Ваљон Беља – Kurir.mk

Беља до Заев: Ако за една недела ви умираат 6 бебиња, тогаш дефинитивно имате проблем со вашата човечност

Предраг Кукиќ — Fri, 31 May 2019 15:39:34 +0000

Разрешениот економскиот директор на Клиниката за Гинекологија и акушерство, Ваљон Беља преку социалните мрежи повторно му се обрати на премиерот Зоран Заев. „Ако за една недела ви умираат 6 (шест) новородени бебиња, и вие го толкувате како “тропање глупости” тогаш дефинитивно имате проблем со вашата човечност. Жалам многу што родителите на овие новороденчиња и на покојните пред нив мораа да слушат ваков вокабулар на еден Премиер. Во другите држави се оди во затвор за вакви случаеви но не и кај нас. Па уште да спомнувате позиции…“, напиша Беља.

ОЈО со детали за пукањето во Чаир: Три лица уапсени, едно во бегство

Ивона Петрова — Sun, 23 Dec 2018 07:55:39 +0000

Три лица се лишени од слобода и ќе бидат изведени пред судија на претходна постапка, а едно лице е во бегство во врска со пукањето што се случи пред два дена на паркинг позади маркет во Чаир. Од Основното јавно обвинителство Скопје информираат дека е поведена истражна постапка против три лица за кои постои основано сомнение дека сториле кривично дело – насилство според Кривичниот законик. Тројцата се осомничени дека на 20-ти овој месец на паркингот позади маркет во Чаир, извршиле грубо насилство со кое предизвикале тешка телесна повреда кај едно оштетено лице, а во јавноста предизвикале чувство на несигурност и страв. -Осомничените му се приближиле на оштетениот и го нападнале удирајќи го со тупаници по лицето и телото. Непознато машко лице, кое било заедно со нив, извадило огнено оружје и со него испукало два куршуми. Притоа го погодил оштетениот во десната потколеница и му нанел тешка телесна повреда, се наведува во соопштението од ЈОРМ. Надлежен јавен обвинител, ценејќи дека се исполнети законските основи, до судија на претходна постапка доставил и предлог за определување мерки на претпазливост за осомничените – забрана за напуштање на живеалиште, обврска да се јавуваат повремено на определено службено лице или кај надлежен државен орган, привремено одземање на патните исправи, како и забрана да му се приближуваат на оштетениот. Повреден во пукањето беше економскиот директор на Клиниката за гинекологија, Ваљон Беља.

ТВ21: Повредениот Беља барал средба со градоначалникот на Чаир поради стопирана плата

Ивона Петрова — Thu, 20 Dec 2018 19:37:30 +0000

Како што неофицијално дознава ТВ21, Ваљон Беља му се јавил на Градоначалникот на Чаир, Висар Ганиу со кого побарал да оствари средба во Топанско поле, кај маркетот Принц. Како што објавува телевизијата, економскиот директор на Клиниката за Гинекологија, му замерил на градоначалникот за тоа што му била стопирана платата која што ја примал од општината. По ова неофицијлано објавува ТВ21, градоначалникот повикат други луѓе по што настанала тепачка која завршила со пукање. МВР го потврди вооружениот инцидент велејќи дека едно лице е повредено откако било пукано од огнено оружје. Информациите од МВР може да ги прочитате ТУКА.

Пукање во Чаир, повреден функционер на ДУИ

Ивона Петрова — Thu, 20 Dec 2018 18:45:00 +0000

Едно лице е повредено во вооружен напад попладнево во Чаир, потврдуваат од МВР. Според првичните информации на полицијата вооружениот напад се случил околу 17:45 часот на улицата „Лазо Трповски“ при што било пукано во В.Б. (40) од Скопје во пределот на десната потколеница. Неофицијално, во него пукало лице кое било заедно со Е.Х., Е.А. и Р.Н.. Повредениот В.Б е пренесен во ГОБ „Св.Наум Охридски“, каде според прични информации се наоѓа надвор од животна опасност. Мотивите за нападот не се познати. Од МВР велат дека работат на расчистување на случајот, но повеќе детали ќе бидат познати по завршувањето на увидот. Телма телевизија објави дека повредениот е Ваљон Беља од ДУИ кој пред неколку месеци беше поставен за нов економски директор на Клиниката за Гинекологија.