василије мициќ – Kurir.mk

Анадолу Ефес најде замена за Василије Мициќ

Бошко Тасиќ — Thu, 06 Jul 2023 05:09:49 +0000

Поранешниот европски кошаркарски шампион Анадолу Ефес остана без услугите на еден од своите најдобри играчи Василија Мициќ кој реши да се пресели во НБА лигата и во иднина ќе биде дел од Оклахома Сити Тандер. Неговото заминување е проблем за турскиот прволигаш кој ќе мора да најде достојна, квалитетна замена, играч кој во исто време ќе знае да биде ефикасен, но и да ја разигрува екипата кога е потребно. Според последните информации клубот од Истанбул ќе го доведе Дариус Томпсон кој имаше квалитетна сезона во Басконија. Томпсон беше прогласен на најдобар „руки“ во Евролигата, поточно во дебитанската кампања во ова натпреварување имаше учинок од 12,6 поени, 3,2 скока и 6,7 асистенции по натпревар. Проблем за Ефес е тоа што и Олимпија Милано е заинтересирана за Америкецот кој во исто време се надева дека би може да добие понуда и од НБА лигата.

Василије Мициќ за 23,5 милиони долари потпишува за Оклахома

Бошко Тасиќ — Sat, 01 Jul 2023 17:15:47 +0000

Откако Саша Везенков потврди дека се договорил со Сакраменто, уште една голема ѕвезда на европската кошарка оди во НБА лигата. откако Василије Мициќ се договорил со Оклахома за тригодишен договор вреден 23.500.000 долари, пренесува инсајдерот Адријан Војнаровски. Двократниот шампион во Евролигата реши да го направи најголемиот чекор во кариерата и заминува во НБА. Мициќ ја смени агенцијата за американскиот пазар што беше најава дека има намера да оди во најсилната кошаркарска лига на светот.

Василије Мициќ сака да ја продолжи кариерата во НБА лигата

Бошко Тасиќ — Sun, 25 Jun 2023 14:08:07 +0000

Еден од најдобрите српски кошаркари Василије Мициќ најверојатно кариерата да ја продолжи во НБА лигата. По финалната плеј-оф серија во Турција и освоената титула со Ефес, Мициќ заминува „преку океанот“ на финални преговори со Оклахома, која има право да го потпише. „Го следиме развојот на настаните, Мициќ навистина сака да ја продолжи кариерата во НБА, но во моментов ништо не се знае. Се зависи од Мициќ“, изјави директорот на Ефес, Алпер Јилмаз.

Василије Мициќ го напушта Анадолу Ефес и заминува во НБА лигата

Бошко Тасиќ — Tue, 20 Jun 2023 04:52:49 +0000

Српскиоткошаркарски репрезентативец Василије Мициќ ќе го напушти Анадолу Ефес и ќе ја продолжи кариерата во НБА лигата поточно во екипата на Оклахома сити тандер. Неофицијално двете страни се договориле, а Оклахома би го претставила Мициќ оваа недела после НБА драфтот на 22 јуни. Мициќ и минатата година беше пред преселба во НБА лигата меѓутоа одбра да остане во Ефес уште една сезона. Сега се чини дојде редот да игра во најсилната лига во светот.

Повредата на Василије Мициќ не е сериозна

Бошко Тасиќ — Thu, 18 May 2023 04:48:45 +0000

Еден од најдобрите кошаркари на Србија, Василије Мициќ кој ја освои наградата МВП во Евролигата во изминатите две сезони, во количка го напушти натпреварот со Фенербахче. Оваа повреда на Мициќ дојде пред Мундобаскетот, кој е на програмата кон крајот на август и се стравуваше дека бекот нема да може да игра. Сепак, од Турција доаѓаат поволни вести. Неговиот агент изјави дека Мициќ нема да го чека долга пауза, односно дека ќе паузира максимум 10 дена, и потоа ќе се врати на паркетот. Тоа е добра вест и за српскиот селектор Светислав Пешиќ кој во Мициќ гледа како еден од главните адути за добар резултат на Мундобаскетот.

Василије Мициќ на носилки изнесен од терен

Бошко Тасиќ — Wed, 17 May 2023 04:25:46 +0000

Лоши вести за Србија пред Светското првенство во кошарка. МВП на Евролигата во изминатите две сезони Василије Мициќ, се повреди откако со колено се удри со еден играч на Фенербахче во дербито на Турција, и со количка го напушти теренот. Дополнителните прегледи ќе покажат колку ќе паузира Србинот, но според првите прогнози вестите нема да бидат добри за селекторот Светислав Пешиќ. Доколку Василије Миџиќ не биде во комбинација, тоа ќе биде голем хендикеп за нашиот северен сосед.

Атаман: Мициќ наскоро се враќа на теренот, повредата не е сериозна

Бошко Тасиќ — Mon, 06 Mar 2023 06:02:15 +0000

Повредата на Василије Мициќ изгледа дека не е толку сериозна и голема е веројатноста дека нема да биде подложен на операционен зафат.Мициќ ги пропушти двете последни евролигашки средби на Анадолу Ефес. „Мициќ започна со индивидуални тренинзи, а паралелно оди и на секојдневните терапии. Ситуацијата малку се подобри последниве денови и тој ќе се приклучи на тимските тренинзи на почетокот од следната недела. Доколку тој се чувствува како што треба, секако дека ќе игра, тој секогаш има огромна желба да игра. Откако почна сам да тренира, двапати се пожали дека ја чувствува болката во коленото. Некои зборуваа и за операција, меѓутоа докторите рекоа дека во моментов не е неопходна. Се надевам дека многу бргу ќе го имаме пак во тимот, тој е одличен играч кој премногу даде за овој клуб последниве четири години“, заклучи Атаман.

Лоши вести за Атаман – заврши сезоната за Мициќ?

Бошко Тасиќ — Sun, 26 Feb 2023 19:13:50 +0000

Најдобриот играч од претходните Ф4 во Евролигата, кошаркарот Василије Мициќ е во опасност да не заигра за својот клуб до крајот на оваа сезона. Српскиот репрезентативец не играше на мечот против Асвел, а интересно е тоа што клубот не излезе со официјална информација за неговото отсуство. На тоа единствено се осврна тренерот на Ефес пред синоќешниот меч. „Не сум сигурен дека Василије Мициќ ќе се врати на теренот до крајот на оваа сезона“, изјави турскиот стручњак. Неговата изјава делумно ја демантираше менаџерот на Мициќ, Мишко Ражнатовиќ кој за српски медиуми рекол дека во моментов ниш

Европскиот првак ќе остане без Ларкин и Мициќ?

Бошко Тасиќ — Sat, 04 Jun 2022 06:44:09 +0000

Неколку дена откако излезе веста дека Ергин Атаман е еден од кандидатите за позицијата помошник тренер во еден од НБА тимовите, се појавија гласини дека НБА тим е заинтересиран за Ларкин. Исто така се шпекулира дека во НБА, кариерата ќе ја продолжи и партнерот на Ларкин во бековската линија, Василије Мициќ. За Ларкин се заинтересирани Вашингтон Визардс, а тој во НБА лигата настапуваше за екипите на Далас, Њујорк, Бруклин и Бостон, пред да дојде во Европа во 2018 година и да го облече дресот на Ефес со кој испиша историја.

Василије Мициќ МВП на фајнлфорот во Белград

Бошко Тасиќ — Sat, 21 May 2022 19:13:19 +0000

Српската кошаркарска ѕвезда Василие Мициќ ја доби наградата за најкорисен кошаркар (МВП) на фајнлфорот во Евролигата во Белград, после победата на Анадолу Ефес против Реал Мадрид во финалето со 58-57 за втора титула по ред за турскиот клуб. Мициќ повторно блескаше и беше лидер и предводник на Ефес, постигна 24 поени, меѓу кои и неколку клучни тројки, па откако погоди за пласман во финалето со тројка во последната секунда во полуфиналната пресметка со Олимпијакос, сега повторно беше еден од клучните играчи и за новата титула.