Вардар – Kurir.mk

Марко Срдановиќ блесна и веднаш доби нов долгогодишен договор со Вардар!

Ристе Здравков — Tue, 31 Oct 2023 13:26:45 +0000

Двократниот европски ракометен првак Вардар 1961 покажа дека размислува и за иднината, па иако сезоната не е ниту до половината, го „врза“ еден од новајлиите во тимот. Станува збор за Марко Срдановиќ, 25-годишното српско крило кое се покажа како вистински избор за крилната позиција. Србинот блеска во Вардар, игра на завидно ниво и освен од крилна позиција, редовно сигурно реализира и пенали. Срдановиќ имаше договор до јуни 2024 година и стави потпис на нов двегодишен договор со „црвено-црните“, иако тоа не е честа ракометна пракса. Самиот ракометар е пресреќен за тоа што игра во Вардар. Срдановиќ призна дека тоа бил неговиот најдобар потег во кариерата и е задоволен од сите сегменти. „Доаѓањето во Вардар ми беше најдобриот потег во кариерата. Одлично се снајдов во Скопје, клубот и играчите ме прифатија како семејство, и таа хемија носи резултат. Вардар создава тим што во иднина ќе биде не само квалитетен, туку и доминантен. Затоа сметам дека останувањето во Скопје е уште еден вистински потег. Имам одлични соиграчи, управа и пред се навивачи. Тоа секогаш носи резултат“, изјави Срдановиќ. Вардарци работат на стабилизирање на проектот и поставување на здрави темели за иднината. Ова лето беа доведени квалитетни млади играчи кои надополнети со неколкуте поискусни се вклопија одлично Досега Вардар е лидер во групата Б во регуларниот дел од сезоната и веројатно со максимален број бодови ќе оди во плеј-офот.

Откриен идентитетот на починатото лице најдено покрај Вардар

Тале Кристо — Sun, 22 Oct 2023 17:15:01 +0000

Машки труп е пронајден утрово во водите на реката Вардар, кај Пешачкиот мост во близина на здравствена установа. По преземени активности е утврдено дека станува збор за Ј.Ш.(88), за кого на 15 октомври 2023 било пријавено дека се оддалечил од домот. Од МВР информираат дека случајот денеска во 9.25 часот бил пријавен во СВР Скопје од случаен минувач. Полициски службеници од ПС Карпош излегле на местото, а од страна на припадници на Територијалната противпожарна бригада на Град Скопје телото е извлечено од водите на реката. Лекар од Итната медицинска помош констатирал смрт. По наредба на Јавен обвинител телото е предадено за обдукција.

УЖАС во Скопје: Тело на починато лице најдено покрај Вардар

Ивана Ефремовски — Sun, 22 Oct 2023 11:38:41 +0000

Во близина на болницата „Систина“, на кејот на реката Вардар, пронајдено е тело на починато лице. Први сведоци биле случајни минувачи. Телото подолго време стоело покрај коритото на реката. Причините за смртта не се познати, ниту пак, кога настанала. Ќе се утврдува и идентитетот на лицето. Повикана беше полиција, која сега прави увид. Телото ќе биде дадено и на обдукција, а треба да биде повикан и јавен обвинител. ФОТО: ПлусИнфо

Стефковски заедно со Мицкоски и свои соопртијци од трибините го следеа дербито Вардар – Еурофарм Пелистер

Тале Кристо — Sun, 17 Sep 2023 19:08:58 +0000

Вечерва го следиме ракометниот дерби дуел помеѓу Вардар и Еурофарм Пелистер кој се игра во Скопје. Поддршка за црно-црните! Поддршка за нашиот Вардар кој е душата на македонецот! Со срце за Вардар!, објави на Фејсбук градоначалникот на општина Гази Баба Бобан Стефковски.

Вардар им пружи силен отпор на „лавовите“ и со достоинствен пораз ја заврши европската авантура

Ристе Здравков — Sun, 03 Sep 2023 16:16:10 +0000

Ракометарите на Вардар 1961 претрпеа уште еден пораз од Рајн-Некар Левен во завршната квалификациска рунда за пласман во групната фаза на Европската лига на ЕХФ. „Црвено-црните“ минатата седмица претрпеа пораз од 34-25, пораз кој беше далеку поубедлив од тоа што реално се случуваше на теренот, па така денеска поранешниот македонски шампион беше уште поконстантен, пружи силен отпор при што загуби само со четири разлика (37-33). Како и на првата средба во Скопје, првиот дел беше израмнет и заврши со резултат 17:17, ама во вториот дел „лавовите“ беа подобри, направија разлика и се изборија за триумф пред своите гледачи. Лазаревски беше прв стрелец со седум гола, по шест дадоа Јагуриновски и Петриќ. Кај победникот Закаријас, Колбахер и Андерсен дадоа по седум погодоци.

Возило излетало пред мостот на Вардар кај Пепелиште, патниците спасени по автоматски повик

Ивана Ефремовски — Sun, 03 Sep 2023 08:53:48 +0000

Возило излетало синоќа пред мостот на Вардар кај Пепелиште, информираа денеска од Центарот за управување со кризи. -Синоќа во 21:17 часот на Единствениот европски број за итни повици 112, во ЦУК е добиен автоматски повик од „ајфон 14“ од телефонски број од Србија, кој содржел известување на англиски јазик, дека корисникот на телефонот доживеал сообраќајна несреќа, не е контактибилен вклучително и аудио координати на местото на кое се случила несреќата, соопштија од ЦУК. Операторот на 112 во ЦУК итно го известил дежурниот центар во МВР, давајќи ги координатите на несреќата по што била испратена полициска екипа која го пронашла возилото кое излетало надвор од регионалниот пат Неготино - Штип пред селото Пепелиште, непосредно пред мостот на Вардар. Возачот и патниците во возилото не биле повредени. (МИА)

ПМФЛ: Вардар ја среди Македонија ЃП!

Ристе Здравков — Sat, 02 Sep 2023 16:12:01 +0000

Фудбалерите на Вардар ја запишаа првата победа по кам-бекот во ПМФЛ, откако ја совладаа Македонија Ѓорче Петров со 2-1 (2-0). Пресметката во одлична атмосфера на стадионот „Борис Трајковски“ во Маџари во целост му припадна на тимот кој имаше улога на домаќин. Вардарци дојдоа до двојна предност во првиот дел, за потоа рутински да ја одбранат. Уште од првата минута „црвено-црните“ покажаа поголема решителност и на стартот имаа полушанса која голманот Стевковски ја скроти. Добрата игра го доведе најтрофејниот македонски колектив до нова шанса и удар откосо на Педрињо кој доведе до корнер. Токму од тој удар од аголот, вардарци добија пенал. За волја на вистината поради пиротехничкото шоу на „Комити“, камерите не го уловија најдобро моментот пред досудената најстрога казна, но немаше многу протести од гостинските играчи. Сигурен од 11 метри за вардарова предност беше капитенот Дарко Мицевски, кој во 25. минута погоди за 1-0. Одличната партија на лидерот на овој тим на Вардар резултира и со одлична акција за втор гол. Мицевски проби низ левата страна на шеснаесетникот, а откако дојде практично до мртов агол, ја одложи топката до Азер Омерагиќ кој го матира Стевковски за 2-0. По постигнатите погодоци, момците на Александар Васоски заиграа многу полесно и релаксирано. Со сигурна игра на средината од теренот го држеа ривалот далеку од својот гол, не дозволувајќи вистински закани кон Филип Гачевски. „Лавовите“ пак, иако се наметнаа и имаа иницијатива, а тоа резултира со почесен погодок во 93. минута од пресметката. Корнер од левата страна изведе Ѓорѓи Стоилов, па со глава стрела младиот резервист Никола Величковски (2-1).

Вардар посилен за уште еден спонзор

Ивана Ефремовски — Fri, 25 Aug 2023 13:15:56 +0000

Продолжува поддршката за РК Вардар што клубот ја добива од повеќе компании кои стануваат спонзори во македонскиот спортски бренд. Уште една позната и успешна компанија реши да застане зад Вардар и заедно да се овозможат услови за најтрофејниот македонски машки клуб да остане на стабилни нозе и да продолжи со остварување на високи спортски резултати. На списокот на нови поддржувачи на клубот се придужи и Пантелеон ГС. Тоа е домашна компанија која што нуди аутсорсинг услуги на американскиот пазар, односно комплетна алокација на деловни процеси и вработени. Вардар е посакуван клуб за многумина, за напредување, играње и одлично место за промоција. Промените што се направија пред новата сезона полека носат резултати. Тоа го препознаваат и многу компании кои веќе се приклучија на групата на поддржувачи „Како компанија сме горди што ја имаме таа можност да бидеме дел од спортската историја која ја испишува РК Вардар 1961 и силно веруваме дека клубот ќе успее да се искачи на нови спортски височини и ќе биде повторно фактор во врвниот ракомет. Сорабтката со РК Вардар 1961 за Пантелеон ГС е дел од корпоративната стратегија за поддршка на локалната заедница и опкружувањето во кое што работи, преку креирање на нови вредности и негување на традиционалните вредности и гордости, а со цел нашата земја да стане уште попривлечно место за живеење, вели Влатко Палчевски, директорот на Пантелеон ГС. Вардар сезонава доби неколку нови спонзори и поддржувачи кои го препознаа спортскиот бренд и решија да бидат дел од нова успешна ракометна приказна. Екипата се подготвува за новата сезона и минатата недела го освои и првиот трофеј победувајќи на турнирот „Струга 2023“. Сега следуваат настапите во квалификациите за Лига Европа и во домашното првенство. Извор: Метро

Хаџиевски и Васоски најавија подобри денови: Вардар е институција, мора да живее!

Ристе Здравков — Thu, 24 Aug 2023 10:50:12 +0000

Tимот на Вардар денес одржа прес-конференција на која беа соопштени идните планови на екипата по промените. На клупата на Вардар по заминувањето на Бобан Грнчаров се врати Александар Васоски, додека за спортски директор беше назначен Ѓоко Хаџиевски. Во ваква структура Вардар по стартните три порази, вчера го освои првиот бод против Силекс (2:2). „Моја одговорност е да помогнам кога е најтешко. За жал не беше издржливо да се работи после таа освоена титула пред неколку години, и сега се враќам и се надевам дека Вардар ќе заплива во помирни води. За жал не го добивме натпреварот со Силекс, но освоен е бод после три порази. Ќе гледаме да се издигнеме, нема време за ништо, ако успееме да донесеме уште некој фудбалер добро, јас сум среќен што работам со овие момци“, изјави Васоски. Хаџиевски порача дека сите ќе се вложат за максимално да помогнат. „Вардар е институција во Македонија, Вардар е најголемиот бренд. Со Вардар освоив многу титули, се нафатив да помогнам, да речам така волонтерски, но сите ќе се вложиме да помогнеме и да го издигнеме“, изјави Хаџиевски. За нов портпарол на клубот беше назначен Мијалче Дурготов.

Васоски дебитира против Силекс, Шкендија домаќин на Брегалница

Ристе Здравков — Wed, 23 Aug 2023 11:25:57 +0000

Некомплетното четврто коло од Првата фудбалска лига е закажано за денеска, со почеток во 16.30 часот, а во фокусот е камбекот на Александар Васоски на клупата на Вардар. Тој ќе дебитира на денешниот дуел против Силекс, а вардарци се пред императив да победат откако ги загубија трите меча на стартот од сезоната. Шкендија во Тетово ја пречекува Брегалница и сака да го продолжи максималниот ефект во шампионатот. Македонија ЃП по поразот од Работнички ќе мора да се „вади“ против Шкупи на домашен терен, а тоа воопшто нема да биде лесна задача. Гостивар, кој исто така е во незавидна позиција и со три порази по првите три кола, ќе биде домаќин на Работнички. Утре ќе се игра натпреварот меѓу Брера и Тиквеш во Струмица, додека дуелот меѓу Воска Спорт и Струга Трим Лум е закажан за 27.септември, поради настапот на шампионот во плеј-офот од Конференциската лига.