Ванг Венбин – Kurir.mk

Ванг: САД ќе имаат претставник на средбата во Кина за Авганистан

Тале Кристо — Tue, 29 Mar 2022 09:15:12 +0000

САД ќе имаат свој претставник на средбата на министрите за надворешни работи на соседните земји на Авганистан, што ќе се одржи утре и в четврток во Кина, изјави портпаролот на кинеското Министерство за надворешни работи, Ванг Венбин. Пакистан, Иран, Русија, Таџикистан, Туркменистан, како и Узбекистан, ќе имаат свои претставници на средбата. Како што е најавено, средбата ќе се одржи во Тункси во централната кинеска провинција Анхуи, а ќе претседава кинескиот министер за надворешни работи Ванг Ји.

Пекинг му порача на Бајден: Не се обидувајте да не тестирате, Тајван е дел од Кина

Ивана Ефремовски — Fri, 22 Oct 2021 17:32:26 +0000

Тајван е нераскинлив дел од Кина, странска интервенција е неприфатлива кога е Тајван во прашање, порача Кина по изјавата на претседателот на САД, Џо Бајден.Кинеските власти денеска упатија критика и одговорија на изјавата на американскиот претседател, кој рече дека САД ќе го бранат Тајван доколку е потребно во случај на негов конфликт со Кина. Портпаролот на кинеското Министерство за надворешни работи, Ванг Венбин ги коментираше изјавите на Бајден од вчерашниот форум на Си-Ен-Ен. -Тајван е нераскинлив дел од Кина. Странска интервенција е неприфатлива кога станува збор за Тајван, рече Ванг. Тој, исто така, нагласи дека Кина одлучно ги брани своите интереси и нема да отстапи од нив. -Никој да не се обидува да ја тестира решителноста и капацитетот на Кина да го брани својот суверенитет и територијален интегритет, истакна Ванг. Тој ги повика САД да го почитуваат принципот на интегритет на Кина и да не им даваат погрешни сигнали на сепаратистичките кругови во Тајван. (МИА)

Ванг: Изјавата на Блинкен за Тиенанмен е мешање во внатрешните работи на Кина

Ивана Ефремовски — Fri, 04 Jun 2021 09:47:14 +0000

Портпаролот на кинеското Министерство за надворешни работи, Ванг Венбин, денеска како „мешање во внатрешните работи“ ги оцени коментарите на американскиот државен секретар Ентони Блинкен на годишнината од масакрот на плоштад Тиенанмен. -Изјавата на Бликен претставува мешање во внатрешните работи на Кина, рече Ванг на редовната прес-конференција. „На 4 јуни е 32-годишнината од крвавото задушување на протестите од Народна Република Кина на плоштадот Тиенанмен, кога беа убиени илјадници демонстранти кои само повикаа на почитување на нивните права и слободи. Човековите права се универзални и сите влади мораат да ги штитат и унапредуваат“, соопшти државниот секретар Бликен на Твитер. Денеска се одбележува 32-годишнината од насилното задушување на масовните продемократски протести на плоштадот Тиенанмен во Пекинг, кои со крв ги задуши кинеската војска, при што загинаа неколку стотици луѓе. Децении по бруталното сузбивање на протестите од страна на семејствата на жртвите, од лидерите на земјата се уште се бара да ја признаат вистината за масакрот. Роднините на жртвите, организирани во мрежата „Мајките на Тиенанмен“ во денеска објавеното отворено писмо бараат „вистина, компензација и одговорност“ за настанот. „Триесет и две години подоцна, се уште не гледаме официјални обиди да се откријат информации за крвопролевањето, а убиствата во јуни 1989 година остануваат табу за владата“, наведуваат во писмото. (МИА)