варна – Kurir.mk

Нема да поверувате колку корнети сладолед украле овие двајца Бугари – казната заслужено ќе си ја одлежат

Дарко Андоновски — Fri, 17 Jun 2022 09:28:47 +0000

Двајца мажи на возраст од 23 и 34 години се приведени во градот Варна во североисточна Бугарија, откако украле сладолед од една помала продавница. Утврдено е дека разбојниците провалиле во минимаркетот и украле 148 корнети сладолед и четири кутии сладолед од по еден килограм. Пријавата за кражбата ја поднел сопственикот на продавницата. На крадците на сладолед им е одреден притвор од 72 часа.

Трагедија во Бугарија: Четири жртви при пожар во дом за стари и изнемоштени лица

Тале Кристо — Sun, 08 May 2022 15:08:04 +0000

Четири лица загинаа при пожар во дом за стари и изнемоштени лица во бугарскиот град Варна, соопшти локалната полиција. Загинаа тројца мажи на возраст од 70 до 73 години и една 88-годишна жена, пишува весникот „Новините“. Две лица се хоспитализирани, од кои едното се наоѓа во критична состојба. Од домот се евакуирани 20 луѓе. Полицијата ги истражува причините за пожарот, а началникот на полицијата во Варна, Атанас Михов изјави дека 53-годишен штитеник на домот за стари лица е осомничен дека го подметнал пожарот. Осомничениот, кој бил сместен во просторијата каде што избувнал пожарот, е сместен во болница поради психијатриски надзор.

Голема акција во Бугарија – запленети 402 килограми хероин

Магдалена Андонова — Tue, 16 Feb 2021 13:56:09 +0000

Бугарската царина на 7 февруари заплени 401,468 килограми хероин, објави денеска на Твитер главниот обвинител на Бугарија, Иван Гешев, јави дописникот на МИА. Хероинот бил откриен во Варна во пратка со битумен што пристигнала од . Дрогата била скриена во четири контејнери, а примател на практата била трговска фирма од Шумен. Сопственикот на фирмата и еден цариник се приведени. Ако бидат осуден можат да добијат затворска казна од 10 до 15 години и ќе треба да платат казна од 50.000 до 100.000 евра. Вредноста на запленетата дрога се проценува од 16 до 18 милиони евра. Се претпоставува дека хероинот не бил наменет за бугарскиот наркопазар. (МИА)

Варна: Бугарското обвинителство го испитува италијанскиот отпад што требаше да заврши во Македонија?

Љупчо Цветаноски — Thu, 30 Jan 2020 14:17:46 +0000

Обвинителството на градот Варна започна со увид на 102 контејнери полни со ѓубре од Италија складирани во тамошното пристаниште. Како што пишуваат бугарските медиуми, новите контејнери со должина од 40 метри се поставени таму за време на предистражната истрага на 16 јануари оваа година. Испраќач на тие 102 контејнери е истата фирма што ги испрати 25-те контејнери на 9 октомври минатата година исто така во пристаништето Варна. Ист е и примачот, а тоа е на карго – софиската компанија “Блацион“ во која сопственици се државјани на Македонија и Италијанци. Инспекцијата што започна денеска мора да утврди дали постои несовпаѓање помеѓу она што е наведено во царинските документи, односно товарот на пластика и гума, и вистинската содржина на контејнерите. – Отворањето на дел од првата пратка италијански ѓубре во присуство на обвинител од Регионалното обвинителство откри дека тој содржи текстилни ткаенини и дрвен отпад, а не пластика и гума – објави БНР.