Вашингтон визардс – Kurir.mk

Филаделфија го совлада Вашингтон за прва победа во плеј-офот

Бошко Тасиќ — Mon, 24 May 2021 06:29:02 +0000

Екипата на Филаделфија славеше над Вашингтон Визардс со 125-118 и обезбеди предност од 1-0 во серијата од плеј-офот во НБА-лигата. Главната разлика која ја донесе победата се направи пред крајот на третиот и почетокот на последната четвртина, кога беа обезбедни 11 поени разлика (108-97). Одличен натпревар за Филаделфија имаше Тоби Харис со 37 поени, шест скока и две асистенции, а поддршка му беше Џоел Ембид кој заврши со 30 поени, шест скока и три асистенции. Кај Вашингтон, првата ѕвезда Бредли Бил имаше „дабл-дабл“ од 33 поени и 10 скока, а зад него беше Расел Вестбрук со 16 поени и 15 асистенции. Следниот натпревар од серијата се игра повторно на теренот на Филаделфија, на 27 мај.

Клиперс постигнаа 150 поени против Вашингтон

Ивона Петрова — Mon, 02 Dec 2019 07:29:29 +0000

Екипата на Лос Анџелес клиперс ја забележа 15.победа оваа сезона во НБА лигата, откако ноќеска на дуелот во „Стејплс центар“ го совладаа тимот на Вашингтон визардс со убедливи 150:125. Најефикасни во победничкиот тим беа Каваи Ленард со 34 и Пол Џорџ со 31 поен. И на другите два натпревара играни ноќта недела кон понеделник поуспешни беа домашните екипи: Орландо – Голден стејт 100:96 Торонто – Јута 130:110.

Денвер ја забележа шестата последователна победа

Ивона Петрова — Wed, 27 Nov 2019 07:59:09 +0000

Кошаркарите на Денвер нагетс го совладаа тимот на Вашингтон визардс со 117:104 (25:23, 39:24, 22:22, 31:35) во еден од двата НБА натпревара одиграни ноќта меѓу вторник и среда. За Денвер ова беше шеста победа во низа. На другиот дуел Лос Анџелес клиперс беше поуспешен од Далас со 114:99. За Денвер и за ЛА клиперс ова беа победи број 13 од почетокот на сезоната по што ги заземаат второто, односно третото место во пласманот од Западната конференција.