вандализам – Kurir.mk

Училиштата во Црна Гора наскоро ќе добијат помошници заради спречување вандализам

Ивона Петрова — Wed, 06 Sep 2023 06:40:17 +0000

Училиштата во Црна Гора наскоро ќе добијат помошници кои ќе му помогнат на персоналот во спречувањето на насилство и вандализaм. Како што е најавено во документот објавен на веб-страницата на Владата на Црна Гора, асистентите ќе се обучуваат на Полициската академија во Даниловград и обуката ќе трае 35 дена. Кандидатите треба да се пријават до 29 септември, за обуката која ќе започне на 2 октомври, а предвидено е на програмата да има 20 учесници.

Вандализам во Центар – Уништени обновените детски катчиња

Ристе Здравков — Sat, 17 Jun 2023 08:07:40 +0000

Градоначалникот на општина Центар Горан Герасимовски сподели фотографии од вандализмот врз обновените детски катчиња во оваа скопска општина. - Тажна е сликата да ги гледате реконструираните детски игралишта вандализирани. Некои од нив не издржаа здрави ниту една недела. Тажно и срамно е ова што се прави. Детските игралишта и урбаната опрема се јавно добро за нашите најмили. Со нивно уништување им се ускратува правото на игра на децата но се доведуваат и во опасност. За кршење и уништување на реквизитите на детските и спортски игралишта како следуваат парични казни, соопшти тој утрово на социјалните мрежи. Рече, како општина бараат поддршка од граѓаните. - Сите кои ќе затекнат вандализирање и уништување на урбаната опрема случајот да го пријават во општината за да се најдат сторителите и изречат казни.

Две жени и двајца мажи приведени за вандализмот врз македонскиот клуб во Благоевград

Ивана Ефремовски — Tue, 07 Feb 2023 18:47:15 +0000

Двајца мажи и две жени се приведени од полицијата во Благоевград во врска со вандалскиот чин врз македонскиот културен центар „Никола Вапцаров“. Тие, како што пишуваат бугарските медиуми, го признале делото за кое се товарат. Приведените, како што пренесуваат бугарските медиуми, се на околу 40 годишна возраст и немаат криминално досие. Стаклото на влезот на македонскиот културен клуб во Благоевград беше искршено со камења вечерта на 4 февруари. (МИА)

Стојкоски: Вандализамот врз детската градинка во Ѓорче е и невиден притисок и агресија врз учесниците во штрајкот

Ивона Петрова — Fri, 15 Apr 2022 11:40:50 +0000

Вандалски чин врз објект на детска градинка е забележан утринава во Ѓорче Петров. Сторителот или сторителите кои засега не се познати, со спрејови испишале графити со недолична содржина на ѕидовите од градинката Росица, клон Детелинка во Општина Ѓорче Петров. Испишаните пораки, според нивната содржина, се наменети за членовите на СОНК кои се во генерален штрајк. Градоначалникот Александар Стојкоски денеска излезе на лице место да види каква е фактичката состојбата. Истакна дека ова е досега невиден вандализам врз еден општествен објект. -Груба манифестација на незадоволство од непознат сторител во моментов. На овој начин се врши и невиден притисок и агресија врз самите негователи и воспитувачи кои се учесници во процесот на штрајк организиран од СОНК, што може да го видиме и на самиот објект. Го изразувам личниот револт и незадоволство од настанот, го осудувам и го повикувам МВР совесно и во многу брзо време да преземат дејствија против сторителот, изјави Стојкоски. Утринава од страна на полициски служби, по пријавата која била околу 7 часот, извршен е увид.

Стојкоски: Вандализиран објект на детската градинка Росица, МВР во најкус рок да ги пронајде сторителите

Ивона Петрова — Fri, 15 Apr 2022 07:54:30 +0000

Графити со недолична содржина насочени кон членовите на СОНК кои беќе петти ден се во генерален штрајк, утринава биле забележани на детска градинка во Општина Ѓорче Петров. Градоначалникот Александар Стојкоски информира дека случајот е пријавен во МВР и очекува брзо пронаоѓање на сторителите. -Досега невиден акт на вандализам.Вандализиран е објектот на детската градинка Росица, клон Детелинка, во УЗ Мирче Ацев. Пријавено е до надлежните институции и го повикувам Министерство за внатрешни работи во најбрз можен рок да ги пронајде сторителите и соодветно да ги санкционира, објави Стојкоски.

Искршени столчиња, ишарана фасада и остатоци од искршени стаклени шипиња: Библиотеката „Гоце Делчев“ во Штип мета на вандализам

Магдалена Андонова — Mon, 07 Feb 2022 17:12:25 +0000

Искршени столчиња, ишарана фасада и остатоци од искршени стаклени шипиња затекнеле утринава вработените пред штипската Библиотека „Гоце Делчев“. Триесттина столчиња на амфитеатарот пред библиотеката биле мета на вандалите кои ги искршиле и ги фрлиле во тревата, а дополнително ја ишарале и задната страна од фасадата. – Сведоци сме на еден вандалски чин, кој е извршен на вчерашен ден во амфитеатарот пред библиотеката „Гоце Делчев“ Штип. Искршени се триесетина столчиња и е уништена со пишување на графити фасадата на библиотеката. Целиот настан е пријавен во МВР и ќе се превземат соодветни мерки со цел казнување на сторителите, вели директорот на Библиотеката „Гоце Делчев“- Штип, Тодор Џидров. Тој исто така забележува дека не е прв пат овој простор да биде уништен од страна на вандали, а сега штетата се проценува на околу 30 илјади денари. Тој со апел до помладите да го зачуваат она што веќе е направено. На терен утринава беа и полициски случбеници од Полициската станица Штип кои извршија увид на местото на настанот.

Вандализирано ОУ „Димитар Македонски“ во населба Лисиче (ФОТО)

Магдалена Андонова — Mon, 08 Nov 2021 15:23:03 +0000

На Фејсбук профилот „Населба Лисиче“ денеска беа споделни фотографии од извршен вандализам низ целото основното училиште „Димитар Македонски“ кое се наоѓа во самата населба Лисиче. - Нацртани сатанистички звезди, ишрктано со боја по ѕидовите, подот и вратите и уште разни други вулгарности. Најостро го осудуваме ова срамно, безобразно и нецивилизирано однесување, пишува во Фејсбук објавата.

Ѕвездата на Доналд Трамп во Холивуд повторно вандализирана

Дарко Андоновски — Tue, 09 Jun 2020 08:50:27 +0000

Ѕвездата на американскиот претседател Доналд Трамп на Патеката на славните во Холивуд, беше вандализирана во протестите против расизмот и полициската бруталност во САД. Тоа се случило завчера, кога 50.000 луѓе протестираа во најпознатиот дел на Лос Анџелес. Обележјето било целосно покриено со црна боја, а одоколу се испишани пцовки и навреди на сметка на Трамп. Пред да стане политичар, Трамп беше бинисмен и имаше свое реално шоу, односно беше ТВ-ѕвезда. Неговата ѕвезда на Патеката на славните ja доби во 2007 година. Обележјето беше неколкупати вандализирано од политички неистомисленици.

Ковингтон ги повика американските демонстранти да се воздржат од вандализам

Тале Кристо — Thu, 04 Jun 2020 09:31:48 +0000

Кошаркарот на Хјустон, Роберт Ковингтон упати апел за воздржаност на протестите во САД за смртта на афроамериканецот Џорџ Флојд. – Сега минуваме во тешко време. Се собравме да го промениме општеството. Демонстрантите и бунтовниците се различни луѓе. Нема потреба да ги расипуваме нашите области, да се впуштаме во вандализам. Не сакаме да пренесеме таква порака. Само постојаното известување за состојбата ќе донесе промена. Ние мора да размислиме за идната генерација, напиша Ковингтон на социјалните мрежи. На 25 мај, полицаецот со светла боја на кожата Дерек Човин, го уапси 46-годишниот Флојд во Минеаполис, а потоа го притисна со коленото и го задуши. Флојд почина, што предизвика немири низ цела Америка. Многу познати лица дадоа поддршка на демонстрантите, вклучително и спортисти.

ВМРО-ДПМНЕ најостро го осудува вандализмот и хулиганството од страна на група граѓани во МНТ

Ивана Ефремовски — Mon, 25 Nov 2019 12:19:52 +0000

Целата македонска јавност е згрозена од синоќешниот вандализам и поганење на македонскиот народен театар, обвинува актерот Зоран Љутков. -Болно е за Заев и неговите соработници тоа што со секој изминат ден се повеќе се гледа нивната неспособност нешто да изградат, но недозволиво е заради тоа да сквернават се што некој друг пред нив изградил. ВМРО-ДПМНЕ најостро го осудува вандализмот и хулиганството од страна на група граѓани во МНТ. Снимката која излезе во јавноста, а од која се гледа како се оштетува имотот на МНТ е срамна и доказ дека со оваа власт е пробиено дното. МНТ е институција за одржување на театарски претстави и културни собири, а не сцена за дивеење на навивачки групи. Директорот на МНТ мора да одговори како можел да дозволи изнајмување на театарот на навивачка група, и по кој основ е издаден театарот, колку е платено за неговото издавање и руинирање, и дали воопшто е платено? Како може да се издава театарот само со јавување на телефон, па нели има правилник и процедура за тоа, и на крај кој ќе сноси одговорност и кој ќе ја плати штетата? И зошто никој од обезбедувањето не реагира кога поединци почнаа да дивеат и да се качуваат по седиштата, порача тој. Љутков прашува: До каде оди лудилото на оваа власт!? -Одговорност мора да има и од заменик министерот за култура, министерот за култура, националниот координатор за култура, како и советниците за култура на Зоран Заев. Со овие луѓе на чело, културата одамна е пропадната. На местото каде во петокот вечерта се дивееше големите имиња на македонскиот театар поминуваат часови, денови и месеци во проби и претстави. Творат и работат. Ова е потценување и понижување и на нивниот труд. МВР мора најбрзо да ги пронајде сторителите на вандалскиот чин и да ги казни согласно законот. Се друго ќе биде само потврда дека овој вандалски чин е свесно организиран. И за едно сте во право господине премиер, манифестацијата и не била баш културна, порачува Љутков.