Васко Ѓурчиновски – Kurir.mk

Генерал Ѓурчиновски во официјална посета на Вооружените сили на Србија

Тале Кристо — Fri, 06 Oct 2023 06:54:07 +0000

Началникот на Генералштабот на Армијата, генерал-потполковник Васко Ѓурчиновски по учеството на состанокот на иницијативата DECI во Република Хрватска, како дел од планираните билатерални армиски активности, денеска е во официјална посета на Вооружените сили на Србија. Генерал Ѓурчиновски во текот на денешниот ден ќе го посети Генералштабот на Војската на Србија каде ќе има средба со неговиот српски колега, генерал Милан Мојсиловиќ. Ќе се разговара за регионалните иницијативи како платформи за зајакнување и одржување на стабилноста и безбедноста на регионот како приоритетно значење, кое се постигнува со отворен дијалог и добрососедски односи. Република Северна Македонија и Србија учествуваат во регионалните иницијативи СЕДМ, Балканските медицински сили, иницијативата Б-9 на началниците на Генералштабови и Центарот за безбедносна соработка – РАКВИАК, кои се од заеднички интерес за земјите и преку кои се унапредува билатералната соработка и регионалната безбедност, соопшти ГШ на АРСМ.

Началникот на Генералштабот ги посети армиските припадници ангажирани во Словенија

Ивона Петрова — Fri, 25 Aug 2023 13:03:20 +0000

Началникот на Генералштабот на Армијата, генерал-потполковник Васко Ѓурчиновски, во придружба на амбасадорот на Република Северна Македонија во Љубљана, Горан Милевски и командантот на командата за операции, бригаден генерал, Бесник Емини, денеска во Межица, Словенија ги посети припадниците на Армијата, ангажирани во справувањето со последиците од поплавите. На средбата како што информираат од Генералштабот на Армијата со нашите припадници од страна на генералот Ѓурчиновски им било искажано признание за покажаната професионалност и залагање при извршувањето на дадените задачи во расчистување на теренот и санирање на последиците од катастрофалните поплави. Притоа, генералот Ѓурчиновски на нашите армиски припадници им порачал дека со несебичниот и безрезервен ангажман во вакви критични ситуации тие ја претставуваат во најдобро светло не само Армијата, туку и татковината. Тој го истакнал и значењето на партнерството и солидарноста помеѓу двете Армии кои се резултат на одличните меѓусебни релации, но и на сојузништвото во рамки на НАТО. За време на престојот во Межица, генералот Ѓурчиновски, амбасадорот Милевски и генералот Емини ги посетиле дел од местата каде во досегашниот период се ангажирале нашите армиски припадници. -Сто припадници на Армијата на Република Северна Македонија се ангажирани во помош во справувањето со последиците од поплавите во Словенија во Межица, Чрна на Корошкем, Жерјав и Превалје, при што извршуваа повеќе задачи во расчистување на наноси од поплавите во витални објекти, спортски игралишта, улици, дом на културата, приватни сместувачки капацитети, но и при поставувањето на мостови, се наведува во соопштението. За периодот на нивниот ангажман кон нив биле изразени пофални зборови од военото раководство на словенечката Армија, но и од страна на министерката за информатичко општество Емилија Стојменова Дух. Во армискиот состав се припадници од повеќе потчинети единици од командата за операции и логистичката база, меѓу кои најголем број од вториот пешадиски баталјон и извидувачко разузнувачкиот баталјон, но и специјалистички тимови од инженерци за ракување со инженериски машини, лекари и болничари, припадници од единицата за АБХО.

Ѓурчиновски во посета на припадниците на Армијата ангажирани во Словенија

Ивона Петрова — Thu, 24 Aug 2023 15:53:51 +0000

Началникот на Генералштабот на Армијата, генерал-потполковник Васко Ѓурчиновски, во текот на следните два дена ќе оствари посета на припадниците на Армијата кои се ангажирани во справувањето со последиците од поплавите во Република Словенија, информира службата за односи со јавност при ГШ на Армијата. Генералот Ѓурчиновски е придружуван од командантот на командата за операции, бригаден генерал, Бесник Емини, од чии потчинети единици е најголемиот дел од ангажираните припадници. Составот од сто припадници на Армијата на Република Северна Македонија е ангажиран во реонот на Межице, кој е еден од погодените подрачјата од катастрофалните поплави кои на почетокот на месецот се случија во Република Словенија.

Началникот на Генералштабот на Армијата во работна посета на САД

Тале Кристо — Mon, 05 Jun 2023 06:43:33 +0000

Началникот на Генералштабот на Армијата, генерал-потполковник Васко Ѓурчиновски, од денеска ќе престојува во повеќедневната работна посета на Соединетите Американски Држави. За време на престојот во САД, генералот Ѓурчиновски ќе го посети Пентагон, каде што ќе оствари средби со највисоки воени раководители, по што во Вермонт ќе присуствува на церемонија за одбележување на јубилејните 30 години, од воспоставување на програмата за соработка со Националната гарда на Вермонт. Исто така, ќе го посети Детроит каде се седиштата на фирмите кои се производители на оклопните возила од типот „Страјкер“ и „ЏЛТВ“ со кои согласно долгорочниот план за развој на одбранбените способности се опремува македонската армија, соопшти ГШ на Армијата.

Началникот на ГШ на АРМ во посета на Бугарија

Ивона Петрова — Wed, 17 May 2023 07:03:07 +0000

Началникот на Генералштабот на Армијата, генерал-потполковник Васко Ѓурчиновски од денеска до петок е во работна посета на Република Бугарија. Ѓурчиновски, според најавата, утре ќе учествува на 16. конференција на началниците на Генералштабови на армиите на балканските земји, што се одржува во Софија.

НГШ на Армијата на редовен состанок на ВК на НАТО во Брисел

Ивона Петрова — Wed, 10 May 2023 15:57:18 +0000

Началникот на Генералштабот, генерал-потполковник Васко Ѓурчиновски, кој се наоѓа во работна посета во Брисел, во текот на денешниот ден во седиштето на НАТО во Брисел учествува на редовната конференција на Воениот комитет (ВК) на НАТО, информираат од Министерството за одбрана. На конференцијата, со која раководи претседавачот на ВК, адмирал Роб Бауер, учествуваат и врховните команданти на Сојузничките сили во Европа и на Сојузничките сили за трансформација, генералите Кристофер Каволи и Филип Лавињ. - На почетната сесија, од страна на генералниот секретар Јенс Столтенберг, пред првите луѓе на армиите на земјите членки на НАТО и Шведска, како поканета земја, се опфатени клучните приоритети и предизвици кои се од стратешко значење за Алијансата. Во работните сесии, согласно агендата, началниците на генералштабовите најпрвин дискутирале за актуелната состојба во Украина и продолжување на континуитетот на поддршката на НАТО за Украина, известуваат од МО. Во текот на конференцијата се разговара и за имплементација и зајакнување на позициите на НАТО во однос на политиката за одбрана и одвраќање, пред одлуките на претстојниот самит во Вилнус, како и дополнителни насоки во врска со ревизијата на одбранбената положба на НАТО, договорена на претходниот самит во Мадрид. - Донесените заклучоци, по завршување на денешната конференција на ВК, ќе бидат соопштени од претседавачот и врховните команданти на Сојузничките сили, посочуваат од МО. Генералот Ѓурчиновски ќе оствари и билатерални средби со првите луѓе на сојузничките армии, преку кои ќе се разменат ставови и иницираат билатерални одбранбени активности. Началникот на Генералштабот, за време на работната посета, ќе го посети военото претставништво на Република Северна Македонија во Шејп, Монс и ќе оствари средби со нашите претставници во мисијата при НАТО. - Армијата на Република Северна Македонија активно придонесува во сите активности на НАТО, каде покрај меѓународните операции и заедничките вежбовни активности учествува и во командните и штабни структури на НАТО. Со нашето учество во рамките на НАТО мисиите „Зајакнато истурено присуство“ во Латвија и „Активности на зголемена будност“ во Бугарија и Романија ја демонстрираме нашата подготвеност и интероперабилност и сме респектабилен партнер во колективниот систем за одвраќање и одбрана на НАТО, истакнуваат од Министерството за одбрана.

Началникот на ГШ Ѓурчиновски на конференција на Воениот комитет на НАТО

Тале Кристо — Wed, 10 May 2023 06:10:36 +0000

Началникот на Генералштабот на Армијата, генерал-потполковник Васко Ѓурчиновски денеска во седиштето на НАТО во Брисел ќе учествува на редовнaта конференција на Воениот комитет на НАТО во формат на началници на генералштабови, на која ќе се дискутира за повеќе стратешки прашања од значење за Алијансата. За време на престојот во Брисел, генералот Ѓурчиновски ќе го посети военото претставништво на Република Северна Македонија во SHAPE, Монс каде ќе оствари средби и со нашите претставници во мисијата, соопшти ГШ на Армијата.

Началникот на ГШ, генерал-потполковник Васко Ѓурчиновски на конференција на Воениот комитет на НАТО

Тале Кристо — Tue, 09 May 2023 13:42:18 +0000

Началникот на Генералштабот на Армијата, генерал-потполковник Васко Ѓурчиновски од денеска е во официјална посета на Брисел. Генералот Ѓурчиновски утре во седиштето на НАТО во Брисел ќе учествува на редовнaта конференција на Воениот комитет на НАТО во формат на началници на Генералштабови, на која ќе се дискутира за повеќе стратешки прашања од значење за Алијансата. За време на престојот во Брисел, генералот Ѓурчиновски ќе го посети военото претставништво на Република Северна Македонија во SHAPE, Монс каде ќе оствари средби и со нашите претставници во мисијата, соопшти ГШ на Армијата.

Генерал Ѓурчиновски во посета на Италија, се разгледуваат можностите за збогатување на воената соработка

Ивона Петрова — Fri, 11 Nov 2022 12:13:15 +0000

Началникот на Генералштабот на Армијата, генерал-потполковник Васко Ѓурчиновски, со денешната посета на највисоката воена образовна институција на италијанските Вооружени сили – Центарот за високи одбранбени студии, каде пред студентите одржа предавање, ја заокружи неколкудневната работна посета на Вооружените сили на Италија, соопшти ГШ на Армијата. Претходно, во текот на вчерашниот ден, генералот Ѓурчиновски имаше средба со началникот на Генералштабот на Вооружените сили на Италија, адмирал Џузепе Каво Драгоне, на која се разговараше за тековната билатерална воена соработка, како и за облиците за нејзино проширување. Притоа, се истакна унапредувањето на понатамошната соработка, како заедничко учество во активностите на НАТО, во иницијативи со кои се подобрува безбедноста во регионот, изведување на заедничка обука и користење на капацитетите на АП „Криволак“. За време на средбата од страна на началниците на генералштабовите беше истакнато значењето на воената соработка на двете земји за безбедноста во регионот и пошироко, како и во подобрување на заедничката интероперабилност во рамки на НАТО. Генералот Ѓурчиновски за време на престојот во Италија, оствари средби и со заменикот на командантот на Командата на здружените оперативни сили, генерал-потполковник, Никола Ланца де Кристофорис, претседателот на Центарот за високи воени студии, вицеадмирал, Ѓакинто Отавиани и командантот на НАТО Корпусот за брзо распоредување – Италија, генерал-потполковник, Лоренцо Ди Адарио. Воената соработка со Република Италија во одбраната, која е започната уште од мај 1997 година, се одвива низ повеќе армиски активности и поддршка во военото образование и обука, експертски разговори и менторирања во специфични области, но и заедничко учество во операциите на НАТО и Обединетите нации. Значењето на подобрувањето на меѓусебната воена соработка за надминување на актуелните најразновидни безбедносни предизвици особено во регионот, помеѓу другото беше посочено и пред слушателите на Центарот за високи воени студии во Рим за време на обраќањето на генералот Ѓурчиновски, кој пред 10 години дипломирал на оваа високо воена образовна институција.

Началникот на ГШ на Армијата Ѓурчиновски во посета на Вооружените сили на Унгарија

Катерина Бојаџиева — Wed, 19 Oct 2022 06:34:00 +0000

Началникот на Генералштабот на Армијата, генерал-потполковник Васко Ѓурчиновски е во дводневна официјална посета на Вооружените сили (ВС) на Унгарија. Генералот Ѓурчиновски во текот на денешниот ден, во Генералштабот на ВС на Унгарија, по пречек со воени почести ќе има средба со својотдомаќин, началникот на Генералштабот, генерал-потполковник Ромулус Русин-Сенди. Тема на официјалните разговори, покрај разгледување на можностите за проширување на воената соработка, ќе бидат и ангажманот во операциите предводени од НАТО, како и безбедносните предизвици во регионот, соопшти ГШ. Делегацијата на Армијата на Република Северна Македонија, предводена од генералот Ѓурчиновски, за време на престојот ќе посети и една од воздухопловните бази на ВС на Унгарија, каде ќе се запознаесо активностите на единицата. Билатералните активности помеѓу двете сојузнички армии се на континуирано високо ниво, при што средбите помеѓу началниците на Генералштабови се реализираат еднаш на годишно ниво. Министерствата за одбрана на Република Северна Македонија и Република Унгарија имаат потпишано договор за соработка во 2002 година. На воено-образовните институции во Република Унгарија се школувале голем број на припадници на Армијата на Република Северна Македонија, се вели во соопштеието од ГШ.