Васил Хаџиманов – Kurir.mk

Вечер посветена на Васил Хаџиманов во Белград

Ивона Петрова — Tue, 23 May 2023 05:47:09 +0000

Во рамките на манифестацијата Денови на македонската култура, „Допир на Македонија“ што годинава по 13-ти пат се одржува во Белград, во организација на здружението „Македониум“ од Белград, денеска ќе се одржи вечер посветена на Васил Хаџиманов. По тој повод ќе биде прикажан документарниот филм „Фениксот од Кавадарци“ на Мишо Нетков, а дека музиката што Васил Хаџиманов ја собирал и сочувал од заборав сè уште се изведува и на овие простори ќе покаже КУД „Васил Хаџиманов“ од Јабука со својата пејачка и фолклорна група, која годинава го одбележува големиот јубилеј 60 години постоење и ансамблот „Македониум“ од Белград. Програмата ќе биде одржана во големата сала на ПАН театарот од 19 часот. Манифестацијата Денови на македонската култура, „Допир на Македонија“ традиционално ја поддржуваат Македонскиот национален совет, Министерството за култура на Република Србија и претпријатието Алкалоид.

„Ќе ве најдам и ќе ве научам на памет“: Синот на Зафир Хаџиманов им се обрати на оние кои оставаат лоши коментари

Ивана Ефремовски — Tue, 30 Mar 2021 16:39:04 +0000

Синот на Зафир Хаџиманов, Васил Хаџиманов, на „Фејсбук“ им возврати на сите кои оставаа недолични коментари за смртта на неговиот татко. Тој ја коментираше здравствената состојба на Зафир и неговата вакцинација, но подолу во коментарот им се закани на тие кои ќе продолжат да оставаат вакви коментари.

Емотивна објава: Васил Хаџиманов се огласи по смртта на својот татко Зафир

Ивана Ефремовски — Mon, 29 Mar 2021 12:02:55 +0000

Познатиот џез-пијанист и композитор Васил Хаџиманов на Фејсбук се прости од својот татко Зафир, кој почина денеска во Белград од Ковид 19. Единственото дете на Зафир Хаџиманов и Сенка Велетанлиќ со емотивно обраќање им се заблагодари на сите кои денеска се простија од легендарниот македонскиот уметник. -Денеска почина мојот татко Зафир. Неговото големо срце не успеа да ја добие битката со оваа ужасна болест. Позади себе остави вистинското богатство, од песните што така мајсторски лесно ги интерпретираше, преку неговите многубројни и разновидни композиции, книги поезија и проза, па се’ до неповторливите улоги во театар и на филм. Но, пред и над сè, на своето семејство и на најблиските секогаш несебично им ја даваше својата неизмерна љубов, внимание и поддршка. Сенка и он беа едни од најталентираните и најубавите двојки во историјата на овие простори. Ненадминливи. Неговиот непобедлив дух, способноста да се снајде во секоја ситуација и да остане на нозе, енергијата се’ што работи секогаш да го прави тоа со целото свое битие, а притоа и истовремено да биде врвен шмекер.. Тоа мора да се памети. Да се памети и да се почитува! Те сакаме тато и засекогаш ќе ни недостасуваш!, напиша Васил на „Фејсбук“.

Хаџиманов се вакцинирал од коронавирус – радосната вест ја споделил со сите, а денес почина од вирусот (ФОТО)

Дарко Андоновски — Sat, 27 Mar 2021 17:49:10 +0000

Познатиот актер, пејач и композитор Зафир Хаџиманов почина како последица на вирисот Ковид-19, јавија српските медиуми. Она пак што паѓа во очи е што Хаџиманов на 5 март на својот фејсбук профил има објавено дека се вакцинирал против Ковид-19 заедно со неговата сопруга Сенка Велетанлиќ. „Сенка и јас се боцнавме, после долго чекање. Две пријатни дами не пецнаа неосетно. Вакцината ќе не спаси од куќен затвор“, напишал Хаџиманов на 5 март. Она што не е јасно дали ја примил и втората доза на вакцина и кога точно се заразил. Хаџиманов е роден на 25 декември 1943 година во Кавадарци и живееше во Белград. Зад себе остави над 5.000 записи од македонски изворни песни.

Промоција на каталог за мелограмите од легатот на Васил Хаџиманов

Ивона Петрова — Wed, 18 Apr 2018 06:06:43 +0000

На Факултетот за музичка уметност денеска од 13 часот ќе биде промовиран каталог за мелограмите од легатот на истакнатиот македонски фолклорист Васил Хаџиманов. Каталогот го изработија Николче Витковски и Цветанчо Николоски, студенти на програмата од втор циклус студии за музички науки при ФМУ, под менторство на проф. д-р Димитрије Бужаровски.Во каталогот се попишани 10.166 мелограми од обемниот легат на Васил Хаџиманов, што се наоѓа во архивот на МАНУ. - Со попишување на мелограмите се прави уште еден исчекор во содржината на легатот и брзото и лесно пребарување, посебно имајќи ја предвид неговата обемност. Ова е и од особено значење за заштитата на македонското духовно културно наследство, соопшти организаторот. Каталогот ќе биде примарно депониран во Архивот Бужаровски (БузАр) - најголем дигитален архив на звучно културно наследство во Македонија, во кој се наоѓаат дигитализирани и во најголема мерка каталогизирани два терабајти со аудио, видео, фотографии, книги, есеи и публицистички текстови, МИДИ, партитури, мелограми, бази на податоци – поврзани со македонското и балканското културно наследство. На промоцијата каталогот ќе им биде предаден на претставници на Македонската академија на науките и уметностите, каде се наоѓа легатот на Хаџиманов.