Македонија пократка за уште едно име, Етеми откажа пред собирот

Ристе Здравков — Fri, 02 Jun 2023 17:35:04 +0000

Македонија остана пократка за еден фудбалер во тимот за дуелите со Украина и Англија, затоа што Ваљон Етеми го откажа настапот за националниот тим. Причината што крилниот играч на Истанбулспор нема да биде во составот е повреда, за тоа веќе го информирал селекторот Благоја Милевски. Ова е уште еден проблем во офанзивната линија затоа што од претходно Дарко Чурлинов и Бојан Миовски принудно ги откажаа настапите. Засега, предводникот на најдобрата селекција на Македонија нема да повикува нов играч, а од ФФМ најавија дополнителни информации ако се повика ново име во составот. Македонија прво дома игра со Украина, а потоа гостува кај Англија на „Олд Трафорд“.

Голем удар за Македонија: Ристовски и Етеми поради повреда отпаѓаат за средбите со Грузија и Бугарија

Ивана Ефремовски — Mon, 19 Sep 2022 07:23:17 +0000

Македонската фудбалска репрезентација денеска ги започнува подготовките за двата последни два натпревара од групата 3 во Лига на нации против Грузија (Тбилиси, 23 септември) и Бугарија (Скопје, 26 септември). Поради повреда веќе е познато дека Дарко Чурлинов нема да биде во составот на селекцијата за двете пресметки, но дополнителни проблеми за селекторот Благоја Милевски се новите две откажувања поради повреда. Капитенот Стефан Ристовски (повреда на тетивата) и напаѓачот Ваљон Етеми (повреда на бутниот мускул), исто така нема да можат да се стават на располагање. Подоцна во текот на денот ќе бидат соопштени имињата на фудбалерите кои ќе добијат дополнителен повик во репрезентацијата. „Црвено-жолтите“ попладне (17:30 часот) на тренинг центарот „Петар Милошевски“ ќе го имаат првиот тренинг од подготовките. (МИА)

Ваљон Етеми – Kurir.mk

Македонија пократка за уште едно име, Етеми откажа пред собирот

Голем удар за Македонија: Ристовски и Етеми поради повреда отпаѓаат за средбите со Грузија и Бугарија