ванеса брајант – Kurir.mk

Се огласи и сопругата на Коби, Ванеса имаше порака за Ѓоковиќ (ФОТО)

Ристе Здравков — Mon, 11 Sep 2023 06:55:21 +0000

Новак Ѓоковиќ својата 24-та Грен слем титулата одлучи да ја прослави во чест на легендарниот кошаркар, Коби Брајант. По завршување на финалето на УС Опен кое го доби со 3-0, тој облече маица на која стоеше „Мамба засекога“, а на неа беше испечатена нивна заедничка фотографија. Бројката 24 асоцира на Коби, кој во ЛА го носеше и овој број, а од синоќа асоцира и на Ноле, кој постави високи стандарди во светот на тенисот. По финалето на социјалните мрежи се огласи и сопругата на Коби, Венеса Брајант. Таа му ја честиташе победа на Ѓоковиќ и порача: „Честитки Новак, тој е тој мамба менталитет. Вистинскиот го препознава вистинското“.

Отштета тешка 16 милиони: Сопругата на Коби Брајант победи на суд во случајот со сликите од хеликоптерската несреќа

Ивона Петрова — Thu, 25 Aug 2022 06:41:25 +0000

Вдовицата на американската НБА-ѕвезда Коби Брајант, доби 16 милиони долари отштета поради протечените фотографии од телата на жртвите од хеликоптерската несреќа во 2020 година, во којашто покрај кошаркарот, погинаа и нивната 13-годишна ќерка Џијана и уште седум други лица. Ванеса Брајант го тужеше Округот Лос Анџелес за нарушување на приватноста, откако, според обвинението, канцеларијата на шерифот и противпожарната служба ги споделиле грозоморните слики. Крис Честер, чија сопруга Сара и ќерка им Пејтон исто така беа меѓу загинатите, доби отштета од 15 милиони долари. Ванеса Брајант поднесе тужба и против компанијата за изнајмување хеликоптери и наследниците на пилотот, кој исто така, загина во несреќата. Округот Лос Анџелес веќе се согласи да плати 2,5 милиони долари за сличен случај по тужба на семејствата на другите жртви на несреќата. Коби Брајант имаше 41 година кога загина во хеликоптерска несреќа во близина на Калабасас, Калифорнија, САД. Тој 20 години играше за Лос Анџелес Лејкерс и освои пет шампионски титули во НБА. Се пензионираше во 2016 година.

Официјално: 2.500.000 долари оштета за споделување фотографии од несреќата на Коби Брајант

Магдалена Андонова — Wed, 03 Nov 2021 13:39:14 +0000

Двете семејства, чии членови загинаа во хеликоптерска несреќа во која животот го загуби и познатиот американски кошаркар Коби Брајант, ќе добијат отштета од 2,5 милиони за незаконско споделување фотографии од местото на несреќата, пишува АП. Договорот за обештетување, објавен во вторник, на 2 ноември, не важи за вдовицата на кошаркарската ѕвезда, која поднесе тужба поради неовластено споделување фотографии. Коби, неговата ќерка Џана (13) и уште 7 лица загинаа во хеликоптерска несреќа на 26 јануари 2020 година, западно од Лос Анџелес. Единствените луѓе кои имаа право да го фотографираат местото на несреќата беа истражителите од Агенцијата за безбедност на транспортот (НТСБ) и форензичарите. Меѓутоа, полицијата и пожарникарите од округот Лос Анџелес ги снимиле сцените од несреќата, како и жртвите со своите мобилни телефони, а потоа ги споделиле со други луѓе. Поради тоа изби скандал, а семејствата на жртвите поднесоа тужба против локалните власти за незаконско споделување фотографии. Адвокатите кои го застапуваат округот Лос Анџелес во извештајот препорачале да се постигне договор со семејствата, за да се избегне продолжување на тужбата која и онака била „тешка“ со 1,3 милиони долари. Метју Маузер, која е сопруга на една од жртвите во страшната несреќа, треба да добие отштета од 1,25 милиони долари, како и Џеј Џеј и Алексис Алтобели кои во несреќата ги загубија родителите и сестрата. Судското рочиште иницирано од вдовицата на Коби, Ванеса Брајант, е закажано за февруари 2022 година. Градските адвокати решија да „возвратат“, па побараа психијатриско испитување на Ванеса Брајант. Тие сакаат да докажат дека Ванеса страдала од депресија и емоционален стрес поради загубата на сопругот и ќерката, а не поради протечените фотографии. Округот Лос Анџелес бара судски налог да ги објави медицинските досиеја како дел од својата одбрана. Тие наведуваат и дека Ванеса Брајант не може да настрада поради фотографиите од местото на несреќата кои никогаш не ги виделе, ниту пак некаде се објавени во јавноста. Адвокатите на Ванеса Брајант се разочарани од ова барање и наведуваат дека тоа ќе ја принуди вдовицата на Коби да се сеќава на се што се случило и дека дополнително ќе ја повреди.

По смртта на Коби Брајант, Ванеса им ја исполни оваа желба на децата – погледнете каде се наоѓаат

Ивана Ефремовски — Sun, 01 Aug 2021 20:54:50 +0000

Ванеса Брајант, вдовицата на кошаркарски великан Коби, е во Дубровник. Таа тоа го потврди со серија објави на Инстаграм од кои може да се види дека пристигнала во Дубровник во друштво на децата и семејството на шпанскиот кошаркар Пау Гасол. Гасол и Брајант беа долгогодишни соиграчи во Лос Анџелес Лејкерс и пријателството на нивните сопруги се протега од тој период. Брајант откри дека пристигнала во Дубровник за да ја исполни желбата на нејзината ќерка Наталија, на која таа и Коби и дозволиле да дојде во Хрватска на средношколско патување. Таа не беше во можност да го стори тоа затоа што патувањето беше откажано поради пандемија на коронавирусот, а Ванеса, додавајќи дека е прекрасно во Дубровник, откри дека со доаѓањето го поправила тоа. Коби Брајант, кои загинаа во хеликоптерска несреќа во јануари минатата година, и неговата сопруга Ванеса имаат четири ќерки. За жал, една од нив, 13-годишната Џиана, загина во хеликоптерска несреќа во која загина и Брајант.

Вдовицата на Коби и го честиташе роденденот на својата почината ќерка со потресна порака: „Би сакала да си со нас“ (ФОТО)

Магдалена Андонова — Sun, 02 May 2021 17:00:56 +0000

Вдовицата на кошаркарската легенда Коби Брајант, Ванеса Брајант, на својот Инстаграм и го честиташе роденденот на својата ќерка Џана, која почина со нејзиниот татко во страотен пад на хеликоптер во јануари 2020 година. Имено, Џана Брајант би го прославила својот 15-ти роденден, а нејзината мајка Ванеса објави емотивна посвета на својата втора ќерка, која беше миленичка на Коби. - Драга Џијана, среќен 15-ти роденден! Те сакам! Ми недостасуваш секој ден! Посакувам да бевте тука со нас. Нема зборови со кои можам да опишам колку ми недостигаш. Те сакам Мамбасита! - напиша Ванеса со заедничка фотографија со нејзината покојна ќерка. Вдовицата на Коби со денови пред нејзиниот роденден на својот Инстаграм објави колекција на тренерки што и ги посвети на неа и на кои е напишан нејзиниот прекар Мамбасита, кои ги доби по нејзиниот татко, кој беше наречен Црна Мамба. Џиана беше средно дете на починатиот кошаркар и неговата вдовица, а заедно ги имаа и ќерките Наталија Дијаманте (18), Бијанка Бела (4) и Капри Коби (1).

Ванеса Брајант ги пронајде полицајците кои се фотографирале со мртвото тело на Коби – јавно ги објави нивните имиња и покрена тужба (ФОТО)

Магдалена Андонова — Thu, 18 Mar 2021 10:56:30 +0000

Ванеса Брајант, сопругата на трагично загинатата легенда на кошарката Коби, покрена тужба против четворица полицајци кои се сликале и понатаму разменувале фотографии од остатоците на асот на Лејкерс. Вдовицата на Коби Брајант, кој загина во хеликоптерска несреќа со нивната 13-годишна ќерка Џијана и седум други членови на екипажот пред нешто повеќе од една година, покрена тужба против округот Лос Анџелес. Шерифското одделение на овој град, противпожарната служба, се во центарот на напади, а особено одговорни ќе бидат четворица полицајци, кои се обвинети за нарушување на приватноста и небрежноста откако направиле и споделиле фотографии и снимки на мртви деца, родители и тренери. Таа бара и компензација за душевната болка, а во тужбата што ја објави на својот профил на Инстаграм се наведени имињата на четворица полицајци кои се обвинети дека учествувале во фотографирање на жртвите. Ванеса изнесе вознемирувачки детали за тоа како го повикала шерифот Алекс Вилануева по несреќата. Таа му рекла дека се плаши дека местото на несреќата не е заштитено од фотографирање, тој и тврдел дека полициските службеници го обезбедиле местото. Бизарна работа е што луѓето кои биле испратени да го заштитат местото од фотографирање на остатоците на Коби, неговата ќерка, како и другите членови на екипажот, го прекршиле нивниот авторитет и ги фотографирале остатоците со нивните приватни телефони. Тие фотографии не биле за целите на истрагата за несреќата, се сомнева дека се направени помеѓу 25 и 100 фотографии. Најмалку десет полицајци добиле фотографии во рок од 48 часа. Прво се дозна сè во еден бар, полицијата се фалела со „материјалот“, а безбедносните камери ги снимиле моментите кога овие материјали беа зумирани на телефон. Еден келнер тоа го разгласил, а сопственикот на локалот го пријавил случајот кај шерифот, па така и била покренета истрагата.

Ванеса Брајант ги објави сите детали преку дури 12 објави на Инстаграм, а особено погодни ќе бидат Рафаел Мехија, Џои Круз, Раул Версалес и Мајкл Расел.

Ги загуби сопругот и ќерката, а насмевката на лицето ја врати многу брзо- сопругата на Коби Брајант оваа причина не ја крие од светот (ФОТО)

Дарко Андоновски — Tue, 26 Jan 2021 10:47:22 +0000

Пред точно една година, животот го загуби легендарниот кошаркар на Лос Анџелес лејкерс, Коби Брајант, неговата 13-годишна ќерка Џиана и уште седум други лица кои беа во личниот хеликоптер на кошаркарот. Сите загинаа на местото на несреќата, вклучувајќи го и пилотот.

Трагедијата се случи во Калабасас, Калифорнија. Точните причини за падот во моментов не се познати, бидејќи во хеликоптерот немало „црни кутии“.

Неговата најголема поддршка и сопруга Ванеса Брајант речиси „добро“ се држи поради останатите ќерки кои и се мотив за живот.

Таа на својот Инстаграм профил често е активна и споделува како се вратила во „нормалниот“ живот само поради децата.

Насмевката на нејзиното лице е неизбежен дел од фотографиите, погледнете.

Коби играше за Лејкерси од 1996 до 2016 година, пет пати стана НБА шампион, двапати ја освои титулата најкорисен (МВП) играч во финалната плејоф серија и беше прогласен за МВП во регуларниот дел од сезоната.

ФОТО: „Секогаш заедно, засекогаш во нашите срца“ – Ванеса Брајант со трогателно сеќавање на последниот Божиќ со Коби и Џиана

Магдалена Андонова — Sat, 26 Dec 2020 10:47:28 +0000

Ванеса Брајант сподели трогателно враќање на Божиќ со нејзиниот покоен сопруг Коби Брајант и ќерката Џиана Брајант, кои и двајцата трагично загинаа во хеликоптерска несреќа оваа година на 26 јануари во Калифорнија. „Секогаш заедно, … засекогаш во нашите срца“, напиша 38-годишната Ванеса заедно со емоџи со срце за сликата – што ќе беше нивниот последен Божиќ заедно како семејство. Во црно-белиот семеен портрет се и ќерките Наталија (17), Бјанка и едногодишната Капри, кои позираат покрај новогодишната елка.

Семејна кавга околу наследството на Коби Брајант – мајката на Ванеса претерала

Ивана Ефремовски — Sat, 19 Dec 2020 09:48:23 +0000

Ванеса Брајант, вдовицата на легендарниот НБА кошаркар Коби Брајант, жестоко ја критикуваше својата мајка, откако таа поведе судска постапка во обид да добие дел од семејното наследство, проценето на околу 600 милиони долари. Во тужбата што на 48 страници ја поднесе до судот во Лос Анџелес, шеесетиосумгодишната Софија Урбиета Лејн бара финансиски надомест за својот долгогодишен ангажман како помошничка во домот на Брајант и грижата околу нивните деца, тврдејќи дека кошаркарот и ветил доживотно издржување -За жал, ветувањето на Коби Брајант никогаш не го дочека светлото на денот, бидејќи тој почина, а Ванеса Брајант ги презеде сите чекори да ги избегне и поништи неговите ветувања, се наведува во тужбата поднесена од Лејн. Отфрлајќи ја тужбата како неоснована и полна со лаги, нејзината ќерка издаде соопштение во кое наведува дека заедно со својот сопруг и дозволиле бесплатно да живее во една од нивните куќи и, притоа, не ја обесхрабрувале самата да се грижи за себе, пренесе весникот „Лос Анџелес Тајмс“. -Беше баба, која на мое барање ја издржувавме јас и нејзиниот зет. Таа сега сака да ми наплати 96 долари на час, за 12-часовна работа на ден, во период од 18 години за грижа околу своите внуки. Вистината е дека таа само повремено ги чуваше моите постари ќерки, додека беа бебиња, наведе Ванеса Брајант. Нејзиниот сопруг Коби Брајант и 13-годишната ќерка, загинаа во авионска несреќа на 26 јануари оваа година, заедно со уште седум други патници. Финансиските експерти проценија дека Ванеса Брајант го наследила управувањето со семејниот имот проценет на околу 600 милиони долари. (МИА)

ФОТО: Сопругата на Коби Брајант ја тужи полицијата поради овие фотографии

Ивона Петрова — Wed, 23 Sep 2020 06:30:28 +0000

Вдовицата на легендарниот НБА кошаркар Коби Брајант, Ванеса, поднела тужба против одделението на шерифот во Лос Анџелес и шерифот Алекс Вилануеве поради недозволено објавување на фотографии од местото на хеликоперската несреќа во која животот го загубија кошаркарот, нивната 13- годишна ќерка Џиана и уште седум лица. Како што пренесуваат американските медиуми, тужбата е поради нанесена душевна болка, мешање во приватноста и невнимание, а е поднесена во четвртокот пред судот во Калифорнија. По хеликоптерската несреќа која се случи на 26 јануари се појавија информации дека осум припадници на полициското одделение во Лос Анџелес се обвинети дека делеле фотографии од местото на несреќата, а дека еден од нив се фалел со фотографиите. Медиумите пренесуваат дека на полицајците им било наредено да ги избришат фотографиите, но официјална истрага не е покрената. Во тужбата на Ванеса се наведува дека канцеларијата на шерифот настојувала да прикрие недозволени постапки на своите вработени, но се изразува и сомнеж дека фотографии од местото на несреќата се уште постојат.