василево – Kurir.mk

СЛЕДЕТЕ ВО ЖИВО: „Важно е! Од тебе зависат промените“ во Ново Село, Босилово и Василево

Ивана Ефремовски — Tue, 10 Oct 2023 09:46:51 +0000

Денеска 10.10.2023 година (вторник), ВМРО-ДПМНЕ продолжува со кампањата „Важно е! Од тебе зависат промените“ во општините Ново Село, Босилово и Василево. Во 12:30 часот претседателот на ВМРО-ДПМНЕ, Христијан Мицкоски ќе присуствува на увид во градежни активности на асфалтирање на улица во населено место Борисово, општина Ново Село. Веднаш по завршувањето на увидот, изјава за медиуми ќе даде Мицкоски. Понатаму,Мицкоски продолжува на средба со младите од овој регион кој е најголем по бројот на иселени млади, а ќе изврши и увид на изградба на Одводен канал во општина Босилово, проект финансиран преку ИПА. Во село Родово во општина Босилово, Мицкоски ќе оствари средба со земјоделците. Потоа, во Нова Маала Мицкоски, ќе присуствува на пуштање во употреба на изградено плато пред Домот на културата во општина Василево. Тој ќе изврши увид во ООУ „Гоце Делчев“, проект ветен од СДСМ, со претходно одобрени средства, но тргнати од програмата на МОН. Во 18:15 ќе се обрати пред присутните граѓани во населено место Василевo. Неговата изјава можете да ја следите во живо на линкот во продолжение:

Водата во Василево е заматена и не треба да се пие

Ивана Ефремовски — Wed, 25 Jan 2023 12:15:54 +0000

ЈПКД „Турија“, Василево ги информира жителите од населените места во општина Василево, (Василево, Градашорци, Ангелци, Едрениково, Добрашинци, Нова Маала и Чанаклија) кои со вода за пиење се снабдуваат од Брана Турија, односно преку филтер станиците Ташли Баир и Добрашинци, дека водата е заматена и истата моментално не е за употреба и пиење. Од ЈПКД „Турија“, информираат дека причина за заматеноста на водата се обилните врнежи и порастот на нивото на водата во Браната. Екипите се на терен и работат на надминување на состојбата и решавање на проблемот за што граѓаните ќе бидат дополнително информирани.

Пожарот на Криволак целосно изгаснат, има уште неколку жаришта во општина Василево

Тале Кристо — Thu, 28 Jul 2022 09:03:09 +0000

Пожарот кој вчера го зафати армискиот полигон Криволак е целосно изгаснат. Во текот на ноќта врнел силен дожд кој целосно го изгаснал пожарот, додека пожарот меѓу селата Владиевци и Требичино во општина Василево во текот на ноќта го намали својот интензитет, изјави за МИА директорот на Центарот за управување со кризи, Стојанче Ангелов. Тој посочи дека од рано изутрината има уште седум – осум жаришта, каде се гледа чад, но нема активно горење. – На терен се присутни 27 лица, од кои 15 лица од општина Василево, осум лица од тим на Дирекцијата за заштита и спасување и четири лица од Национални шуми Беласица. Тие се обидуваат да ги изгаснат овие осум точки кои иако не горат, со зголемувањето на температурата во текот на денот можат да почнат да горат и да го продолжат пожарот понатаму, додаде Ангелов.

Во Василево се гради повеќенаменски објект

Ивана Ефремовски — Thu, 07 Jul 2022 09:10:25 +0000

Градоначалникот на општина Василево, Славе Андонов, денес во населеното место Нова Маала, присуствуваше на бетонирањето на повеќенаменскиот објект кој се гради во партнерство со Турската владина агенција ТИКА. Просторот на кој се гради е лоциран веднаш наспроти џамијата. На површина од околу 410 м² ќе бидат поставени различни реквизити кои на граѓаните од ова населено место ќе им овозможат задоволување на повеќе потреби од културен, спортски и социјален карактер. Дел од просторот е наменет за бина, а на останатиот ќе бидат поставени кошеви, лулашки, лизгалки и клацкалки. Планирано е поставување и на четири клупи, како и четири рефлектори со што ќе се овозможи негово користење и во ноќните часови. Целиот објект ќе биде заграден со заштитна ограда. Уредувањето просторот и изградбата на повеќенамнескиот објек е продолжување на успешната соработка што општина Василево ја има со ТИКА, која во изминатиот период во повеќе наврати има реализирано повеќе проекти на територијата на општинса Василево, во населените места во кои живее турско население.

Андонов: Се асфалтира дел од локалниот пат во Василево покрај ООУ „Гоце Делчев“

Ивана Ефремовски — Mon, 23 May 2022 13:46:10 +0000

После подолг временски период се изведуваат финалните работи односно асфалтирањето на дел од локален пат во Василево покрај ООУ Гоце Делчев, информира Славе Андонов, градоначалник на општина Василево. „Граѓаните поминаа низ тежок период во овој дел на Василево. Активностите ќе продолжат и на другиот дел од улицата“ - рече тој.

Пролетно чистење во Пиперево

Ивана Ефремовски — Fri, 18 Mar 2022 13:07:21 +0000

ЈПКД „Турија“, Василево, денес во населеното место Пиперево, го чистеше игралиштето во центарот на селото и просторот околу него. „Како што веќе најавивме, комуналното претпријатие во соработка со општината спроведува акција на пролетно чистење низ населените места. Денес екипи на ЈПКД „Турија“ го чистеа просторот во и околу игралиштето во с. Пиперево, по што активноста продолжува и на просторот на главната улица и тротоарот“, информираше градоначалникот на општина Василево Славе Андонов за тековната комунална активност на пролетно чистење Како што е планирано, тротоарите и просторот покрај нив се ослободуваат од тревите и земјата која се наталожила во изминатиот период, а паралелно се собира и расфрланиот комунален отпад. Активноста на пролетно чистење ќе продолжи и во наредните денови.

Андонов: Продолжува изградбата на улиците во населените места Градашорци и Василево

Катерина Бојаџиева — Tue, 15 Mar 2022 17:42:20 +0000

Продолжува изградбата на улиците во Градашорци и Василево. Тековно се гради на две локации во населеното место Василево и тоа улицата која води покрај каналот, чија должина е 420 метри и истата започнува од спојот со постоечка улица во центарот на Василево, и завршува јужно од Василево, кај индустриската зона кон Добрејци и Струмица. Другата улица во изградба во Василево е улицата од црквата Пресвета Богородица до ООУ „Гоце Делчев“ односно спојот со главната улица кај училиштето црквата во должина од 720 метри. Во населеното место Градашорци, пак се гради улицата која води од Домот на културата кон индустриската зона во должина од 432 метри, објави на социјалната мрежа на Фејсбук Славе Андонов, градоначалник на општина Василево.

Андонов: Сериозно инвестирање во инфраструктурата и образованието за овие 100 дена се само почеток и вовед во она што во континуитет ќе се случува во општина Василево

Ивана Ефремовски — Wed, 02 Mar 2022 13:47:53 +0000

„Општина Василево почна да се движи. Сериозно, обмислено, плански. Чекор по чекор во склад со можностите и ставање приоритет на најнеопходното. И од првиот ден заедно со граѓаните, максимално почитувајќи ги нивните барања и сугестии. 100 дена исполнети со предизвици и обременети од енормно големиот затекнат долг, поради кој е отежнато дури и секојдневното функционирање на локалната самоуправа. Најголем предизвик со кој се соочив во почетокот на мојот мандат е катастрофалната финансиска состојба“, истакна Славе Андонов, градоначалник на општина Василево при регионалниот отчет во Гевгелија насловен „Промени што носат иднина - 100 дена локална власт отчет на ВМРО-ДПМНЕ“.

Андонов додаде дека пред неколку недели по изборите следуваше сериозна можност за исклучување на струјата. Но како резултат на максималната ангажираност на вработените во општината, кои беа на висина на задачата до тоа не дојде.

„Затекнав долг од преку 80 милиони денари, блокирана сметка од преку 10 милиони денари. Но ние почнавме да ги враќаме долговите, повеќето фирми кои ја блокираа сметката на општината, ги исплативме и ветувам овде и денес дека општина Василево во мојот мандат ќе биде општина без блокирана сметка како и што доликува“, рече Андонов.

Андонов посочи дека во соработка со ЈПКД „Турија“ уште од првиот ден се започна битката со депониите. Се исчисти и просторот околу детската градинка во Василево, се исчистија и дивите депонии на влезовите од населените места Сушево и Нова Маала. Исчистени се каналите во населените места Седларци, Ангелци и Градашорци, со што им ја вративме првобитната намена.

„Извршивме проширување на мрежата на атмосферската канализација во с. Василево. Во населените места Чанаклија и Дукатино спроведовме активности на порамнување и уредување на улици и земјени површини. Населеното место Добрашинци доби две новоасфалтирани улици, едната во должина од 100 а другата од 165 метри. Нов асфалт во должина од 250 метри поставивме и на пристапниот пат што води до населеното место Нова Маала“, нагласи Андонов.

Андонов рече дека во делот на локалната патна инфраструктура тековно се работи на три големи проекти: целосна реконструкција на локалниот пат Ново Владевци-Старо Владевци во должина од околу 2 км, и буџет од речиси 20 000 000 денари, како и две улици во Василево, од црквата до училиштето Гоце Делчев, во должина од 720 метри и улицата покрај каналот чија должина е 420 метри.

„Во овој краток период успеавме да инвестираме и во образованието. Со бекатон го уредивме дворот на подрачното училиште во населеното место Дукатино. Во централното училиште во Василево каде наставата се одвива во две смени го осветливме училишниот двор. За поквалитетна настава двете основни општински училишта во Василево и Нова Маала добија кабинети по биологија и хемија“, појасни Андонов.

Андонов истакна дека овие 100 дена се само почеток и вовед во она што во континуитет ќе се случува во општина Василево, а тоа е работа во функција на доброто на сите граѓани на општина Василево. Осмислено, плански ќе се продолжи и понатаму.

Општина Василево и ЈПКД Турија тампонираа улица во село Василево

Ивона Петрова — Tue, 16 Nov 2021 12:11:59 +0000

ЈПКД „Турија“ Василево, по налог на општина Василево денес вршеше насипување и тампонирање на една од неасфалтираните улици во населеното место Василево. Според информацијата од претставникот од ЈПКД „Турија“, за реализација на оваа активност, која опфаќа пополнување на дупките со чакал и тампонирање на улицата во целата должина, употребени се околу 15 м3 чакал. На лице место беше и градоначалникот на општина Василево Славе Андонов, кој направи увид во текот на денешната активност, која е само една од низата активности од комуналната сфера, со која директно се влијае врз подобрување на секојдневното живеење на граѓаните од општина Василево.

Николоски: Додека вам зелената мафија ви го јаде трудот, Заев се вози во ново БМВ 7 од над 100 илјади евра

Тале Кристо — Sun, 10 Oct 2021 17:42:18 +0000

Од вашата одлука зависи колку сакате да се променат работите. И треба да знаете дека со Заев на чело на државата шансите и се буквално нула за позитивно да оди напред, буквално нула, вели потпретседателот на ВМРО-ДПМНЕ Александар Николоски пред граѓаните во општина Василево. Николоски истакна дека овие избори се референдум дали Македонија ќе се менува, или ќе се дозволи на Заев уште четири години национално да ја обезличува државата, и економски да ја пустоши. Она што е сигурно дека со оваа власт државата тоне, не создава иднина и ги уништува шансите за било каков напредок. Власта се плаши од вас, власта се плаши од пораз. Уплашени се им се гледа и затоа овие избори се референдум, овие избори се референдум за владеењето на оваа ненародна власт. На 17ти октомври покрај за градоначалник, покрај за носител на листа, одлучуваме и за тоа каде ќе се движи Македонија, рече Николоски. На 17ти октомври одлучуваме дали Македонија ќе се менува и ќе дојдат промените во Македонија, или ќе се дадат уште четири години можност на Заев и неговата екипа национално да ја обезличува и економски да ја опустошува Македонија, потенцираше тој. Николоски пред граѓаните на Василево посочи дека додека трудот и маката на луѓето им го јаде зелената мафија, Заев вози ново БМВ кое како што рече тој чини од 100 до 120 илјади евра. Додека вие тука се мачите и маката ви ја цица зелената мафија која што ви го јаде трудот, Зоран Заев вози нов тип БМВ 7 кое што кошта некаде околу 100 до 120 илјади евра. Тоа е отприлика колку 20 цели семејства да работата цела година и се што ќе заработат да продадат, нагласи Николоски. Николоски ги повика граѓаните да дадат поддршка за ВМРО-ДПМНЕ и да создадат нова иднина, која ќе донесе проекти.