Васе Доневски – Kurir.mk

Јанаќиевиќ: Апсурдно е да му се продолжи притворот на Доневски

Ивана Ефремовски — Mon, 16 Apr 2018 12:39:41 +0000

На поранешниот директор на Службата за општи и заеднички работи на Владата, Васе Доневски, продолжен му е притворот за уште 30 дена. Притворот е продолжен по предлог на Обвинителството за организиран криминал по истекот на првичните 30 дена притвор. Мерки на претпазливост беа изречени за Волфганг Гампер, сопственик и управител на компанијата „Секјуриком Мултисервис Интернационал ДОО Скопје“. КУРИР стапи во контакт со адвокатот Јанаќиевиќ, кој официјално се уште нема добиено информација за продолжување на мерката притвор.Но, вели дека ќе биде поднесена жалба за неосновано држење во притвор на неговиот клиент. -Ова е апсурдна ситуација. Му се продолжува притворот поради можност за бегство на македонски државјанин со позната адреса, фамилија, болна и оперирана сопруга, ќерка која сега му го роди првото внуче. Тој нема роднини во странство и секогаш соработувал, исказот го даде три месеци пред да биде лишен од слобода. Тогаш не се дал во бегство, па камоли сега. Од друга страна, на странски државјанин, му се одзема само патната исправа како доказ дека нема да избега. Ова е раритет и реткост во судската пракса, истакнува за КУРИР адвокатот на Доневски. Вториот основ за изрекување на мерка притвор е можност за влијание врз сведоци. Јанаќевиќ за КУРИР вели дека тендерот е веќе спроведен, за што има материјални докази кои не можат да се променат ниту пак да се влијае некому. Адвокатот на Доневски објаснува дека неговиот клиент никако не може да влијае на сведоците бидејќи материјалните докази на кои се основа случајот се обезбедени и органите на прогонот ја имаат целосната документација за случајот за кој се сомничи Доневски. На сите овие околности, вели за КУРИР адвокатот Јанаќиевиќ, ќе укажат во жалбата до Апелација.

Продолжен притворот на поранешниот директор на СОЗР, Васе Доневски

Ивана Ефремовски — Mon, 16 Apr 2018 11:06:41 +0000

Продолжен му е притворот за уште 30 дена на поранешниот директор на Службата за општи и заеднички работи на Владата, Васе Доневски, потврдија за МИА од Кривичниот суд Скопје. Притворот е продолжен по предлог на Обвинителството за организиран криминал по истекот на првичните 30 дена притвор. Доневски беше уапсен на 15 март под сомнение за злоупотреба на службената положба. Истрагата за овој случај ја отвори Управата за финансиска полиција, а осомничен е и тогашниот управител на компанијата Секјуриком. (МИА)

„Денешен“: Власта се изживува врз Васе Доневски преку класична тортура

Ивана Ефремовски — Tue, 27 Mar 2018 14:53:32 +0000

Васе Доневски е жртва на класично изживување и тортура од страна на власта. Првата вечер го сместиле во некоја подобра ќелија. По еден час дошол управникот и наредил да го извадат од таа ќелија и да го стават во најлошата, пренесе ДЕНЕШЕН. Во новата ќелија станал жртва на тортура, не му донеле душек, постелнина и покривка и го оставиле до утрото да лежи на железен кревет без душек, во ладна просторија без да има на што да легне и со што да се покрие. -Односот кој го имале кон него наликува на нечовечко мачење какво што имало во нацистичките логори. Греење и понатаму има само 2 часа на ден. Васе има проблеми со здравјето, а ваквите ужасни услови само му ја влошуваат состојбата. Тој е дијабетичар и има многу висок притисок, а не му дозволиле внес на апарати за мерење на шеќер и притисок. Неговата сопруга имаше тешка операција за тешка дијагноза за која лекарите предупредуваат дека секој стрес е опасност за повторување на болеста, а неговата ќерка треба да се породи во секој момент. Сето ова не беше доволно судијката Димишкова, а подоцна и Кривичниот совет ако не сака да го ослободи од притвор барам да му даде куќен притвор. Васе Доневски е политички затвореник. Тој е уапсен ден по незаконското и дивјачко гласање во Парламентот на Законот за употреба на јазиците, пишува порталот. Една недела порано на Доневски му пристапил добро информиран човек кој му најавил дека следната недела ќе биде уапсен на овој предмет, дека на сите им е јасно дека не е виновен, но дека им треба “курбан“. Очигледно бил потребен за да се дефокусира јавноста од дивјачкото носење на законот за јазиците. Доневски и покрај оваа информација ниту избегал ниту помислил да бега. Единствено ги информира пријателите и некои од повисоките структури на ВМРО-ДПМНЕ. Една недела подоцна уапсен е на работното место во УЈП, кога околу 50 специјалци ја опколиле зградата на УЈП за да го уапсат Васе Доневски под очигледен притисок така да демонстрираат сила во очите на оние кои гледаат, пренесе ДЕНЕШЕН. Претходно, поранешниот директор на СОЗР, Васе Доневски по враќањето на старото работно место во УЈП, бил деградиран и прераспределен да работи на шалтер, што и го прифатил, и од каде бил уапсен и однесен дома за да му се извршат претреси и потоа да се однесе на суд.

Адвокатот на Доневски за Курир: Поднесовме жалба за мерката притвор

Ивона Петрова — Sun, 18 Mar 2018 09:56:10 +0000

По добивањето на решението за притвор, го искористивме законскиот рок од 24 часа и поднесовме жалба за изречената мерка од страна на судот, вели во телефонска изјава за КУРИР, адвокатот на Васе Доневски поранешниот директор на СОРЗ, Јанаќиевиќ. Триесет дневниот притвор е одреден бидејќи судијата на претходна постапка сметал дека Доневски може да влијае по двата клучни основи за одредување на истиот, односно да се даде во бегство и да влијае на сведоци. Адвокатот Јанаќиевиќ за КУРИР вели дека пред судот била презентирана и документација која потврдува дека Доневски не би се дал во бегство. -Доневски е познат, семеен човек, татко на две деца. Неговата сопруга е оперирана и тешко болна со намалена работна способност и намалено работно време, за што приложивме документација. Неговата ќерка е во 9-тиот месец од бременоста, а и тој има здравствени проблеми и за сето наведено пред судот ја приложивме соодветната документација. Дополнително, Доневски истакна дека нема роднини во странство, објаснува адвокатот на поранешниот директор на СОЗР кој се сомничи за злоупотреба на службената положба и овластувања. Тој нагласи и дека Доневски пред три месеци бил контактиран од Финансиската полиција, па доколку сакал можел уште тогаш да се даде во бегство, но тој соработувал со надлежните органи. -Доневски е професионалец. Пред околу три месеци кога телефонски го контактирале од Финансиската полиција, тој отишол и соработувал со нив. Во ниту еден момент не ја попречувал истрагата и соработувал со органите и на денот на претресот кој траеше неколку часа, вели Јанаќиевиќ. По однос на вториот основ, влијаење на сведоци, Јанаќиевиќ за КУРИР вели дека органите на прогонот ја имаат целосната документација за случајот за кој се сомничи Доневски, односно неправилности при тендерска постапка, па оттука е нејасно како и на кои сведоци може тој да влијае кога материјалните докази на кои се основа случајот се обезбедени. Адвокатот нагласи и дека на судијата на претходна постапка му бил понуден пасошот на Доневски како гаранција дека нема намера да се даде во бегство, но судијата не прифатил и ја одредил мерката 30-дневен притвор.

Приведувањето на Васе Доневски, брза одмазда на ДУИ кон ВМРО-ДПМНЕ за противењето за Законот за јазици

Ивона Петрова — Sat, 17 Mar 2018 09:59:33 +0000

Еден ден откако ВМРО-ДПМНЕ се спротистави на насилното донесување на законот за јазици во Собранието, финансиската полиција, со која раководи кадар на ДУИ, Арафат Муареми, поведе постапка против поранешниот директор на СОЗР, Васе Доневски. Еден ден по приведувањето за Доневски е побаран и притвор во траење од 30 дена. Кадрите на ДУИ во институциите очигледно видно револтирани од противењето на пратениците на ВМРО-ДПМНЕ да дозволат насилно донесување на законот за јазици и изјавата на претседателот Иванов, дека нема да го потпиште указот на законот, за истиот да стапи на сила, ја активирал желбата за одмазда кај ДУИ, прв на удар е Васе Доневски. Инаку во средата, на 14 март, владејачкото мнозинство СДСМ-ДУИ насилно без да го испочитува правото на амандманска расправана прратениците го прогласи законот за двојазичност за изгласан во Собранието на Република Македонија. прогласувањето следеше по едно прекинување на седницата по интервенција на пратениците на ВМРО-ДПМНЕ, кои недозволија да се гласа, по што Џафери ја прекина седницата и веднаш потоа набрзина го собра парламентарното мнозинство за да каже дека законот е изгласан. Веднаш реагираше претседателот Иванов, кој кажа дека нема да го потпише указот на законот и тој нема даможе да стапи во сила. Ваквото насилничко однесување беше осудено и од страна на западните дипломати во Република Македонија. Францускиот амбадасадор, Кристијан Тимоние, ја оквалификува состојбата во македонското Собрание како разочарувачка и кажа дека по настаните од 14 март, виси препорката од ЕУ. Гневот за докрај неуспешната реализација ДУИ го истура врз претставници на поранешната власт, мислејќи дека така ќе му се одмазди на ВМРО-ДПМНЕ за противењето против двојазичноста.

Приведувањето на Доневски, обид за дефокусирање на власта и Заев од насилното донесување на Законот за јазици

Ивона Петрова — Thu, 15 Mar 2018 18:40:21 +0000

Министерството за внатрешни работи го привелa Васе Доневски, поранешниот директор на Службата за општи и заеднички работи на Владата на Република Македонија, пишува Република. Во јуни, минатата година Владата на Република Македонија уште на почетокот го разреши Доневски и за нов директор на СОЗР го назначи Пеце Мирчески од СДСМ. Аналитичарите сметаат дека приведување на поранешниот директор на СОЗР, Доневски е обид за дефокусирање на јавноста од донесувањето на Законот за јазици со кој според многумина се разградува државата и е само почеток во федерализацијата на земјата. Причините за приведувањето не се познати, но се очекува и во наредните неколку дена да има слични „спектакли“ се со цел одвлекување на вниманието на јавноста.