Екс државен директор тврди дека Рашковски бил дел од тендери во здравството

Дарко Андоновски — Sun, 30 Jun 2019 10:21:34 +0000

Поранешниот економски директор на клиниката за гинекологија во скопскиот клинички центар Валон Беља тврди дека генералниот секретар на Владата Драги Рашковски бил инволвиран во тендери на неговата клиника, објавува Експрес.мк Обвинувајќи го за корупција Беља го навредува Рашковски користејќи го зборот „дебил” во својот коментар на албански јазик. На прашањето како можел да биде инволвиран во тендери во здравство кога Рашковски е генерален секретар на владата Беља ја објаснува шемата. -Тие имаат директор таму. Компаниите кои што се избрани со поставување на посебни спецификации (каде други компании не можат да конкурираат) му даваат процент на него и на други како него за да излезе дека директорот нема врска со овие компании. Само во Македонија тој што ќе го објави криминалот е сменет а во развиените земји објавувачот на криминал ќе добие државна заштита, вели Беља. Тој минатиот месец кој откако беше сменет од позицијата во Гинекологија од страна на министерот Филипче поднесе повеќе кривични пријави до директорката за која медиумите пишуваа дека е блиска на сопругата на прениерот Заев.

Скандалозно: Економскиот директор на ГАК се фали дека за еден месец во Скопје се родени предвремено 59 бебиња

Ивана Ефремовски — Wed, 06 Feb 2019 10:48:23 +0000

На социјална мрежа, економскиот директор на ЈЗУ Универзитетска клиника за Гинекологија и Акушерство, Валон Беља се пофали дека за месец јануари се родени предвремено 59 бебиња. Валон Беља напиша: „Почитувани, во текот на месец јануари 2019 година имавме 59 предвремено родени бебиња. Иако нашиот капацитет за овие деца е 23, тимот во Универзитетската клиника за гинекологија и акушерство успешно ги третираше сите деца. Значи, удвојувањето на работа не е причина да не се служи или да се грижи за бебињата. Затоа овој тим е многу успешен. Едноставно, не се жалиме, работиме“. Наместо со ова да се фали по социјалните мрежи треба да се алармира зошто предвремено се раѓаат деца, бидејќи тоа не е здраво за општеството. Кои се самите причини кои доведуваат до оваа состојба за да во еден месец се родат 59 бебиња предвреме. Да потсетиме дека овој економски директор Беља беше член на невладината организација „Реалитети“, а во 2010 година ја основа партијата „Албански сојуз“. Партијата подоцна се припои кон ДПА на Мендух Тачи, каде Беља беше потпретседател. Набрзо избија несогласувања помеѓу него и Тачи и лидерот на ДПА го исклучи од партијата. Беља пак бараше смена на Тачи од лидерската позиција. И пред одредено време истиот директор беше нападнат во општина Чаир, односно беше ранет, за што се уште не се знае како дојде до овој инцидент.

Валон Беља – Kurir.mk

Екс државен директор тврди дека Рашковски бил дел од тендери во здравството

Скандалозно: Економскиот директор на ГАК се фали дека за еден месец во Скопје се родени предвремено 59 бебиња