Ваљадолид – Kurir.mk

Димитриоски една година во Ваљадолид

Бошко Тасиќ — Thu, 30 Jun 2022 17:33:03 +0000

Давид Писоњеро, поранешниот тренер на Вардар го доведе во својот Ваљадолид македонскиот ракометар Димитар Димитриоски. Поранешениот играч на Металург, Вардар и Е. Пелистер 2 потпиша едногодишен договор со некогаш силната шпанска екипа. -Го познавам од времето кога го тренирав во Вардар. Иако се уште не е познат во светски рамки, знам дека се работи за добар играч. Може да игра на повеќе од една позиција и тоа е за нас многу битно, затоа што ќе можеме со еден ракометар да покриеме повеќе места, изјави Писонеро. Ваљадолид ќе го користи Димитриоски на позициите лево крило и централен бек.

Меси за судијата на мечот со Ваљадолид: Тој бараше причина да ми покаже жолт картон

Тале Кристо — Tue, 06 Apr 2021 07:25:38 +0000

Капитенот на Барселона, Лионел Меси беше незадоволен од работата на судијата Хајме Латре на синоќешниот натпревар од 29. коло во Ла Лига против Ваљадолид (1:0). Доколку Аргентинецот добиеше жолт картон на овој меч, ќе го пропуштеше дербито со Реал во следното коло. Во истата ситуација беше и играчот за врска на Барса, Френки де Јонг. Камерите на телевизијата „Мовистар +“ ги овековечија зборовите на Меси за работата на судијата, упатени до делегатот Карлес Навал: – Тој бара изговор да ми ја покаже картата. Бууу, неверојатно, реагираше Меси. Натпреварот Реал Мадрид – Барселона е закажан за 10 април.

ОФИЦИЈАЛНО: Меси го сруши рекордот на Пеле

Ивона Петрова — Wed, 23 Dec 2020 08:17:08 +0000

Лионел Меси постигна гол против Валјадолид и го надмина рекордот на легендарниот Пеле, ѕвездата на Барселона сега е рекордер по број на постигнати погодоци во дресот на еден клуб. Барселона го победи Валјадолид 3-0, Меси го собори рекордот на Пеле, Аргентинецот стигна до бројата од 644 гола во дресот на Барселона и го надмина Пеле кој запиша 643 како играч на Сантош. Покрај Меси во листата на стрелците се запишаа Ленглет и Братвајт.

Реал на врвот на табелата во Ла Лига, прв пат по 100 дена

Ивона Петрова — Mon, 27 Jan 2020 06:46:25 +0000

Реал Мадрид синоќа го победи Ваљадолид со 1:0 во натпреварот од 21. коло на шпанската Ла Лига. Благодарение на победата, мадридскиот тим се искачи на првото место на табелата. Ова се случи за прв пат по 100 дена. Стрелец на победничкиот гол беше Начо во 78.минута. По 21. коло, Реал има 46 бода, пред Барселона која досега собра 43.

Бразилецот Роналдо нов сопственик на Ваљадолид

Ристе Здравков — Mon, 03 Sep 2018 12:22:55 +0000

Легендарниот бразилски фудбалер Роналдо Назарио де Лима стана главен сопственик и претседател на шпански Реал Ваљадолид, објавено е на веб-страницата на клубот.

Поранешниот напаѓач Барселона и Реал Мадрид купи 51 отсто од акциите на клубот за 30 милиони евра и го наследи Карлос Суарез Суреду, кој ќе остане во одборот на клубот во таа улога.

Во јануари оваа година, Роналдо изрази желба да купи клуб од друга шпанска или англиска лига, но тој сепак го избра Ваљадолид.

Еден од најдобрите фудбалери во историјата кои два пати го освои Мундијалот со Бразил (1994 и 2002 година), до 2016 година беше сопственик на американскиот клуб Форт Лодердејл.

Роналдо со голем успех играше во Реал Мадрид, Барселона, Интер, Милан, ПСВ и два клуба од земјата Крузеиро и Коринтијанс, каде што ја заврши кариерата.

За репрезентацијата на Бразил, тој има 98 настапи и постигна 62 гола.

Роналдо станува сопственик на Ваљадолид

Ристе Здравков — Tue, 28 Aug 2018 10:41:46 +0000

Легендарниот бразилски фудбалер Роналдо Назарио де Лима наскоро би можел да стане мнозински сопственик и претседател на шпанскиот прволигаш Реал Ваљадолид. „Ас“ пренесува дека Роналдо функција треба да ја преземе од Карлос Суарез Суреде кој ќе остане во бордот на клубот. Роналдо за добивањето на мнозинскиот пакет на акции ќе донесе 30 милиони евра. Во јануари оваа година, Роналдо изрази желба да купи клуб од втората шпанска или англиска лига, но тој сепак го избра Ваљадолид. Еден од најдобрите играчи во историјата на фудбалот, веќе имаше сопственост на еден клуб од САД - Форт Лаудердале до неговото згаснување во 2016 година.