валтери ботас – Kurir.mk

Ботас ќе се натпреварува на Трката на шампионите во 2023 година

Тале Кристо — Thu, 03 Nov 2022 10:42:52 +0000

Возачот на Алфа Ромео, Валтери Ботас го потврди своето учество на Трката на шампионите во 2023 година. – Со нетрпение очекувам конечно да го направам моето деби за Трката на шампионите! Овие натпревари ги гледав на телевизија долги години, а минатата година бев принуден да се повлечам во последен момент, рече Ботас. Ботас требаше да дебитира во натпреварувањето во 2022 година, но се повлече од Трката на шампионите во последен момент поради преоптоварување со други обврски. Трката на шампионите 2023 ќе се одржи на 28-29 јануари во Шведска. Во екипниот настан, Ботас ќе го претставува финскиот тим заедно со двократниот шампион во Формула 1, Мика Хакинен.

Ботас: Дојдов во нова средина, мојата мотивација е поголема од порано

Ивона Петрова — Tue, 22 Feb 2022 11:52:46 +0000

Пилотот на Алфа Ромео, Валтери Ботас изјави дека преминот од Мерцедес во нов тим му дал мотив плус. – Чувствувам дека сега мојата мотивација е уште поголема од порано, затоа што влегов во нова средина, што е одлично. Имам многу да научам за новиот тим, за новиот болид. За време на тестот на новиот автомобил, врнеше дожд, а температурата беше само 4 степени, но сепак беше одлично да се проба. И не се чувствуваше толку поразлично од машините од претходната генерација. Направивме добра работа. Секогаш е важно да се проверат и исправат некои работи пред тестовите. Но, генерално, сè помина добро. А за сензациите зад воланот на болидот веќе може да се суди на тестовите во Барселона. Тешко е да се донесат заклучоци за новите болиди по само неколку круга, изјави Ботас. Новата сезона во Формула 1 шампионатот ќе почна на 20 март со трката за Големата награда на Бахреин.

Ботас ја освои пол-позицијата на трката за ГН на Бразил

Бошко Тасиќ — Sat, 13 Nov 2021 21:43:07 +0000

Возачот на Мерцедес, Валтери Ботас, со одлична тактика беше подобар од Макс Верстапен на спринт-трката која се одржа во Интерлагос и ќе тргне од првата позиција за трката на ГН на Бразил која се вози утре. Двајцата завршија пред Карлос Сајнц од Ферари на кого му припадна четвртата позиција. Четврти заврши Мексиканецот Серхио Перез од Ред Бул. Петтата позиција ја освои Луис Хамилтон од Мерцедес кој извозе перфектно и од последното место обезбеди висок пласман. Но, ќе тргне пет позиции подолу поради санкција. Најдобрите десет возачи ги комплетираат Ландо Норис, Чарлс Леклерк, Пјер Гасли, Естебан Окон и Себастијан Фетел. Трката за ГН на Бразил на програмата е в недела од 18:00 часот. Со првото место на спринт-трката, Ботас освои три бода, Верстапен на контото додаде два, додека Сајнц доби еден бод. Сега, разликата во генералниот пласман изнесува 21 бод.

Ботас ќе настапи на Трката на шампиони за прв пат во кариерата

Дарко Андоновски — Tue, 21 Sep 2021 08:52:52 +0000

Пилотот на Мерцедес, Валтери Ботас ќе учествува на Трката на шампиони за прв пат во својата кариера, соопшти прес-службата на натпреварувањето. Тој ќе се бори за титулата „Шампион на шампионите“ и ќе ја претставува Финска на Купот на нации. – Со нетрпение очекувам конечно да се натпреварувам во Трката за шампиони. Го гледав овој натпревар на ТВ многу години. Фактот дека овој пат трките ќе се одржат на снег и мраз ги прави уште поинтересни. Учествував на Арктичкото рели неколку пати и се надевам дека ова искуство ќе ми помогне да ги победам силните противници, особено нашите северни соседи, претставници на Шведска и Норвешка, со цел да придонесам за подобри резултати на Финска во Купот на нации, изјави Ботас. Последен пат Финска го освои Купот на нации во 2006 година. Трката на шампионите е меѓународен натпревар во автомобилски трки во кој се натпреваруваат пилоти од различни серии. Овој пат турнирот ќе се одржи во февруари 2022 година во Шведска во близина на Арктичкиот круг.

Валтери Ботас следната сезона ќе вози за Алфа Ромео

Магдалена Андонова — Mon, 06 Sep 2021 13:08:06 +0000

Пилотот на Мерцедес, Валтери Ботас следната сезона ќе вози за Алфа Ромео, информира прес -службата на Формула 1. Тој потпиша повеќегодишен договор со тимот. Финскиот возач во Алфа Ромео ќе го замени својот сонародник, поранешниот светски шампион Кими Раиконен, кој најави пензија на крајот од оваа сезона. Испразнетото место на Ботас во Мерцедес, многу веројатно ќе го пополни Џорџ Расел. Во Генералниот пласман на светскиот шампионат во Формула 1, Ботас во моментов се наоѓа на 3. место со освоени 123 бодови. (МИА)

Пол позицијата за Валтери Ботас во пресрет на ГН на Португалија

Бошко Тасиќ — Sat, 01 May 2021 16:53:15 +0000

Валтери Ботас ја освои пол позицијата за големата награда на Португалија, по денешниот официјален тренинг во рамките во Формула 1 шампинатот. Втор заврши актуелниот првак, Британецот Луис Хамилтон, додека пак зад нив следуваат Ферстапен односно Перес. На денешните квалификации, Мерцедес во целост го доби дуелот со тимот на Ред Бул и останува да се види како ќе помине утрешната трка

Ботас ја освои пол-позиција на Гран при во Имола

Дарко Андоновски — Sat, 31 Oct 2020 15:12:46 +0000

Возачот на Мерцедес, Валтери Ботас ја освои пол-позицијата за трката за Големата награда на Емилија Ромања која ќе се одржи утре на автодромот „Енцо и Дино Ферари“ во Имола. На денешните квалификации, Ботас за нецела десеттинка од секундата беше побрз од клупскиот колега Луис Хамилтон. Од вториот ред ќе тргнат Макс Верстапен од Ред Бул и Пјер Гасли од Алфа Таури. Од 5. до 10. место ќе се наредат: Даниел Рикардо од Рено, Алекс Албон од Ред Бул, Шарл Леклер од Ферари, Данил Квајт од Алфа Таури, Ландо Норис и Карлос Сајнц од Мекларен. Почетокот на трката за Големата награда на Емилија Ромања е закажан за утре во 13:10 часот.

Ботас ќе тргне од пол-позицијата на „Гран при 70-годишнина на Ф-1

Дарко Андоновски — Sat, 08 Aug 2020 14:30:27 +0000

Возачот на Мерцедес, Валтери Ботaс, беше најбрз на денешните квалификации возени на патеката „Силверстоун“ во чест на јубилејот 70-годишнина во Формула 1. Второто место му припадна на неговиот тимски колега Луис Хамилтон. Од вториот стартен ред ќе тргнат Нико Хулкенберг од Рејсинг Поинт и Макс Верстапен од Ред Бул. Уште еден лош ден имаа пилотите на Ферари. Шарл Леклер ќе тргне од осмата позиција, а Себастијан Фетел од 12-та. Главната трка ќе се одржи утре со почeток во 15:10 часот.

Ботас го продолжи договорот со Мерцедес

Магдалена Андонова — Thu, 06 Aug 2020 14:18:09 +0000

Финскиот возач Валтери Ботас го продолжи договорот со Мерцедес до крајот на 2021 година, објави германскиот тим во Формула 1. Ботас е член на Мерцедес од 2017 година и за тоа време оствари осум победи, 12 пол-позиции и 39 од вкупно 48 подиуми во својата кариера. Заедно со светскиот шампион Луис Хамилтон, тој придонесе Мерцедес да ја освои титулата во конкуренцијата на конструктори во последните три години, од вкупно шест во низа и тој ја заврши втор минатата сезона во конкуренција на возачите. (МИА)

Хамилтон и Ботас недостижни по првата тренинг сесија за Гран при на Унгарија

Дарко Андоновски — Fri, 17 Jul 2020 13:35:11 +0000

Возачите на Мерцедес продолжуваат да наметнуваат недостижно темпо од почетокот на сезоната 2020 за сите свои ривали во Формула 1. По денешната прва слободна тренинг сесија за Гран при на Унгарија, најбрз беше Луис Хамилтон, а неговиот тимски колега Валтери Ботас забележа втор резултат. Серхио Перез забележа трето време, со што продолжува со неговиот многу силен настап и оној на неговиот тим Рејсинг Поинт. „Розевите мерцедеси“, како што веќе се познати автомобилите на тимот, ги зазеде местата зад поновите верзии на „црните стрели“ како што се очекуваше. Перез беше за половина секунда побавен од лидерот Хамилтон. Неговиот тимски колега Ленс Строл се најде на четвртото место. Сепак, синот на канадскиот милијардер Лоренс Строл беше за половина секунда побавен од неговиот мексикански колега. Возачот на Рено, Даниел Рикардо, денеска оствари ветувачки тренинг и со својот петти резултат му дава надеж на францускиот тим за нешто повеќе на неделната трка во близина на Будимпешта. Тимот на Ферари е повторно зад лидерите, а нивното заостанување за повеќе од една секунда зад Мерцедес се чини несовладливо. Во првата тренинг сесија, Себастијан Фетел беше побрзиот возач на Скудерија со шесто време, Седми, на две десетини од четирикратниот светски шампион, беше неговиот колега Шарл Леклер.