МААЕ во Украина ги истражува руските наводи за производство на валкана бомба

Ивона Петрова — Tue, 01 Nov 2022 10:23:36 +0000

Експерти на Меѓународната агенција за атомска енергија (МААЕ) денеска започнаа со проверка на две локации каде руските власти тврдат дека Украина произведува валкана бомба. Генералниот директор на МААЕ, Рафаел Гроси изјави дека инспекциите започнале на две локации во Украина и ќе бидат завршени наскоро. Украина ги побара тие инспекции по руските обвинувања. Рускиот министер за одбрана Сергеј Шојгу неодамна имаше телефонски разговори со министрите за одбрана на Турција, Франција, Велика Британија и САД. Шојгу им ја пренел на колегите својата загриженост „за можната провокација на Украина“ и можната украинска употреба на „валкана“ бомба на нејзина територија со цел да ја обвини Русија за тој напад. Украина и западните земји тоа го гледаат како закана од Русија, за која постои сомневање дека може сама да искористи „валканата бомба“ под тој изговор. Радиолошка бомба или „валкана бомба“ се состои од конвенционален експлозив опкружен со радиоактивни материјали кои се шират во моментот на експлозијата.

Стејт департмент: Русија ќе се соочи со последици ако употреби „валкана бомба“

Ивона Петрова — Tue, 25 Oct 2022 05:47:10 +0000

Русија ќе се соочи со последици доколку употреби „валкана бомба“ или нуклеарно оружје, изјави портпаролот на американскиот Стејт департмент, Нед Прајс, додека генералниот секретар на НАТО ги отфрли руските тврдења дека Украина има намера да употреби „валкана бомба“. На прашањето дали Вашингтон ќе ја третира употребата на „валкана бомба“ на ист начин како и употребата на нуклеарна бомба, Прајс рече дека „ќе има последици“ за Русија во секој случај. „Дали ќе употреби ‘валкана бомба“ или нуклеарна бомба, бевме јасни по тоа прашање“, рече Прајс.

Генералниот секретар на НАТО, Јенс Столтенберг, изјави дека сојузниците на НАТО го отфрлаат обвинувањето дека Украина се подготвува да употреби „валкана бомба“ на своја територија за да ја обвини Русија за настанатата радиоактивна контаминација. „Сојузниците на НАТО ги отфрлаат руските обвинувања. Русија не смее да го користи ова како изговор за ескалација“, рече Столтенберг. Западните сојузници на Украина отфрлија каква било сугестија дека Киев гради или планира да користи „валкана бомба“, конвенционално оружје чие јадро е обвиткано во нуклеарен материјал. Украинскиот претседател Володимир Зеленски рече дека обвинението е знак дека Москва планира таков напад и дека ќе го обвини Киев. Рускиот министер за надворешни работи Сергеј Лавров во понеделникот изјави дека обвинувањата на Зеленски дека Москва планира напад со радиоактивна „валкана бомба“ не се за „сериозен разговор“.

валкана бомба – Kurir.mk

МААЕ во Украина ги истражува руските наводи за производство на валкана бомба

Стејт департмент: Русија ќе се соочи со последици ако употреби „валкана бомба“