ванда нара – Kurir.mk

ФОТО: Ванда Нара се пофали со новиот Ролекс од 40.000 евра

Ивона Петрова — Mon, 11 Sep 2023 17:01:31 +0000

Сопругата и агент на познатиот фудбалер Мауро Икарди, Ванда Нара се пофали со златен часовник вреден 40.000 евра. Ванда на својот Инстаграм профил покажа луксузен златен часовник Ролекс. Станува збор за моделот Day-Date од новата колекција, кој се одликува со зелен бројчаник и препознатлив ребрест прстен. Со оглед на тоа што Rolex има своја топилница, часовникот има најквалитетна легура од 18-каратно злато. Таа само неколку дена пред тоа го покажа својот Mercedes G класа чија цена се движи од 140 до 270 илјади евра. „Заљуби се во некој што те гледа како јас во мојот Мерцедес“, напиша Ванда покрај фотографијата од возилото.

Му нудат богатство на Икарди, но под еден услов – Ванда не смее да дојде со него во Саудиска Арабија

Ристе Здравков — Tue, 04 Jul 2023 11:37:34 +0000

Лудото трошење на клубовите од Саудиска Арабија дефинитивно ќе продолжи во текот на летово, а меѓу играчите кои се наоѓаат на листата со желби е и Мауро Икарди, аргентинскиот голгетер кој сезонава го предводеше Галатасарај до шампионската титула во турското првенство. По истекот на позајмицата тој се враќа назад во ПСЖ, а тимот на Ал Шабаб веќе почна преговори за да го убеди Икарди на преселба во Саудиска Арабија. Финансискиот аспект од понудата е фантастичен, Аргентинецот би потпишал четиригодишен договор за вкупно 80 милиони евра, плус дополнителни 20 милиони евра како отштета за ПСЖ експресно да даде зелено светло за реализација на овој трансфер. Само што во понудата има еден услов – заедно со Икарди да не дојде и неговата сопруга Ванда Нара. Саудијците вообичаено им нудат максимална комоција на семејствата на фудбалските суперѕвезди, но тоа не е случај и со Ванда, која е позната по животните навики со кои не би се вклопила во животот на жените во оваа држава. Икарди и Нара беа разделени неколку месеци, од неодамна тие повторно се заедно, па останува да се види дали ќе бидат подготвени на таква жртва, голгетерот да потпише четиригодишен договор и долго време да биде одвоен од сопругата од децата, кои би можел да ги гледа во Европа и во Аргентина, но не и во Саудиска Арабија.

Ванда Нара: Икарди и Макси Лопез уште не можат да се поднесат!

Ристе Здравков — Wed, 22 Feb 2023 10:48:10 +0000

Една од најпопуларните фудбалски сапуници, веројатно уште долго ќе ги скокотка насловните страници, штом некој од актерите во „љубовниот тријаголник“ добие светло под медиумските рефлектори. Мауро Икарди, Ванда Нара и Макси Лопез беа интересни пред една деценија, но дека уште може да ја разбрануваат јавноста покажа русокосата Ванда, синоќа во интервју на Раи-2. Таа зборуваше за себе како жена фудбалски агент, но се разбира дека неодминлива тема беше тријаголникот со поранешниот сопруг Макси Лопес и актуелниот сопруг, Мауро Икарди. Девет години откако го остави едниот, за да почне врска со другиот, Ванда кажа дека тие уште не се мирисаат. „Имам добри односи со Макси Лопез сега, но тој и Икарди не можат да се поднесат“, рече 36-годишната Аргентинка. Неодамна избија гласини дека и неа ја снашла слична судбина, како што онаа што таа му ја приреди на Макси. Медиумите пишуваа дека Икарди ја изневерил со аргентинската пејачка и актерка Чина Суарес. Меѓутоа Ванда одби да падне на провокација и очигледно преминала преку тоа. „Не знам што се случило. Нашата приказна е така долга, па мало нешто како ова изгледа безначајно. Икарди е мој сопруг, ние сме заедно и ќе бидеме зааедно цел живот. Тој е со мене речиси цел негов живот. Тој се има заљубено во нормалната јас, во пижами, додека подготвувам паста со пармезан и путер“, изјави Ванда. Таа беше во брак со Макси Лопез до ноември 2013 и дотогаш имаше три деца со него. Во мај 2014 стапи во брак со Мауро Икарди, кој беше клупски другар на Макси Лопес од Сампдорија и соиграч уште од младинските редови на аргентинската репрезентација. Откако стапија во брак, Ванда му беше и агент на Икарди, а особено се прочу кога во 2019 „го продаде“ својот сопруг од Интер во ПСЖ за 70 милиони евра.

ВИДЕО: Ванда Нара и децата играат фудбал на „плејстејшн“ со Македонија!

Ристе Здравков — Mon, 26 Dec 2022 14:00:22 +0000

Познатиот фотомодел Ванда Нара ги минува празничните денови со децата во сопствениот дом и заедно се забавуваат со видеоигри. На „плејстејшн“ Ванда Нара и децата играат ФИФА. Видеото е објавено на социјалната мрежа „Инстаграм“, а интересно е дека на натпреварите тие играат со репрезентативците на Македонија. Видеото на Ванда Нара:

View this post on Instagram

A post shared by Wanda nara (@wanda_nara)

Нара повеќе не е со Мауро Икарди, па фудбалерот затоа не е заедно со нив на Божиќ.

Ванда Нара открива: Претседател на клуб не сакаше да преговара зошто сум жена, морав…

Ристе Здравков — Wed, 16 Nov 2022 17:07:25 +0000

Екс-сопругата на Мауро Икарди, Ванда Нара говори за дискриминација на жените во светот на фудбалот, претседател на клуб не сакал да преговара со неа бидејќи е жена. Ванда Нара, која неодамна се раздели со Мауро Икарди, раскажа за своето искуство како агент на напаѓачот. „Пред неколку години, за да се потпише договор, морав да испратам машко како замена бидејќи претседателот на клубот одби да преговара со жена“ - раскажува Ванда Нара. Многумина ја обвинуваат за проблемите кои Мауро Икарди ги имаше во Интер и поради кои направи трансфер. „Мауро сам одлучи за трансферот, но да, најлесно е да се обвини жената, особено во опкружување во кое доминираат мажите како што е фудбалот“.

Мауро Икарди доби сериозна опомена поради Ванда: „Подобро да направиш нешто“

Ристе Здравков — Sat, 15 Oct 2022 08:58:54 +0000

Мауро Икарди со години е во центарот на вниманието на светските медиуми поради сопругата Ванда. Во 2013 година, аргентинскиот напаѓач ја киднапира атрактивната Аргентинка од својот соиграч Макси Лопез. Набрзо го започнале заедничкиот живот кој бил крунисан со брак. Поради неа, кариерата на Мауро Икарди тргна во сосема друга насока. Навистина, тој имаше забележителни сезони, особено во Интер, но имаше повеќе проблеми кои често ги предизвикуваше самата Ванда. Ваква ситуација во моментов има во турскиот Галатасарај. Икарди беше пречекан како крал, но на теренот не покажува речиси ништо и се повеќе се зборува за неговиот брак.

View this post on Instagram

A post shared by 𝕄𝔸𝕌ℝ𝕆 𝕀ℂ𝔸ℝ𝔻𝕀 (@mauroicardi)

На навивачите на истанбулскиот великан им е доста од вакви приказни. На 29-годишниот напаѓач јасно му порачаа дека подобро е да се посвети на теренот. “Доста е! Сакаме да зборуваме за вашите цели. Уморни сме да зборуваме за Ванда и проблемите. Подобро почнете да правите нешто на теренот”, порачаа навивачите на Галатасарај. Откако пристигна во Истанбул од ПСЖ, Икарди одигра само 28 минути за Галата и досега нема ефект. Да потсетиме, Икарди во претходните три сезони настапуваше за ПСЖ, а претходно како професионалец настапуваше за Интер и Сампдорија. Овој аргентински напаѓач младешките денови ги помина во Барселона, но во 2011 година реши да замине во Италија.

Турците биле шокирани од барањата на Ванда, но сепак, се и исполниле!

Ристе Здравков — Mon, 12 Sep 2022 19:17:46 +0000

Аргентинецот Мауро Икарди, до крајот на сезоната ќе игра на позајмица во Галатасарај, а неговата сопруга и воедно менаџер, Ванда Нара, на турскиот клуб му поставила шест услови кои морале да ги исполнат. Ванда прво побарала од Галатасарај приватен возач со кој Икарди и цело нивно семејство ќе бидат возани на било која локација 24 часа на ден, но и приватен кувар во нивниот дом. Нара побарала и постојано обезбедување кое ќе внимава на нив и нема да дозволи било какво напад во сопствениот дом. Но исто така, Нара побарала и платен хотел во кој ќе престојува до декември кога ќе се пресели трајно до крајот на сезоната. Турските медиуми тврдат дека челниците на Галата останале во шок поради ваквите барања на Ванда Нара, но сепак, повеќето и било исполнето. Икарди досега во кариерата настапуваше за младата екипа на Барселона, Сампдорија, Интер и ПСЖ. За репрезентацијата на Аргентина одигра 8 натпревари и постигна еден погодок.

Wanda Nara's demands for Icardi to join Galatasaray - including 24-hour driver https://t.co/sANdxpYeaD
— Sun Sport (@SunSport) September 11, 2022

Ванда Нара тропна на две врати и го понуди Мауро Икарди – се чека одговорот од клубовите

Ристе Здравков — Fri, 12 Aug 2022 07:27:28 +0000

Дваесет и девет годишниот напаѓач Мауро Икарди е отпишан од ПСЖ и се очекува да најде нов клуб до крајот на овој месец. Кристоф Галтие, новиот тренер на Париз, вчера изјави дека имал разговори со Икарди и му рекол дека повеќе не смета на него. За Икарди, кој одигра три сезони во ПСЖ и постигна 38 гола на 92 меча, нема многу време бидејќи треба што поскоро да открие во кој клуб ќе ја продолжи кариерата. На трансферот работи неговата сопруга и менаџер Ванда Нара. Поранешниот младински играч на Барселона и член на сениорите на Сампдорија и Интeр беше понуден на Манчестер Јунајтед и Галатасарај. Според вестите на TYC Sports, сопругата на Икарди смета дека овие два тима се доволно добри за Мауро. Галатасарај е атрактивен бидејќи се наоѓа во прекрасниот Истанбул и нуди страствено фудбалско искуства, додека на Манчестер Јунајтед му е потребен напаѓач како замена за Кристијано Роналдо и секако е познат клуб во кој секој би сакал да игра барем половина сезона.

ФОТО: Икарди се огласи демантирајќи ги проблемите со сопругата Ванда Нара и позира заедно со неа: „Неспособни и злонамерни луѓе се обидуваат да ме дискредитираат“

Ристе Здравков — Mon, 08 Aug 2022 09:04:21 +0000

Никогаш од фудбал не отсуствува поради лични причини, а проблеми лични – нема, ова е одговорот на Аргентинецот кој се налути на отровните зборови упатени до него, дека поради проблеми во бракот, отсуствувал од натрпеварот против Клермон. Преку социјалните мрежи, аргентинскиот фудбалер сакаше да ги демантира гласините за негово исклучување од триумфот на ПСЖ на мечот против Клермон во саботата вечерта од лични причини, токму поврзани со неговиот брак со Ванда Нара кој наводно е во тешка криза. Имено, медиумите се се погласни за развод кој е на пагот на фудбалерот и шоу-девојката. Сепак, овие гласини претставуваат уште еден предизвик за фудбалерот, гласини кои и во минатото честопати беа причина за проблеми, на овој пат тој реши да одговори соодветно преку социјалните мрежи: „Престанете да измислувате работи, одлуката да не ме повикаат беше чисто техничка. Не заминав поради лични проблеми бидејќи немам такви проблеми, и ги почитував сите тренинзи. Фудбалот продолжува да ми е приоритет и работа за која ме плаќаат. Она што нема да го толерирам е дека неспособни и злонамерни луѓе се обидуваат да ме дискредитираат. Заштедете време и пред да пишувате и да се скриете зад екран или весник, дознајте за реалноста. Ако денес одам на Ибица со семејството, тоа е затоа што во мојата работа ни дадоа слободни денови и секој ги поминува како сака и со кого сака, избирајќи ја својата судбина“, вели Икарди. Во меѓувреме, Икарди постираше фотографија од Ибица на која позира заедно со Ванда и така ги затнува устите на злонамерните луѓе.

Icardi posted a photo with Wanda from Ibiza and denied divorce rumors: “I have no personal problems”🤔#PSG #Icardi #Wanda pic.twitter.com/1NkZlFIyVo
— RatingBet (@rating_bet) August 8, 2022

Мауро Икарди брзо реагираше на веста дека Ванда го напушта

Ристе Здравков — Fri, 05 Aug 2022 18:13:25 +0000

Мауро Икарди и Ванда Нара повторно се во центарот на вниманието. Аргентинските медиуми објавија аудио снимка на која наводно Ванда Нара вели дека дошла во Буенос Аирес за да ги комплетира документите за развод со Мауро. Оваа снимка е објавена во шоуто Лос Анџелес де ла Манана. Наводно, на него е гласот на 35-годишна манекенка и таа вели: „Кармен, дојдов во Аргентина за да завршам сè за разводот со Маура. Моментално го организирам тоа. Ќе останев уште неколку дена ако не организирав сè за разводот. Не можам повеќе да издржам и Побарав развод“, се слуша на аудио снимката.

Filtran un audio en #Lam 👼 donde Wanda Nara confirma que se está divorciando de Mauro Icardi pic.twitter.com/mn6tIRPTX3
— Ptc Recargado Rating (@PtcRecargado) August 4, 2022

Откако се појави ова видео, реагираше Мауро Икарди. Тој на Инстаграм остави порака дека сето ова не е вистина. “Не знам за кого повеќе жалам. Оние кои измислуваат вакви работи за мојот живот или оние кои веруваат во нив”, напиша Икарди и со срце ја обележа сопругата. Ванда и Мауро се во брак од 2014 година. Тие имаат две деца, а таа има уште три деца од претходниот брак со Макси Лопез. Врската меѓу славниот пар дури минатата година беше на работ на прекин. Тогаш Мауро беше обвинет дека изневерил со Чајна Суарез, а Ванда извесен период го напушти домот во Париз со децата. Со специјална дозвола на клубот, Мауро замина во Милано да го спаси својот брак. Тој успеа во тоа и Ванда се врати во прегратките на 29-годишниот напаѓач на ПСЖ. Дали разводот навистина ќе се случи или ова е само уште една бомба од аргентинските медиуми, останува да видиме.