Холанѓаните немаат пораз на 19 натпревари по враќањето на Ван Гал

Дарко Андоновски — Sat, 03 Dec 2022 18:10:30 +0000

Холандија ја продолжи серијата без пораз под водство на Луј ван Гал која трае 19 натпревари. Денес избраниците на Ван Гал ги победија САД (3:1) во осминафиналето на Светското првенство во Катар. Последен пат Холандија загуби на 27 јуни 2021 година од Чешка (0:2). Во август истата година Ван Гал се врати на селекторската позиција и оттогаш националниот тим има 14 победи и 5 нерешени. Во четврт-финалето на Светското првенство во 2022 година, Холандија ќе се сретне со победникот од двојката Аргентина – Австралија. Овој натпревар се игра вечерва со почеток во 20 часот во градот Ал Рајан.

Руни: Јунајтед направи голема грешка со отпуштањето на Ван Гал

Тале Кристо — Sun, 17 May 2020 10:35:04 +0000

Легендата на Манчестер Јунајтед, Вејн Руни верува дека „црвените ѓаволи“ направиле голема грешка кога го отпуштиле Луис Ван Гал по две сезони во клубот. Холанѓанецот доби отказ 24 часа откако го доведе тимот до победа во ФА Купот во мај 2016 година, а подоцна беше заменет од Жозе Мурињо. – Бев ужасно разочаран кога Луис беше отпуштен. Задоволство беше да соработувам со него. Требаше да го задржиме за трета сезона. Ние ќе бевме многу посилни. Чувствував дека работите се подобруваат и играчите почнуваа да ја разбираат неговата визија. Во тие две години научив повеќе од кој било друг менаџер. Затоа секогаш ќе бидам благодарен на него. Тој не само што ме направи капитен, туку тој целосно веруваше во мене. Немавме најдобар тим во лигата и не можевме да си дозволиме да имаме 12 повредени. Нашите најдобри стартери беа доволно добри за топ 4, но откако дојдоа повредите, имавме проблем, затоа што немавме доволно квалитет во тимот, изјави поранешниот репрезентативец на Англија.

ван гал – Kurir.mk

Холанѓаните немаат пораз на 19 натпревари по враќањето на Ван Гал

Руни: Јунајтед направи голема грешка со отпуштањето на Ван Гал