му е доволно. „Ако некому му е доволно полуфинале, мене не ми е. Ако стигнете до полуфиналето и не сте ‘гладни’, тогаш има проблем. Најдобар тим во светот е Бразил и тие веќе го напуштија првенството. Амбициозни сме и гладни, но не знам дали ќе биде доволно“, изјави Реграги на прес-конференцијата пред натпреварот. Селекторот кој го наследи Вахид Халилхоџиќ смета дека Мароко може да ја освои титулата светски првак. „Сакаме Африка да биде на врвот на светот, но мора силно да напредуваме. Не сме фаворити, но имаме самодоверба. Можеби тоа ме прави луд, но малку луд може да биде добро. Верувам дека одиме на финале“, изјави Реграги.

Валид Реграги – Kurir.mk

Реграги: Оваа игра знае да биде навистина чудна

Селекторот на Мароко: Ако некому му е доволно полуфинале, мене не ми е