васка илиева – Kurir.mk

ВЕЧНА СЛАВА: 21 година од смртта на Васка Илиева, доајенот на македонската народна музика

Ивона Петрова — Wed, 04 May 2022 06:24:55 +0000

Пред 21 година, на 4 мај 2001 година, во Скопје на 78-годишна возраст умрела Васка Илиева, една од најпрочуените пејачки на македонски народни песни. Меѓу многубројните антологиски хитови и денес препознатливи се „Мост ми ѕидале девет мајстори“, „Излегол Невен Пејо“, „Сестра моли брата за вечера“, „Судбо моја судбино“, „Сношти појдов мила мамо“, „Кој што ме чуе да пеам“, „И ние сме деца на мајката земја“, „Четворица комити“, „Кога падна на Пирина“, „Излегол Јане Сандански“, „Таму далеку на Балканот“, „Заплакало е Мариово“, „Не плачи мајко, не жалај“, „Кога се мажеше што ти се чинеше“, „Врати се мило либе“, „Земјо Македонска“… Васка Илиева е родена во скопската населба Чаир на 21 декември 1923 г. во семејство на музичари. Нејзиниот татко, Тодор Бошков Велков, бил познат гајдаџија. Васка Илиева својата музичка кариера ја започнува пред 1950 г. во Државниот ансамбл за народни песни и игри „Танец“. Поради ненадминатиот стил на пеење и неповторливиот глас, Илиева многу брзо станува многу популарна и настапува на безброј концерти, не само во татковинатa, туку и во тогашна Југославија, како и секаде во светот каде што живеат Македонци. За време на долгата музичка кариера, во Република Македонија и насекаде по светот каде што живеат Македонци ја нарекуваа „Жива легенда“ на македонската народна песна, „Кралица на македонската народна песна“, како и „Амбасадор на македонската народна музика“. Илиева остави зад себе богато културно и духовно наследство. Вечна и слава!

Пешевска: Одбележуваме 20 години од смртта на Васка Илиева, таа е целосно заборавена од државата

Ивана Ефремовски — Tue, 04 May 2021 19:49:31 +0000

На денешен ден, пред 20 години почина доајенот на македонската народна песна Васка Илиева. За жал, иако денес се навршуваат 20 години од нејзината смрт, таа е целосно заборавена од државата. Денес, никаде не прочитавме вест во која ќе се спомне годишнината од смртта на Васка Илиева, жената која како славеј ја разнесе македонската песна низ светот, истакнува Жаклина Пешевска од ВМРО-ДПМНЕ. -Унијата на жени на ВМРО-ДПМНЕ изразува јавна осуда, до Министерството за култура на Република Македонија за односот кон луѓето кои оставиле траен белег за Македонија, а се починати и денес никој не ги споменува. Унијата на жени на ВМРО-ДПМНЕ, нема да дозволи да се заборави ликот и делото на ниту една жена, која со својата работа и битисување оставила белег за нашата Македонија, напиша таа.

На денешен ден почина Васка Илиева, доајенот на македонската народна музика

Магдалена Андонова — Tue, 04 May 2021 12:37:16 +0000

Васка Илиева (21 декември 1923 во Скопје - 4 мај 2001 во Скопје) — македонска пејачка, доајен на македонската народна песна и една од најпознатите македонски изведувачи на народна музика. Васка Илиева е родена во скопската населба Чаир на 21 декември 1923 г. во семејство на музичари. Нејзиниот татко, Тодор Бошков Велков, бил познат гајдаџија. Васка Илиева својата музичка кариера ја започнува пред 1950 г. во Државниот ансамбл за народни песни и игри „Танец“. Поради ненадминатиот стил на пеење и неповторливиот глас, Васка Илиева многу брзо станува многу популарна и настапува на безброј концерти, не само во татковинатa, туку и во тогашна Југославија, како и секаде во светот каде што живеат Македонци. Станува препознатлива со песните: „Земјо македонска“, „Имала мајка“, „Излегол Невен Пејо“, „Аир да не сториш мајко“, „Сестра кани брата на вечера“ и многу, многу други. За време на долгата музичка кариера, во Република Македонија и насекаде по светот каде што живеат Македонци ја нарекуваа „Жива легенда“ на македонската народна песна, „Кралица на македонската народна песна“, како и „Амбасадор на македонската народна музика“. Починала на 4 мај 2001 г. во родното Скопје на возраст од 77 години, оставајќи зад себе богато културно и духовно наследство. Во нејзина чест, а по повод 10 години од нејзината смрт, беше организиран и одржан концерт во Македонската опера и балет, на кои концерт настапија познати музички имиња, како и нејзиниот наследник Сузана Спасовска. Вечна и слава!

Овој 4 мај не е кобен само за Вучиќ: Македонија низ историјата загуби многу личности на овој датум, особено оваа пејачка (ФОТО)

Дарко Андоновски — Mon, 04 May 2020 19:06:42 +0000

Македонската јавност денеска остана во неверување по веста дека на 65 годишна возраст од коронавирус почина македонскиот музичар, автор и телевизиски водител Драган Вучиќ. Тој почина на Инфективната клиника во Скопје каде бил примен пред неколку денови поради компликации со вирусот. Според медиумите и неговата сопруга е позитивна на вирусот. Тој ќе биде погребан утре на градските гробишта во Бутел. Вучиќ инаку почина на датумот кој е врежан во меморијата на територијата на поранешната Југославија кога во 1980 почина Јосип Броз Тито. На 4 мај во 2001 година почина и македонската легендарна пејача на народна музика Васка Илиева. Таа е доајен на македонската народна песна и еден од најпознатите македонски изведувачи на народна музика. Почина на 77 годишна возраст оставајќи зад себе богато културно и духовно наследство. На денеш ден починаа и револуционерите Гоце Делчев во 1903-та година и Пере Тошев во 1912 година.