ВАР – Kurir.mk

Поништен пенал за симулацијата на Миовски (ВИДЕО)

Ристе Здравков — Thu, 23 Mar 2023 21:15:42 +0000

Фудбалската репрезентација на Македонија се мачи против Малта во првиот натпревар од квалификациите за Европското првенство. По првиот дел немаше погодоци на арената „Тодор Проески“, додека со слично темпо се тргна и во продолжението. По еден час игра избраниците на Благоја Милевски го имаа првиот шут во рамките на голот преку Ељиф Елмас. Голманот Бонело одбрани, одбиената топка се одби на пеналтикот, а таму ја прими Бојан Миовски и го натера судијата Кристо Тохвер да покаже на 11 метри. Видеото погледнете го ТУКА Сепак, тој доби повик од ВАР собата и очекувано ја промени одлуката, дополнително и му даде жолт картон на Миовски за симулација.

Судијата што го уништи Арсенал заборавајќи на ВАР-линиите си поднесе оставка

Бошко Тасиќ — Sat, 18 Feb 2023 04:56:19 +0000

Ли Мејсон повеќе нема да биде ВАР-судија во Премиер-лигата откако си поднесе оставка од оваа функција по катастрофалната грешка што ја направи на последниот дуел меѓу Арсенал и Брентфорд. Гостите стигнаа до гол за израмнување преку Тони, но Мејсон напави огромен превид не исцртувајќи ги линиите за офсајд, со кои јасно ќе се видеше дека асистентот на голот, Кристијан Норгард, се наоѓа во недозволена позиција. Артета беше бесен, комисијата за судење упати јавно извинување до „топчиите“, но целиот случај доби целосна разврска со оставката што денеска си ја поднесе Ли Мејсон. Тој цели 15 години беше главен судија на натпревари во Премиер-лигата, а во 2020/21 реши да се псовети само на ВАР-арбитража.

Судиите ќе ги објаснуваат одлуките на ВАР системот

Бошко Тасиќ — Fri, 20 Jan 2023 05:46:39 +0000

На престојното клупско светско првенство во Мароко, судиите на публиката ќе ги објаснуваат причоните за донесената одлука до која дошле со помош на ВАР системот. Една од големите фрустрации околу ВАР, особено меѓу навивачите, беше недостатокот на комуникација околу одлуката, односно не беше објаснето зошто некој гол е поништен или признат. Затоа агенцијата за промена на фудбалските правила, на денешниот состанок одобрил пробен систен во текот на кој арбитрите јавно на навивачите ќе им објаснуваат за донесени одлуки. Извршниот директор на ФА на Англија, Марк Булингем појасни дека комуникацијата меѓу судиите на теренот и на оние во ВАР собата ќе останат тајна, но одлуката ќе биде пренесена на публиката во текот на натпреварите. Ако пробниот период биде успешен, тогаш истото може да се прифати и на другите натпревари на ФИФА.

Светот се прашува зошто постои ВАР: Мароко оштетен за очигледен пенал!? (ВИДЕО)

Ристе Здравков — Thu, 15 Dec 2022 08:23:41 +0000

Франција се пласираше во финалето на Мундијалот во Катар по триумфот од 2-0 против Мароко во полуфиналето на шампионатот. Заслужено „петлите“ ќе играат во финалето, но факт е и дека нештата можеа да бидат многу поразлични во синоќешната полуфинална пресметка ако беше досуден очигледен пенал за Мароко во првото полувреме при водство од 1-0 за Французите. Контроверзна ситуација се случи во 27. минута кога Мароканецот Софиане Буфал беше очигледно соборен во шеснаесетникот од Тео Хернандез. Зачудувачки, мексиканскиот судија Артуро Рамос означи прекршок на Мароканецот и му додели жолт картон. А, ситуацијата во најмала рака е и тоа како сомнителна. Хернандез со левата нога ја оттурна топката, но потоа загуби контрола и очигледно го собори противничкиот играч. Но, уште позачудувачки е зошто воопшто не се огласи ВАР-собата, затоа што јасно е дека Хернандез загуби контрола. Фудбалскиот свет остана зачуден од таа ситуација, пред се во прашалник „каде е и зошто постои ВАР, затоа што факт е дека Хернандез загуби контрола над топката но и над себе втурнувајќи се во противничкиот играч!?“.

How was that a yellow card for Morocco’s and not a Penalty?? #FRAMAR pic.twitter.com/fiBizZtq8Z
— Mark (@1979ballboy) December 14, 2022

ВИДЕО: За нештата да бидат појасни: Немаше никаков „криминал“ во Катар: Еве зошто беше поништен првиот гол на Валенсија

Ристе Здравков — Sun, 20 Nov 2022 17:43:16 +0000

Како е можно да беше офсајд на дуелот меѓу Катар и Еквадор, многумина се уште се прашуваат. Не се работи за „туркање“ на домаќинот, само откако се погледна ВАР технологијата е донесена вистинската одлука. Да ја разјасниме ситуацијата. Еквадор имаше шанса и Естрада беше во офсајд, а не Валенсија. Тоа беше Естрада (играчот број 11) кој удри со глава непосредно пред ударот со ножички, а потоа и голот на Валенсија. Во моментот кога беше испратена топката (пред да упати со глава) Естрада БЕШЕ во офсајд, бидејќи десната нога му беше најблиску до последниот играч на Катар (овој пат не е голманот, туку играчот кој практично ја презема голманската функција , како правило). Значи, никогаш не е потешко, но јасно е, беше офсајд…

This is how the first offside was justified, which makes it make a little more sense to be fair. pic.twitter.com/hhjVrs05lo
— Umir (@umirf1) November 20, 2022

Инаку, на полувреме Еквадор води со 2:0 со двата гола на одличниот Енер Валенсија.

Пак ВАР контроверзи во Англија! На Арсенал им беше поништен гол на „Олд Трафорд“

Ристе Здравков — Sun, 04 Sep 2022 16:07:01 +0000

Викендов не е најдобар за ВАР судиите во англиската Премиерлига, откако во неделата повторно беше поништен еден гол по реакција на судиите кои ги прегледуваата снимките. Арсенал успеа да дојде до водство на „Олд Трафорд“ во дербито против Манчестер со голот на Мартинели, но судијата Пол Тирни по совет на ВАР судиите реши да го поништи поради претходниот фаул над Кристијан Ериксен од страна на Мартин Одегард. Ова доаѓа откако вчера им беа контроверзно поништени головите на Вест хем и на Њукасл.

VAR operated by Manchester United @Arsenal @AFTVMedia pic.twitter.com/oS0eN3yAkF
— JRI (@IVESJON) September 4, 2022

Во Милан бесни на ВАР

Бошко Тасиќ — Sat, 26 Feb 2022 08:39:23 +0000

Милан го забележа и третото реми во последните пет средби откако на домашен терен одигра 1-1 против Удинезе во 27. коло од италијанското првенство. „Црвено-црните“ поведоа во 29. минута преку Леао, додека изедначувањето го донесе Удоци во 66. минута. По натпреварот раководството на Милан изрази големо незадовоство од делењето на правдата. Според Паоло Малдини при голот на гостите имало игра со рака која арбитрите морале да ја корегираат со ВАР.

„ВАР е тука за да не се сомневаме. Ова не е начин на кој треба да се користи, а не е ниту прв пат. Јасно е дека имаше игра со рака. Милан е на врвот на табелата и не може постојано да му судат дебитанти. За жал, арбитрите прават многу грешки, а ние го губиме трпението“, вели легендата на Милан.

И покрај поразот „росонерите“ остануваат на првата позиција на табелата со 57 освоени бода, два повеќе од Интер кој има и натпревар помалку.

ВИДЕО: Веројатно најмалиот офсајд во историјата на фудбалот

Ристе Здравков — Tue, 07 Dec 2021 13:01:52 +0000

ВАР технологијата во понеделникот ги намачи играчите и навивачите на Евертон во премиерлигашката победа над Арсенал (2:1). На „карамелите“ двапати им беше поништен гол поради офсајд после реакцијата од ВАР собата. Во центарот на вниманието се најде бразилскиот интернационалец Ришарлисон, на кој во една од тие две ситуации, му беше поништен гол бидејќи неговото стапало му беше неколку милиметри поблиску до голот на Арсенал од стапалото на дефанзивецот на „топџиите“, Габриел. Нема сомнение дека ова беше еден од најмалите офсајди во историјата на фудбалот. Ришарлисон сепак имаше „трета среќа“, му беше признат третиот гол на мечот со кој го израмни резултатот на „Гудисон“, каде Евертон на крајот направи пресврт во судиското надополнување. Фото: EPA-EFE/PETER POWELL

Наполи ги сака ВАР фајловите од мечевите на Јувентус

Ристе Здравков — Tue, 26 Oct 2021 08:35:59 +0000

„Кориере дело Спорт“ пишува дека претседателот на Наполи, Аурелио Де Лауренти е фрустриран од последните судиски одлуки во Серија А. Во последното коло Наполи одигра 0-0 кај Рома, а Јувентус 1-1 кај Интер со гол од пенал на Дибала во финишот од мечот. Де Лаурентис бил гневен бидејќи смета дека ВАР не досудил пенал за неговиот тим на мечот со Рома кога имало контакт меѓу Замбо Ангуиса и Матиас Виља. Но, за слична ситуација Јувентус доби пенал благодарение на ВАР иако судијата Мариани беше блиску во моментот кога Думфрис го удри Алекс Сандро. Сопственикот на Наполи има замерки и на други одлуки, па „Кориере дело Спорт“ тврди дека тој ги побарал аудио фајловите од ВАР од последните два меча на Јувентус. Тој ова го прави бидејќи во 2018 година Јувентус го доби одлучувачкиот меч за титулата против Интер со контроверзни одлуки, додека Наполи загуби во Фиренца. На тој меч Миралем Пјаниќ не доби втор жолт картон за фаул над Рафиња, особено што Матиас Весино веќе имаше добиено директен црвен картон. Тогаш од судиската организација рекоа дека ВАР фајловите од тој меч исчезнале, па Наполи сега не сака да се случи истото и уште на почеток од сезоната почнува да ги бара дијалозите меѓу судиите од мечевите на Јувентус.

УЕФА задоволна од судиите и ВАР технологијата на ЕУРО2020

Тале Кристо — Fri, 25 Jun 2021 17:24:22 +0000

Шефот на судиската комисија на УЕФА, Италијанецот Роберто Росети застана во одбрана на судиите и ВАР технологијата кога се во прашање големиот број досудени пенали во групната фаза од натпреварите на ЕУРО2020. Судиите на вкупно 36 натпревари одиграни во групната фаза на Европското првенство досудија 14 пенали, што е двојно повеќе отколку на целото ЕУРО2016 година. Два од вкупно 14-те пенали беа досудени на натпреварот што македонската репрезентација го одигра против Украина, при што пеналот против „црвено – жолтите“ беше донесен по консултација со ВАР собата во Нион. – Пред воведувањето на ВАР технологијата имаше многу прекршоци во казнетиот простор, кои судиите не можеа да ги забележат. Сега тоа е невозможно, изјави Росети. Тој напомена дека ВАР технологијата била користена во 179 случаи, при што судиите во 91.6 отсто донеле правилна одлука, а во 12 случаи судиски одлуки донесени на теренот биле коригирани.