валона – Kurir.mk

Почина турист на плажата во Валона – причината бизарна

Дарко Андоновски — Thu, 03 Aug 2023 08:33:30 +0000

Трагедија се случи вчера на плажа во Валона, Албанија, каде починал турист од Србија. Како што јавува ABC News Albania, 54-годишен маж добил срцеви проблеми само што дошол во контакт со водата на морскиот брег. Нему му била укажана итна медицинска помош од турист, крајбрежната стража, а потоа и екипа на итната помош. Сепак, нивните напори биле залудни, па 54-годишникот починал. Полицијата го презела овој случај и води истрага за утврдување на сите околности, јавува ABC News Albania.

Туристите панично бегале: Пукотници на плажа кај Валона, има повредени

Ивана Ефремовски — Mon, 04 Jul 2022 11:45:45 +0000

Инцидент со пукотници од огнено оружје се случил на плажата Радиме, кај албанскиот приморски град Валона. Како што пренесуваат албанските медиуми има повредени, а туристите во паника го напуштиле местото. Полицијата веднаш пристигнала на местото на настанот, а ангажирани се и припадници на единицата за брзо распоредување. Пристигнуваат и возила за брза помош. Се врши увид, засега не е познат мотивот. (МИА)

Македонска туристка ограбена во Валона, овој човек е крадецот

Ивана Ефремовски — Sun, 04 Jul 2021 18:54:32 +0000

Македонска туристка, пак, била ограбена во Валона. -Припадниците на полицијата од Комесаријатот во Валона го уапсија лицето И.Б. (34), жител на градот, за кој постојат основи на сомнение дека ограбил македонска државјанка. Додека таа се движела на улица во населбата „Студена вода“ во Валона, тој и ја грабнал чантата во која таа имала лични работи, се наведува полициското соопштение. (МИА)

Мафијашко убиство во Валона, крвна одмазда или пресметка на нарко групи

Тале Кристо — Thu, 03 Jun 2021 10:41:57 +0000

Приморскиот град Валона, синоќа, кусо по полноќ повторно го вознемири убиство од мафијашки тип, пренесуваат тамошните медиуми. Пред вратата на неговиот дом убиен е Шкелзен Велај (42), кон кого напаѓачите рафално испукале најмалку 30 куршуми, од кои 15 завршиле во неговото тело. -Настанот се случил во населбата „24 Мај“, а Велај бил застрелан со „Калашников“ на влезот од неговот дом, на петтиот кат од зграда. На враќање кон домот Велај забележал дека е следен од сомнителен автомобил, по што излегол од неговото возило и со трчање се упатил во зградата, но убијците го стигнале токму пред влезната врата на станот, стои во полициското соопштение. Се додава дека автомобилот „БМВ“ без регистарски таблички, во кое биле убијците полицијата го пронашла запален во близина на селото Рисил. По сторителите се трага. Убиството се поврзува со таканареченот „маскар во Чола“, од 7 април 2015 година, кога во казино беа убенини три лца, меѓу нив и братот на сега убиениот Велај. Полицијата тогаш уапсила три лица, по што едно од нив е осудено на доживотен затвор, а двајца со казна затвор од по 35 години. По овој настан регистрирани биле уште неколку убиства, поврзани со него. Првичните сознанија, според дел од медиумте, наведуваат на фактот дека мотив за синоќешниот атентат е крвна одмазда, но не се ислучува и пресметка меѓу нарко криминални групи.

Спасени од сигурна смрт 50 имигранти од Сирија оставени на отворено и немирно море кај Валона

Магдалена Андонова — Sat, 09 Jan 2021 13:10:36 +0000

Припадниците на албанската крајбрежна служба, поморската патрола на Гуеарда ди финанца и полицијата од Валона, од сигурна смрт, во текот на ноќта, спасиле 50 имигранти од Сирија, меѓу нив жени и деца кои останале на отворено и немирно море при обид да поминат илегално со гумен чамец кон Италија . Чамецот,поради дефект, останал блокиран неколку часа во морската шир во близина на местото каде во морето се влева реката Вјоса а надлежните интервенирале откако по телефонски повик од самите имигранти биле известени дека се во опасност да се удават поради големи бранови и силна морска струја. -Акцијата за спасување беше спроведена во многу неповолни временски услови,силен дожд, ветер, големи бранови, силна морска струја. Гумениот чамец со имигрантите, вклучително и жени и деца, бил оставен на отворено море а беа евакуирани со два воени брода на крајбрежната стража и Државната полиција од Валона. Се трага по две лица,трговци на луѓе, кои откако ја забележале крајбрежната патрола се дале во бегство со друг помал чамец, стои во полициското соопштение. Имигрантите требало да бидат префрлени до италијанскиот брег за што платиле по 2.000 евра по човек. Во регионалната болница во Валона се хоспитализирани 16 лица, додека девет други, меѓу нив и жени и три деца под 10- годишна возраст се транспортирани во Клиниката за тауматологија во Тирана.

Одржан традиционалниот летен карате семинар „Валона 2020“

Дарко Андоновски — Sun, 30 Aug 2020 07:47:42 +0000

Во организација на Македоската традиционална карате федерација, од 23-29 август 2020 година во Валона, Албанија беше успешно одржан семинар, куп и полагање за ученички и мајсторски појаси „Валона 2020“. Победници по категории: кати- јуниорки: 1. Антонија Белазелкоска, 2. Јана Милевска и 3. Мила Младеновска. фукуго- јуниорки: 1. Антонија Белазелкоска, 2. Јана Милевска и 3. Мила Младеновска. Деца од 10-13 години: Кати: 1. Матеј Мангаровски, 2. Слободан Костов и 3. Михаела Костова. Деца од 10-13 години. Кихон: 1. Матеј Мангаровски, 2. Слободан Костов и 3. Михаела Костова. Деца 6-8 години кати: 1. Софија Јарчевска, 2. Филип Недев и 3. Камелија Недев. Деца 6-8 години кихон: 1. Камелија Недев, 2. Филип Недев и 3. Софија Јарчевска. За мајсторски појаси положија: Антонија Белазелкоска и Јана Милевска – 3 дан, Петар Костов – 2 дан, Камелија Недев, Матеј Мангаровски и Слободан Костов – 1 дан. За ученички појаси положија: Филип Недев – син 1, Софија Јарчевска – кафеав 2 и Михаела Костова – кафеав 1.

Во Валона запален луксузен автомобил на македонски државјанин- кога ќе дознаете за каква марка станува збор се ќе ве здоболи до коска

Дарко Андоновски — Tue, 21 Jul 2020 11:21:47 +0000

Во раните утрински часови на паркинг пред хотел кај албанскиот приморски град Валона запален е луксузен автомобил, сопственост на македонски државјанин. – Автомобилот „ауди“ е во сопственост на Албанец од Кичево, кој живеел и работел во Германија. Тој пред четири дена прстигнал на одмор во Валона, наведуваат албанските медуми. Полицијата информираше дека автомобилот „Ауди-А8“, производство 2019 година, бил запален во 5:18 часот. – Според првичните сознанија од увидот автомобилот бил намерно запален откако бил полиен со безнин, од се уште непознати мотиви. Истрагата е во тек, стои во полициското соопштение. Кичевецот за албанските медиуми изјави дека немал недоразбирања со никого и оти во Валона прстигнал на годишен одмор. -Јас сум од Македонија, од Кичево, живеам во Германија, дојдовме заради одмор и еве што ни се случи. Автомобилот целосно е изгорен. Не се сомневам во никого, немам недоразбирања со никого. Полицијата истражува, бебедносните камери го имаат снимено настанот, изјави оштетениот, видно вознемирен.

Македонците често летуваат тука, но од денеска ќе им биде страв да влезат во вода- уловен редок вид ајкула (ФОТО)

Дарко Андоновски — Tue, 13 Aug 2019 17:06:21 +0000

Во близина на областа Радиме, кај Валона, во рибарските мрежи денеска e уловена ајкула долга 1,5 метaр. -Овој вид ајкула е многу редок во водите на Јонско Море. Нејзината појава во близина на Валонскиот залив е поради климатските промени, велат рибарите. Во мрежите на албанските рибари во последните две години уловени се над десеттина ајкули, сите на оддалеченост од неколку милји од морскиот брег. Тежната на уловените ајкули се движи од 100 до 400 килограми, а месото завршува во угостителските објекти, бидејќи важи за вистински специјалитет. За првпат на крајот од минатиот месец туристите на плажата кај Дерми, биле изненадени кога ајкула дошла преблиску до брегот. Тие биле во морето кога им се доближила ајкулата. Дерми е една од најубавте плажи на албанското крајбрежје, која се наоѓа на 42 километри јужно од градот Валона. Откако бил даден алармот од чуварите на плажата, сите излегле од водата и тој момент го снимиле со нивните мобилни телефони.

ФОТО+ВИДЕО: Масакр кај Валона, убиени 8 лица

Ивона Петрова — Fri, 10 Aug 2018 18:51:57 +0000

Вистински масакр попладнево се случил во селото Ресулај кај албанскиот град Валона, јавуваат албанските медиуми. Според првичните информации 24 годишниот Ридван Зукај, наводно поради нерасчистени проблеми околу имотот убил осум роднини. Осомничениот Ридван Зукај најнапред влегол во куќата на своите баба и дедо вооружен со автоматска пушка, калашников и ги застрелал. Заедно со нив убил уште две други лица од семејството на чичко му. Како што јавуваат медиумите, осомниченото лице заминало во куќата на другиот чичко, која била само 30-тина метри подалеку, каде убил уште четири лица, односно чичко му, неговата сопруга и две деца, од кои едното имало 16, а другото 8 години. Шестмина други лица се ранети, а осомничениот е во бегство. Според очевидци во селото, убиецот немал психички проблеми, но бил корисник на дрога. Полицијата попладнево ги зема на распит неговите родители, а по Ридван Зукај трагаат голем број полициски тимови. Се смета дека е вооружен и опасен по околината. ВИДЕО од местото на масакрот може да погледнете ТУКА

ВНИМАВАЈТЕ: Има ајкули во Јонско Море, уловени се две

Катерина Бојаџиева — Mon, 30 Jul 2018 20:33:13 +0000

Две помали ајкули уловиле албанските рибари во водите на Јонско Море, кај Валона. Станува збор за ајкули со помала големина кои се уловени во близина на местото Луков. Рибарите предупредуваат дека е можно да има и други помали ајкули кои пливаат во близина на брегот. Тие со совет до сите годишноодморци да бидат посебно внимателни и да го контролираат местото и околината каде што одмараат. Главен наслов на медиумите, кои веста ја пренесоа секавично е „Чувајте се самите себе си! Уловени се две ајкули во Валона“. Албанските рибари, во своите мрежи, во повеќе наврати имаат уловено големи ајкули, но на многу поголема оддалеченост од брегот.