валмир азири – Kurir.mk

Министерката за култура нема да предложи разрешување на Азири кој „ќе сече раце и нозе на антиалбанци“

Магдалена Андонова — Wed, 29 Jun 2022 13:08:48 +0000

Министерката за култура Бисера Костадиновска Стојчевски ќе почека дали надлежните органи ќе утврдат вина кај државниот секретар за култура Валмир Азири и потоа ќе одлучи дали ќе му предложи на премиерот Димитар Ковачевски тој да биде разрешен. Ова е одговорот на министерката на прашање на пратеникот од ВМРО-ДПМНЕ Антонијо Милошоски дали ќе предложи разрешување на Азири кој по инцидентот во Комисијата за европски прашања на Фејсбук го поддржа дивеењето на сопартиецот Арбер Адеми и му се закани на Милошоски дека на сите како него „антиалбанци“ ќе им ги скршат рацете и нозете. -Бидејќи секој член на Влада има право да предложи на претседателот на Владата да именува државен секретар, дали би било упатно да предложите разрешување на Валмир Азири за употреба на недоличен речник во кој се промовира говор на омраза – праша пратеникот Милошоски. Министерката Костадиновска Стојчевска рече дека пред да му одговори на прашањето сака да каже дека осудува насилство но и дека не го оправдува насилството упатено на собраниските комисии кон пратеничките од СДСМ и од ДУИ Снежана Калевска Ванчева и Арта Биљали Зендели. Таа додаде дека како поранешна пратеничка била сведок на се што правеле ВМРО-ДПМНЕ во Собранието. -Вие самиот поднесовте пријава и ако се утврди кривично дело ќе донесам соодветно решение, но имам прашање до вас – рече министерката. На ова реагираше потпретседателот на Собранието Горан Мисовски кој и укажа на министерката дека на седницата за пратенички прашања министрите одговараат, а не поставуваат прашања. Милошоски се заблагодари на Мисовски за реакцијата и додаде дека не е задоволен од одговорот на министерката. -Кога државен секретар без разлика што мислел, во Министерство за култура каде очекуваме луѓето да бидат за нијанса поплеменити, тој јавно пишува и повикува на кршење на рацете и на нозете на сите кои не размислуваат како него, тогаш Министерството губи на репутација. Ако предложите разрешување вие ќе добиете на репутација. Ако заштитите човек кој поттикнува насилство Министерството и Владата губи на репутација и наместо да се превенира говор на омраза и насилство тој станува пасивен соучесник. Овој човек со своето поведение нема да ви помогне во ширењето на културата – констатира Милошоски.

Комисија за култура на ВМРО-ДПМНЕ: Бришењето на заканувачката содржина со говор на омраза, тешко ќе го исперат срамот и гревот во кои се западнати СДСМ и ДУИ

Магдалена Андонова — Tue, 28 Jun 2022 13:16:12 +0000

ДО ТУКА СТАСАВМЕ?! Наместо деновиве да добиеме официјален став од Министерството за култура на Република Македонија во врска со загрозените македонски црвени линии по прашањата на идентитетот, историјата, традицијата, јазикот и културата, во развојот на најновите настани поврзани со нашето евроинтегрирање, „почестени сме со европски вредности“ со најексплицитна содржина полна со говор на омраза и директна закана со кршење раце и нозе, стои во Фејсбук објавата на официјална страница на Комисијата за култура на ВМРО-ДПМНЕ. Комисијата напиша дека има само две можности кои им стојат на располагање на Министерството за култура и министерката Костадиновска-Стојчевска и тоа во најкратки можни рокови: 1) Да се оградат од заканата и говорот на омраза напишани на ФБ статусот на државниот секретар во Министерството за култура Валмир Азири! 2) Заеднички да поднесат оставки и Костадиновска-Стојчевска и Азири, за да овозможат на органите на прогонот независност на истрагата на ова веќе пријавено злодело и конечно примена на европските вредности на дело! - Денешното бришење на заканувачката и непримерна содржина со говор на омраза, тешко ќе го исперат срамот и гревот во кои се западнати партиско-коалиционите „културни политики“ на СДСМ и ДУИ. Валканата бездна во која пропаѓа македонска култура мора да почне да се чисти од врвот - ВЕДНАШ, се додава во објавата.

Пратеничката група на ВМРО-ДПМНЕ достави барање до Ковачевски за итно разрешување на Валмир Азири

Ивона Петрова — Tue, 28 Jun 2022 11:29:24 +0000

Пратеничката група на ВМРО-ДПМНЕ и Коалицијата денес дојде до Влада со барање за остра и брза реакција и итно започнување и разрешување на државниот секретар во Министерството за култура, Валмир Азири. -За потсетување, можам да Ви кажам дека пратениците како директни претставници и застапници на граѓаните во законодавниот дом ја бираат Владата, а токму Владата ги назначува своите владини функционери. Имено, овој владин функционер вчера повикуваше на физичко насилство со нанесување на тешки телесни повреди и ова е кривично дело според членот 394-г од Кривичниот законик, дело со кое што се предвидува казна затвор од една до пет години. Токму поради тоа и поради сериозноста на овој инцидент, а и траорноста на вчерашниот ден за демократијата во Република Македонија, дојдовме и лично го поднесовме барањето за остра реакција од претседателот на Владата, Димитар Ковачевски, од кој што се бара брза реакција бидејќи само на тој начин ќе покаже дека е противник на повиците за физичко насилство врз народните избраници и ќе упати силна порака до сите дека ова повеќе не смее да се повтори, изјави пред Владата координаторот на пратеничката група на ВМРО-ДПМНЕ, Никола Мицевски. Посочи дека во спротивно, доколку одлучи да молчи, само ќе докаже и покаже дека охрабрува и дека одобрува секаков вид на насилство и насилничко однесување. На потег е Владата и на потег е премиерот Димитар Ковачевски.

ВАЛМИР АЗИРИ ЈА ИЗБРИША ПОРАКАТА ЗА КРШЕЊЕ РАЦЕ И НОЗЕ – „ама тоа нема да го спаси од гонење“, Фејсбук ги има постовите

Ристе Здравков — Tue, 28 Jun 2022 08:45:20 +0000

Фактот што Валмир Азири ја избриша спорната објава на Фејсбук, нема да го спаси од гонење. Според последните информации пратеникорт Антонио Милошоски, веќе ја поднел пријавата во полициската станица во Центар, и МВР веќе ќе почне да постапува по неа. Односно, по оваа пријава ќе постапува Секторот за електронски криминал и ширење на омраза и насилство преку електронски пат, каде што влегуваат и социјалните мрежи. Државниот секретар во министерството за култура Валмир Азири вчера ја напиша објавата, па потоа ја избриша, но како што дознаваме, од МВР на пратеникот Милошоски му кажале дека тоа нема да го спаси од натамошно гонење, бидејќи МВР има соработка со социјалната мрежа Фејсбук, и преку барање кое ќе го упатат до ниов, тие преку ИП адресата ќе ги пронајдат сите објхавии што тој ги споделил во текот на вчерашниот ден, без оглед што тој потоа ја избришал објавата. Покрај тоа, објавата веќе и ја пренесоа повеќе медиуми. Како што напишавме, пратеникот Антонио Милошоски во полициската станица Центар во Скопје пред надлежен началник го пријави функционерот на ДУИ, Вaлмир Азири, државен секретар во Министерството за култура, за синоќа искажаните закани за физичко насилство кон Милошоски. Азири синоќа преку социјалната мрежа Фејсбук повика на физичко насилство против Милошоски, со нанесување на телесни повреди. Денеска постот го нема на фејсбук на профилот на Азири. Ова е по вчерашниот инцидент во Собранието, кога претседателот на Комисијата за европски прашања Арбер Адеми кон опозицијата фрлаше предмети. Еве што порача Азири. „Антиалбанец како Антонио Милошоски заслужува повеќе. Помина времето на продавачите на магла. Новите генерации Албанци ќе им ги скршат рацете и нозете на сите што ќе се обидат да ги омаловажат Албанците“, пишувало на постот.

Mилошоски го пријавил во полиција Азири кој се закани со кршење раце и нозе

Ивона Петрова — Tue, 28 Jun 2022 08:14:02 +0000

Пратеникот Антонијо Милошоски во моментов се наоѓа во полициската станица Центар во Скопје, каде пред надлежен началник го пријавува функционерот на ДУИ Вaлмир Азири, државен секретар во Министерството за култура за синоќа искажаните закани со физичко насилство кон Милошоски кои воедно се и говор на омраза, пишува МКД. мк. Азири синоќа преку Фејсбук повика на физичко насилство против Милошоски, со нанесување на телесни повреди. Според порталот, кривичното дело може да се дефинира според член 394 - г од Кривичниот законик. Инаку, Азири го избришал својот пост, но е веќе пренесен од многу медиуми, а воедно, МВР може со офоцијално барање упатено до Фејсбук (Мета) преку ајпи адреса да го добие постот како материјален доказ. Aзири од својот Фејсбук како реакција на вчерашниот инцидент во Собранието на Македонија, кога претседателот на Комисијата за европски прашања Арбер Адеми кон опозицијата фрлаше предмети, порача: „Антиалбанец како Антонио Милошоски заслужува повеќе. Помина времето на продавачите на магла. Новите генерации Албанци ќе им ги скршат рацете и нозете на сите што ќе се обидат да ги омаловажат Албанците.

Државниот секретар во Министерството за култура со скандалозна изјава го одбрани насилството: Антиалбанец како Милошоски заслужува и повеќе (ФОТО)

Магдалена Андонова — Mon, 27 Jun 2022 20:29:06 +0000

Денеска македонската јавност беше сведок на насилие, физичка пресметка и недоличен речник во Собранието од страна на претседателот на КЕП, Арбр Адеми кон пратеникот од редовите на ВМРО-ДПМНЕ, Антонијо Милошоски. Наместо да го осуди ваквото насилничко однесување, државниот секретар во Министерството за култура, Валмир Азири застана во одбрана на насилството и ваквото скандалозно однесување го поддржа преку Фејсбук статус во кој напиша дека пратеникот Милошоски нарекувајќи го антиалбанец заслужувал повеќе и дека секој кој што ќе се обиде да ги омаловажува Албанците, новите генерации на Албанци ќе им ги скршат нозете и рацете. - Антиалбанец како Милошоски заслужува и повеќе, времето на продавачите на магла заврши, новите генерации Албанци ќе им ги скршат рацете и нозете на сите што ќе се обидат да ги понижат Албанците, напиша Азири и додаде емотикон со тупаница.