ванчо узунов – Kurir.mk

Додека граѓаните одвај го крпат месецот и секојдневно ги губат своите работни места, Заев си ги згрижил сопартијците во Влада

Катерина Бојаџиева — Tue, 13 Apr 2021 15:07:21 +0000

Македонските граѓани се потешко го врзуваат месецот и голем дел се на раб на егзистенција, а други секојдневно ги губат работните места, но Владата предводена од СДСМ и Зоран Заев си ги згрижила сопартијците или блиски луѓе на нивните владини партнери. Вчера беше објавен списокот со над 50 тајни хонорарци ангажирани во Владата, меѓу кои има доста звучни имиња. Покрај многуте, се најде името и на професорот Ванчо Узунов, кој е поранешен потпретседател на Социјалдемократскиот сојуз, и истиот е ангажиран за месечен надомест од 53 илјади денари, народни пари. Но, за таа сума на пари професорот грчевито почна да го фали и прани премиерот Заев. Имено, треба да се спомене дека едно време кога премиерот, Зоран Заев ја убедуваше со членството во НАТО, Македонија ќе има повисоки плати а граѓаните економски ќе живеат подобро , Узунов категорично се спротивставуваше на Заев. Узунов во телевизиско гостување соопшти дека Македонија економски нема да добие ништо од воената алијанса. „Ништо НАТО нема да ни донесе, ние треба да си оствариме. Значи не може современ развој да биде чекање, некоја трик карта, некое членство и ние ќе се развиеме“, велеше Узунов во јуни 2019 во однос на тврдењата на премирет Заев дека членството во НАТО за нас значи мир и стабилност и е најсилна гаранција за нашата безбедност, дека тоа ќе донесе подобар живот за нашите граѓани, како на политички, така и на економски план. Од, во одредени моменти критичар на Заев, професорот Узунов стана страствен бранител на тезите и потезите на премиерот. Минатата година, во услови на пандемија и криза, кога се покачуваше акцизата на горивата од три денари, тој го поддржуваше и го бранеше ваквиот чекор. „Bо време на криза, кога очите на сите, разбирливо, се вперени во владата и буџетот и чекаат поддршка од таму, некој мора да мисли и за полнење на тој буџет. Затоа, оваа мерка на владата, во овие услови, е сосема оправдана, бидејќи ќе биде извор на приходи, веројатно поевтин и од секое позајмување од надвор”, велеше универзитетскиот професор Узунов на 21 април 2020 кога државата беше во тешка економска и здравствена криза поради корона вирусот.

Узунов: Останува чувството на незадоволство кај граѓаните од економските резултати – очекувањата беа напумпани

Дарко Андоновски — Mon, 17 Dec 2018 20:50:53 +0000

На денешната емисија на ТВ 24 „Тренд Анализа“ во која се зборуваше за економската состојба на Македонија гостуваа поранешниот министер и универзитетски професор Трајко Славески и Ванчо Узунов актуелен советник во Владата на Зоран Заев за економија. На новинарско прашање каква е состојбата на економијата за 2018 година и дали се исполнети очекувањата кои ги вети Владата Узунов кажа дека се уште останува чувството на незадоволство кај граѓаните од економската политика и резултатите. „Перформансите се подобрени особено на приватниот сектор, многу повеќе е влијанието на приватниот сектор во формирањето на БДП но останува кај граѓаните едно чувство на незадоволство , очекувањата не се баш остварени “ –кажа Узунов Узунов истакна дека при промена на власта очекувањата биле премногу напумпани односно потенцираше дека може повеќе и треба да се направи повеќе во делот на економијата.

Витанов до советникот на Заев: Ако не и оди на фирмата, не го менувате името туку луѓето кои ја водат

Матеја Петровски — Tue, 18 Sep 2018 19:36:04 +0000

Претседателот на комората на менаџери, Зоран Витанов, денеска беше гостин на 24 Анализа, каде беше заедно со советникот на премиерот Зоран Заев, Ванчо Узунов и Трифун Костовски. Тој кажа дека на една фирма ако не и оди, ако пропаѓа, ако во неа се краде, ако краде магационерот, ако краде директорот, не се менува името на истата за да тргне работата. -Многу е наивно, инфантилно е ако ние мислиме дека сега ќе ни дојдат нашите деловни партнери, нашите добавувачи, нашите клиенти и тоа најголемите, највлијателните и да не убедуваат дека ако го смените името на фирмата, вие веќе внатре нема да крадете, извештаите ќе ви бидат позитивни итн. А плус и кога го сменивме менаџментот, истите магационери, едниот се вика Амди Бајрам, другиот се вика Али Ахмети, третиот се вика не знам како, истите магационери ни останаа во магацинот, тие што ни правеа загуби. Едниот од нив го викаат Тендер Бег, изјави Витанов. На ова советникот на Заев, Ванчо Узунов вели дека мала земја не може да ги смени правилата, туку може да ги прифати или да остане сиромашна. -Ние куварот, магационерот и директорот може да ги смениме наредниот ден, изјави Узунов. На ова Узунов доби прашање од Витанов зошто не се тие сменети.

Узунов контра Заев: Во 2006 економијата беше урнисана, сега ВМРО-ДПМНЕ остави развиена која може да го издржи прогресивниот данок

Матеја Петровски — Tue, 24 Apr 2018 14:33:00 +0000

Во емисијата Тренд Анализа на ТВ 24, вчера гости беа универзитетскиот професор и поранешен министер за финансии Трајко Славески, универзитетскиот професор и актуелен економски советник во Владата, Ванчо Узунов и економскиот аналитичар, Слободан Најдовски. На дебатата стана збор и за прогресивното оданочување на персоналниот данок . Узунов истакна дека треба да се објасни која е основната причина за воведување на оваа промена во оданочувањето. Тој кажа дека рамниот данок има свои предности како ефикасност на наплата, пораст на вработеноста, пораст на плати но дека исто така има негативно како социјално раслојување. На ова реагираше Трајко Славески, кој кажа дека изнесените тези од страна на Узунов за рамниот данок не се точни. Тој вели дека рамниот данок донесе намалување на невработеноста и дека тоа го има во Извештајот на Европската Комисија, дека просечно од периодот кога невработеноста беше скоро 40 % се намалувала просечно од 2006 до 2016 за 2, 8 % годишно. Славески истакна и дека стапката на сиромаштија се намалила. Поранешниот министер истакна дека земја затекната со 38 % невработеност во 2006 година кога ВМРО ДПМНЕ дојде на власт се смета за земја инвалид. Славески на прашање на Узунов кои земји во светот имаат рамен данок истакна дека имаат оние земји кои што произлегоа од системи и стопанства кои што колабираа и мораа да воведат рамен данок заради предностите што ги нуди оваа мерка. Узунов пак ја спореди македонската економија со Англија,Шпанија, Франција како пример за развиени земји кои немаат рамен данок и заради тоа што се развиени воведуваат прогресивен данок. -Македонската економија не е веќе колабирана и не треба да се враќа назад, истакна Узунов. На ова Славески истакна дека Македонија треба да направи добра анализа за тоа дали сега е моментот за воведување на мерката прогресивен данок, бидејќи смета дека се уште корисноста на рамниот данок не е исцрпена во македонската економија, чие воведување предизвика македонската економија да доживее инвестициски бум и намалување на невработеноста од огромни 38 % на 22,9 %.

По Узунов и Бошњаковски со најава за ребаланс

Ивона Петрова — Wed, 21 Feb 2018 17:11:39 +0000

Ниту два месеци не поминаа, а владата да почне да размислува за ребаланс на досега најобемниот Буџет во независна Македонија. Огромниот буџет од 3.5 милијарди евра со дефицит од над 300 милиони ерва и очигледно превисок проектиран раст ќе доживее ребаланс. Економскиот советник на премиерот, во емисијата Клик плус, Ванчо Узунов, кажа дека власта планира ребаланс, по Узунов сега и Миле Бошњаковски информираше дека власта планира ребаланс. Бошњаковски на денешната пресконференцција во владата информираше дека власта размислува за ребаланс. -Барем една третина од вкупните средства кои ги планира Владата за целиот овој план во една година, тоа е фактички до првиот ребаланс, рече економскиот советник на Владата, професорот Ванчо Узунов, во ТВ21.

Владата само што го донесе буџетот, а веќе подготвува ребаланс

Ивона Петрова — Sat, 17 Feb 2018 14:44:13 +0000

Според изјавата на советникот за економски прашања во Владата, професорот Ванчо Узунов владата уште во февруари размислува за нов ребаланс на буџетот кој го донесе во декември. -Барем една третина од вкупните средства кои ги планира Владата за целиот овој план во една година, тоа е фактички до првиот ребаланс- рече економскиот советник на Владата, професорот Ванчо Узунов. На ова реплицираше Христијан Делев кој посочи дека најавите за ребаланс на буџет уште во самиот почеток на буџетската година говорат дека или не се остварува буџетската проекција на Владата или не знаат како да менаџираат со парите на граѓаните. - Кажавте фрапантни работи дека ќе има ребаланс,а февруари е, тоа значи дека нема да го реализирате планот кој што сте го донеле пред граѓаните. Тоа значи , за сите нас како граѓани, дека тоа што го донесовте со закон за Буџет, не важи. Тоа е многу лош и несериозен пристап. Тоа значи дека нема да се изградат патиштата, тоа значи дека не знаете да ги потрошите парите или не сте успеале да соберете толку средства колку што сте планирале. Тие се двете работи за ребаланс, заклучи Делев.