вар технологија – Kurir.mk

Прекршени правилата, ФИФА мора да го промени резултатот од еден натпревар: Како се ќе се одрази на СП?

Дарко Андоновски — Thu, 01 Dec 2022 19:33:43 +0000

Колку и да се обидува да го спречи тоа, изгледа невозможно. Дури и на Мундијалот во Катар многу се зборува за судењето, а јасно е дека ФИФА не може ништо да направи околу тоа, што секако е предизвикано од некои нелогични судиски грешки. ВАР-технологијата е многу често во употреба за време на Светското првенство, кое доживеа голем број контроверзни одлуки. Еден од нив може да доведе до целосна промена на резултатите на веќе одиграниот натпревар. Имено, Франција реши да поднесе жалба до ФИФА за поништениот гол на Антоан Гризман во судискиото продолжение на натпреварот против Тунис по одлуката на ВАР технологијата. Судијата Метју Конгер беше повикан да го гледа голот на монитор покрај теренот додека тој и тимот на ВАР утврдуваа дали тунискиот дефанзивец Монтасар Талби играл „намерно“ кога ја упати топката на патеката на Гризман. Гризман беше во офсајд кога Аурелиен Чуамени испрати центаршут, по што голот на напаѓачот на Атлетико Мадрид беше поништен. Сепак, правилата на фудбалската игра беа прекршени не поради поништен гол, туку поради прекршокот на Усдија Конгер, бидејќи по примениот гол, тој им даде знак на Тунижаните да тргнат од центарот, а потоа трипати свиреше до заврши натпреварот, а дури потоа отиде да го гледа ВАР мониторот. Имено, правилата велат дека доколку натпреварот продолжи, судијата повеќе не може да оди да го гледа ВАР, освен ако исклучи погрешен играч или не досуди потенцијален фаул што може да резултира со црвен картон. Ако судијата веднаш означеше крајот, тогаш немаше да има грешки, но погреши со тоа што даде сигнал дека играта може да продолжи. Токму поради оваа причина Французите решија да поднесат жалба, па се надеваат дека голот на Гризман ќе биде признаен и мечот ќе заврши со резултат 1:1. Овој резултат нема премногу да ја промени ситуацијата во групата Д каде според досега признатите резултати Франција продолжи како прва, а втора Австрија со шест бода. Во случај на промена на резултатите од мечот меѓу Франција и Тунис и со регистрирање на резултат 1:1, тогаш Франција би имала 7 бода, Австралија 6, Тунис 2, а Данска бод.

ВИДЕО: Снимка од Катар стана вирална на ТикТок, навивач ја покажа својата ВАР технологија

Ивона Петрова — Tue, 29 Nov 2022 07:58:42 +0000

Снимка од навивач кој со помош на двоглед и телефон го следи натпреварот меѓу Бразил и Србија стана хит на социјалните мрежи. За подобро да може да види што се случува на теренот, тој ја вклучува камерата од телефонот пред кој е поставен двогледот. -Дозволете да ви го претставам вистинскиот ВАР, стои во описот на видеото кое стана вирално на ТикТок.

@cristina_balles Let me introduce you the REAL VAR #fyp #foryou #var #worldcup2022 #qatar #qatar2022 #doha #viral ♬ Gangsta's Paradise (feat. L.V.) - Coolio

Од идната недела ВАР технологија и во шкотскиот фудбал

Ивона Петрова — Fri, 14 Oct 2022 08:16:05 +0000

Од идната недела конечно и во шкотскиот фудбал ќе почне да се применува ВАР технологијата, објави Фудбалската федерација на Шкотска (СФА). На сите 12 стадиони во шкотската Премиерлига е инсталирана ВАР технологија, а првиот натпревар на која ќе биде користена ќе биде дуелот меѓу Хибернијан и Сент Џонсон на 21 овој месец. Покрај премиерлигашките натпревари, ВАР ќе се користи и во полуфиналните и финалните натпревари во шкотскиот Куп и Лига купот. „Речиси три години работевме да дојдеме до оваа фаза. Технологијата ја тестиравме на сите стадиони и целосно сме подготвени“, изјави шефот на судиската организација во СФА, Крафорд Елан.

Во Скопје ќе има ВАР за дуелите со Ерманија и Романија

Бошко Тасиќ — Sun, 29 Aug 2021 14:52:55 +0000

Според одлуката на Извршниот комитет на УЕФА, ВАР системот ќе се користи од четвртото коло во квалификацискиот циклус за пласман на СП 2022 на сите натпревари од европските квалификации. Тоа значи дека на следните три квалификациски меча на Македонија во септемврискиот циклус ќе има и ВАР. Во Скопје веќе в понеделник доаѓа компанијата која ќе го инсталира системот на Националната Арена и кој ќе се користи на дуелите со Ерменија (2 септември) и против Романија (8 септември). ВАР секако ќе има и на мечот со Исланѓаните кој го играме во Рејкјавик на 5 септември.

Премиер лигата донесе клучни промени во врска со ВАР

Дарко Андоновски — Thu, 10 Sep 2020 14:10:08 +0000

По првата година во која англиската Премиер лига го користеше системот за видео реприза ВАР, англиската фудбалска лига ги одобри предложените подобрувања во пресудите во новата сезона, предложени од ФИФА. Водечкото фудбалско тело е посветено на целата организација околу системот за новата сезона и со цел да ги обедини параметрите на сите шампионати, а Премиер лигата официјално објави со какви разлики ќе се спореди во однос на минатата сезона. Најголемата разлика е во тоа што главниот судија нема целосно да им верува на судиите во ВАР просторијата, како што беше порано, но ќе може почесто да гледа повторувања на клучни ситуации. Досега, ова беше ретко користена практика, со неколку случаи во кои судиите на Островот ја разгледуваа ситуацијата. Друга голема иновација е однесувањето на голманите и играчите при пенали. Еве ги најважните промени поврзани со ВАР: – Главниот судија ќе има повеќе можности да ги разгледува контроверзните ситуации на натпреварот. Тие се во три области на играта – голови, црвени картони и пенал. – Ќе иманула толеранцијата на голманите кои прават чекор напред при изведувањето на пенал. Отсега натаму, ако дури и едната нога на голманот биде пред гол-линијата, пеналот ќе биде повторен. Единствен исклучок се случаите во кои изведувачот шутира во гредата или во аут, а судијата смета дека движењето на голманот напред не му наштетило на самиот перформанс. – И играчите во напад ќе мора да бидат повнимателни кога изведуваат пенал. Доколку играч кој не изведе 11-метарски удар од пенал, влезе во казнениот простор пред ударот, ова ќе се смета за прекршок од судијата и ситуацијата ќе биде предмет на разгледување. – Има сериозна промена кај страничните судии. Отсега натаму, со сериозна можност за гол и сомневања во офсајд, судиите нема да го креваат знамето сè додека не заврши ситуацијата. Едвај по завршувањето на ситуацијата (успешна или неуспешна) судијата ќе го подигне своето знаме ако смета дека е соодветно, а ситуацијата ќе биде разгледана од ВАР. – Дали играчот е во офсајд или не, ќе се утврди со 3Д систем со црвени и сини линии. Ако линијата е сина, напаѓачот не е во офсајд. Ако линијата е црвена, тоа ќе значи дека играчот е во позиција „офсајд“. Овој систем ќе биде достапен за ТВ-емисии, така што фановите можат детално да видат што се случува во дадена ситуација.

ВАР нема да се користи во натпреварите од групната фаза од Лигата на Европа следната сезона

Ивона Петрова — Fri, 10 Jul 2020 06:59:27 +0000

ВАР технологијата нема да се користи во натпреварите од групната фаза од Лигата на Европа следната сезона, соопштија од УЕФА. Според нив, таквата одлука е донесена поради неизвесности поврзана со моменталната состојба, но видео-технологијата ќе се користи на крајот на тековната сезона, како и во натпреварите од нокаут фазата на ова натпреварување следната сезона.

Мурињо незадоволен од ВАР

Ивона Петрова — Sat, 20 Jun 2020 08:13:44 +0000

Жозе Мурињо не беше задоволен од ВАР по ремито синоќа на Тотенхем против Манчестер Јунајтед. Португалецот е незадоволен од ситуациите по двата пенали за противникот. Првиот беше потврден откако Ерик Даер го сруши Пол Погба, а вториот беше откажан поради падот на Бруно Фернандеш. – Не сум задоволен од двата пенали. Јас сум многу незадоволен од ВАР. Судијата може да погреши и да досуди пенал. После тоа, сепак, ВАР мора да ја заврши својата работа. Пред вториот пенал имаше фаул над Орие, за кој не се донесе одлука. Сепак, откако беше досуден пеналот, ВАР интервенираше правилно, рече Мурињо. Од почетокот на минатата сезона Јунајтед доби 23 пенали, 9 повеќе од следниот во овој ранг, а според Специјалниот тимот бил подготвен за ова. – Знаеме дека тие имаат неверојатен рекорд во однос на пенали оваа година и бевме свесни дека сè во шеснаесетникот ќе биде опасно за нас. Затоа моравме да бидеме многу внимателни. Во втората ситуација, јас сум многу разочаран што нивниот играч не доби жолт картон за симулација. Јас сум незадоволен од ВАР, но таква е ситуацијата, додаде Жозе.

Англичаните масовно потпишуваат петиција против ВАР технологијата

Дарко Андоновски — Mon, 30 Dec 2019 14:40:07 +0000

После серијата спорни ситуации кога беа поништени голови поради милиметарски офсајд или признат гол иако требало да биде поништен, во Англија навивачите почнаа да потпишуваат петиција за укинување на видео-технологијата. Популарниот ВАР беше воведен за да се подобри регуларноста и да нема случки кои директно ќе влијаат на резултатот, но искуството покажува дека и со ВАР се прават грешки, а се губи и течноста во играта. Веќе никој не може да се радува веднаш после постигнат гол, бидејќи тој гол може да биде поништен поради офсајд. Англиската Премиерлига последна од големите воведе ВАР, па затоа таму и отпорот е најголем. По стадионите се пеат песни против ВАР и дека „ова веќе не е фудбал“.

Сари: Не ми се допаѓа ВАР

Дарко Андоновски — Fri, 01 Nov 2019 18:21:31 +0000

Тренерот на Јувентус, Маурицио Сари, во пресрет на градското дерби против Торино, изјави дека овие дуели се поважни за „биковите“, отколку за „старата дама“, но тоа не значи дека не сакаат да победат, и да покажат кој е главен во градот. Главма тема во фудбалска Италија во последната недела се спорните судиски одлуки и примената на ВАР технологијата. Сари смета дека со видео-технологијата, го нема очекуваното подобрување во одредени сегменти. – Ми се допаѓа кога судиите делат правда на терен. Но, правилата си се правила, треба да се почитуваат, иако некои не се прифатливи, како регулацијата за играње со рака и кога е пенал, а кога не. ВАР е тука за микроскопски грешки, но јас сум против ако снимка се гледа три до четирипати во текот на еден натпревар, истакна Сари. ј

Новата сезона во Премиер лигата со ВАР и нови правила

Дарко Андоновски — Sat, 15 Jun 2019 19:40:56 +0000

Следната сезона на најатрактивното национално фудбалско првенство, Премиер лигата, ќе биде историско за Англија бидејќи се воведуваат големи промени во правилата на игра.

Според новото правило за игра со рака, доколку играчот намерно ја допре топката со рака неговата екипа ќе биде казнета, но ќе се досуди и фаул против екипата која преку намерно играње со рака ќе создаде прилика или постигне гол. Исто така, доколку играчот ги дигне рацете над висината на рамињата ќе биде санкционирано, како и во случај кога преку ширење на рацете „го прават телото поголемо“. Прекршок нема да има доколку топката удри на дланката од непосредна близина, доколку раката прилепена за телото или доколку се држи за неа додека паѓа.

Што се однесува до измените, со новите правила, тие треба да се извршат во местото кое им е најблиска од аут-линија од каде ќе излегуваат од теренот, а не од центарот. На тој начин се скратува далечината која играчите треба да ја поминат за да го напуштат теренот, а со тоа и се спречува задржување на времето при измените.

Новото правило за изведувањето на пеналите гласи: топката е во игра од моментот кога е шутирана. Противничките фудбалери можат да останата во казнениот простор и да ја пресретнат топката.

Што се однесува до жолтите и црвените картони, доколку противничката екипа има добро прилика за постигнување гол, иако судијата се уште не го покажал жолтиот или црвениот картон, играта може да продолжи до завршувањето на акцијата, а потоа може да се покаже картонот.

Кога се работи за спорна топка, новото правило вели дека играчот кој последен играл со топката, ќе ја поседува истата, со цел да се избегнат груби соочувања кога топката е спорна.

Што се однесува до ВАР-от, со новите правила тој ќе ги решава дилемите во однос на головите, пеналите и црвените картони. Секој судија ќе има свој видео-асистент во собите во Стоуклеј парк, седиштето на судиите на Премиер лигата, кои ќе ги советуваат главните судиите, кои ќе можат да ги прегледаат сомнителните ситуации на екраните на теренот.