вариво – Kurir.mk

Каубојски специјалитет: Мексиканско вариво од грав на кое не му фали оган и дим

Ристе Здравков — Fri, 29 Oct 2021 10:45:18 +0000

Frijoles charros е едноставно мексиканско јадење кое ќе им се допадне на љубителите на зачинет грав. За рецептот ќе ви треба и месо, како сланина или чадена шунка, а со трпеливо готвење ќе го извлечете најдоброто од аромата. Frijoles charros ги подготвувале мексиканските каубојци за да имаат доволно сила за физичка работа, а се јадат и денес – најчесто со ориз или пченкарен леб. Состојки за мексиканско вариво: 450 гр сув грав 340 гр сланина 1 кромид 1 лута пиперка 3 чешниња лук 400 гр излупени домати 1,4 l пилешка супа 2 ловорови листови листови од коријандер сол, бибер Подготовка: 1. Потопете го гравот преку ноќ. Ставете го во поголем сад и прелијте го со вода двапати. 2. Исечете ја сланината и пржете ја околу пет минути. Потоа додадете го исечканиот кромид и пиперките исчистени од семки и пржете мешајќи додека не омекне, околу 4 минути. Додадете го сечканиот лук и пржете мешајќи околу 30 секунди. 3. Додадете грав, густин, ловоров лист, 2 лажички сол, оставете да зоврие на силен оган, па намалете на топлина, покријте и варете додека гравот не омекне. 4. Потоа се открива, се додаваат доматите и се продолжува со варење со повремено мешање додека гравот да стане кремаст и да се намали течноста. Зачинете по вкус, извадете го ловоровиот лист и посипете со листови коријандер.

Нешто на лажица: Вариво од црвена леќа што ќе ве закрепне и ќе ви го зајакне имунитетот

Магдалена Андонова — Thu, 26 Nov 2020 16:58:12 +0000

За приготвување на варивото, наместо свежи, можете да користите и пиперки од замрзнувач Состојки: 2 главици црвен кромид 2 средни моркови 1 среден пашканат 2 помали пиперки 250 г лупени домати 130 г црвена леќа 1 лажиче шеќер 100 мл бело вино 1 лажица сечкан магдонос црн пипер масло сол Приготвување: Црвениот кромид се чисти и се сечка на коцки, морковите и пашканатот се лупат и се сечкаат на крукчиња. Пиперките се чистат од дршките и од семките и се сечкаат на покрупни коцки. Во тенџере на малку масло се пржи црвениот кромид, а потоа се додаваат морковите и пашканатот, па сето тоа заедно кратко се пржи. Се додава белото вино и се динста додека испари течноста. Се додаваат пиперките и понатаму се вари со долевање по малку вода, додека омекнат наполу. Се додаваат лупените домати и шеќерот, па се налева со вода, да пливаат состојките, и се вари додека зоврие. Се додава црвената леќа и се зачинува по желба. Се вари на умерена температура додека омекне леќата. Готовото јадење се посипува со сечкан магдонос. Извор: Добра храна

Вариво со ќофтенца од месо

Ристе Здравков — Tue, 15 Jan 2019 10:58:09 +0000

Фино вариво со компири, зеленчук и мали ќофтенца од месо … Потребно е: 1 кг компири 2 поголеми страка праз 3 моркови малку корен од целер малку свеж босилек 1 лажица пире од домати сол мелен сув зачин масло за готвење за ќофтенцата од месо: 300 г мелено месо 1 јајце брашно по потреба 2 чешниња лук, ситно сецкани сол и бибер масло и уште: 1 лажица брашно 1 лажица мелена црвена пиперка Подготовка: – Прво подгответе ги ќофтенцата. Во еден сад ставете ги месото, јајцето, исецканиот лук, сол , бибер, 2 лажици масло и 1-2 лажици брашно. Измесете ја смесата со рака за да се поврзат сите состојки. Покријте ја со фолија и оставете малку да отстои. – Празот измијте го убаво и сецкајте го на поголеми парчиња. Истото направете го со морковите и целерот. Ставете ги во тенџере во кое претходно сте ставиле малку масло и динстајте ги додека не омекнат. – Компирите излупете ги и исечете ги на коцки. Додадете ги во тенџерето, посолете и додадете 1 лажица мелен сув зачин. Неколку минути динстајте со внимателно мешање за да не ви се распадне зеленчукот. – Сега во тенџерето сипете вода да биде два прста над компирите. Оставете на тивко да се вари. – За тоа време од смесата со мелено месо правете мали ќофтенца, увалкајте ги во брашно и ставете ги да се пржат во тава на загреано масло. Постојано превртувајте ги за да се испржат од сите страни. во тавата додадете 1 лажица брашно и 1 лажица мелена црвена пиперка и уште малку пржете (пазете црвената пиперка да не ви изгори затоа што ќе горчи). Содржината од тавата сипете ја во тенџерето кај компирите. – Полека измешајте ја целата содржина и додадете сецкан босилек и 1 лажица пире од домати. Варете уште 10-тина минути. Ако е потребно уште вода или зачини додадете ги додека се вари јадењето. – Ова вариво послужете го врело.