Вардар елиминиран од Пјуник уште во првото коло

Даниел Василев — Thu, 19 Jul 2018 19:50:47 +0000

Вардар уште во првото коло ги заврши натпреварите од квалификациите за Лига Европа, откако на двата натпревари беше совладан од ерменски Пјуник. Македонскиот клуб со негатива од еден гол (1:0) се врати од Ереван, а вечерва по едно полувреме без голови, во Скопје повторно беше поразен со 0:2 од Пјуник. И покрај неколкуте обиди фудбалерите на Вардар не успеаја да ја анулираат предноста на гостите и во финишот на натпреварот за четири минути примија два гола. Стрелец на двата гола за Пјуник беше Бакар Балде и тоа во 85-та минута погоди за водство од 0:1, а потоа во 89-та минута ги постави конечните 0:2. Вардар откако минатата сезона се избори за настап во групната фаза од Лига Европа, оваа година е елиминиран уште на самиот почеток. МИА

ВИДЕО: „Комити“ му посветија кореографија на Саздо

Даниел Василев — Thu, 19 Jul 2018 17:39:52 +0000

Навивачката група „Комити“ на фудбалскиот клуб Вардар, денеска на натпреварот со Пјуник му посветија кореографија на Никола Саздовски – Саздо, навивач кој им подлегна на повредите откако брутално беше претепан од тројца напаѓачи на автобуска постојка во Автокоманда. Паролата на кореографијата беше „Крвта моја за бојата твоја“. Комитите неколку пати досега протестираа во Скопје барајќи правда за убиството на Саздо.

Вардар – Пјуник – Kurir.mk

Вардар елиминиран од Пјуник уште во првото коло

ВИДЕО: „Комити“ му посветија кореографија на Саздо