василичарски оган – Kurir.mk

СЕКОЈ ВЕРНИК МОРА ОВА ДА ГО ПРОЧИТА: Дали сте знаеле зошто се пали оган вечерва, а утре се крши пита со паричка?

Дарко Андоновски — Fri, 13 Jan 2023 09:30:40 +0000

Голем број македонски семејства ја празнуваат Василица како домашна слава, а оние што го носат името на свети Василиј Велики го слават својот именден. Василица или Стара Нова година, како што меѓу народот е познат, е празник за кој во традицијата на Македонците има најмногу обичаи. Тие генерално имаат сличности, но се разликуваат во нијанси од едно до друго место. Култот што за овој празник е изграден е толку голем, што го прави еден од најпразнуваните празници по Велигден, Божиќ и Водици. Голем број македонски семејства ја празнуваат Василица како домашна слава, а оние што го носат името на свети Василиј Велики го слават својот именден. На Василица верниците кршат и пита со паричка и исто така се верува дека оној на кој ќе му се падне паричката ќе биде среќен во текот на целата година. Старата година се испраќа и со палење василичарски огнови, кои се симбол на божествената светлина што, според народните верувања, ги прогонува лошите сили. Во голем дел од градовите низ Македонија се организираат маскенбали, или популарно наречени василичарски карневали. Нивното одржување се поврзува со испраќањето на Старата година и дочекот на Новата, за која се верува дека треба да биде подобра и посреќна. Според теолозите, токму во житието на свети Василиј лежи причината поради која на овој ден се дели лепче со паричка. – Во времето кога свети Василиј Велики станал архиепископ кесариски, епархот на Кападокија, кој бил многу алчен и груб човек, имал обичај редовно да доаѓа со својата војска и да го ограбува градот. Кога на свети Василиј му јавиле дека епархот повторно доаѓа, тој побарал од богатите луѓе во Кесарија да ги донесат сиот свој накит и златници. Кога епархот пристигнал, свети Василиј го пречекал и му го понудил богатството. Епархот се изненадил и одбил да земе што било, ниту пак го ограбил градот. Свети Василиј останал со сиот накит и златници токму на новогодишната вечер, не знаејќи што кому му припаѓа. Тогаш просветлен од Господ, ги замолил готвачите да направат мали лепчиња за секој верник. Во секое лепче ставил малку накит и златници. На денот на Нова година, кога сите луѓе дошле в црква, тој на секој му дал по едно лепче. Тоа што секој го нашол во лепчето било токму тоа што претходно го дал – пишува во житието за свети Василиј. За спомен на овој настан и денес се практикува на денот на свети Василиј Велики, односно на Нова година (по стариот календар,) да се меси лепче со паричка во него. Стара Нова година, односно почетокот на православната година по јулијанскиот календар, покрај верниците на Македонската православна црква-Охридска архиепископија, ја слават и Српската и Руската црква, Ерусалимската патријаршија и дел од Света Гора.

Во Охрид василичарски оган под вода (ВИДЕО)

Тале Кристо — Thu, 13 Jan 2022 16:10:57 +0000

Кај музејот на вода нуркачите од Нуркачкиот центар АМФОРА од Охрид на атрактивен и за нив препознатлив начин по трет пат под вода го запалија традиционалниот василичарски оган со кој ја најавија Стара нова година. На богатата трпеза беа испечените колбаси и квалитетно македонско вино. Со ова нуркачите од АМФОРА на православните христијани им ја честитаат Стара нова година и Василица како и престојните празници Богојавленије Водици и Св. Јован крстител -денот на рибарите.

Вечерва се палат василичарските огнови и се крши лепчето со паричка – еве што ве очекува доколку ви се падне паричката

Дарко Андоновски — Thu, 13 Jan 2022 14:56:48 +0000

Православните христијани кои се водат според Јулијански календар денес на 13 јануари ја пречекуваат Православната или Старата нова година. Голем број македонски семејства Василица ја празнуваат како домашна слава, а оние кои го носат името на Свети Василиј Велики го слават својот именден. На Василица верниците кои се водат по овој календар кршат и лепче со паричка и исто така се верува дека на оној кој ќе му се падне паричка ќе биде среќен во текот на целата година. Старата година се испраќа и со палење василичарски огнови, кои се симбол на божествената светлина што, според народното верување, ги прогонуваат лошите сили. Инаку, Свети Василиј Велики е еден од тројцата најголеми црковни учители од четвртиот век. Родум бил од Кападокија, а завршил школо во Атина. Тој бил голем христијански филозоф, а се прославил и како епископ и заштитник на чистотата на православното учење. Свети Василиј Велики се упокоил на 14 јануари во 379 година.

Традиционалното палење на Василичарски Оган во Ѓорче Петров

Тале Кристо — Sun, 12 Jan 2020 16:46:36 +0000

Во понеделник, на 13ти Јануари, во 18:00 часот, пред Месната Заедница во Даме Груев, ќе се оддржи традиционалното палење на Василичарски Оган. Поканети се сите граѓани на Ѓорче Петров и пошироко да присуствуваат на оваа преубава традиција. Од страна на организаторите, секако и кумот, обезбедени се топли, ладни пијалоци и мала закуска.

Мицкоски: Нашата задача не е борба за гола власт, туку Македонија да престане да губи- тој процес ќе престане само ако власта си замине

Дарко Андоновски — Sun, 13 Jan 2019 19:24:22 +0000

Претседателот на ВМРО-ДПМНЕ Христијан Мицкоски вечерва во пресрет на православниот празник Стара нова година беше на Василичарска средба во населбата Даме Груев. По тој повод објави и статус на Фејсбук. -Вечерва во пресрет на празникот Св. Василиј Велики бев на Василичарската средба што за таа цел се организира во населбата Даме Груев, во скопско Ѓорче Петров. Убава Македонска и Христијанска традиција каде се сретнав со граѓаните, посакав добро здравје, подобар живот и исполнување на личните желби. Можеше да се забележи една заедничка грижа, едно горко чуство кај граѓаните, силен товар и мака, од промената на името и неправдата која му се нанесе на нашиот народ и држава оваа власт.

Ние како ВМРО-ДПМНЕ мора да настојуваме и ќе настојуваме таа неправда да биде исправена. Нашата задача не е борба за гола власт, туку пред се нашата цел е Македоноја да престане да губи, а тој процес единствено ќе престане доколку оваа власт си замине. Македонија горда, достоинствена, заедничка, стаменита, исправена и напредна. Ова е нашата цел и нашата задача. И оваа цел ќе ја исполниме заеднички, обедените и силни, затоа што нам ни треба силна Македонија!, стои во статусот на Мицкоски.

Tрадиционално палење на Василичарски oган утре во Даме Груев

Ивона Петрова — Sat, 12 Jan 2019 18:03:24 +0000

Во недела, на 13ти Јануари, во 18:00 часот, пред Месната Заедница во Даме Груев, ќе се оддржи традиционалното палење на Василичарски Оган. Поканети се сите граѓани на Ѓорче Петров да присуствуваат на оваа преубава традиција. Од страна на организаторите, секако и кумот, обезбедени се топли, ладни пијалоци и мала закуска. Да останеме верни на вековните традиции. Се гледаме во Даме Груев.