Васко Кичевски – Kurir.mk

Директорот на ПОЦ за масовната тепачка: Се тепаа пријателите од мојата маса, јас само гледав

Ивана Ефремовски — Wed, 11 Aug 2021 16:07:25 +0000

Директорот на ПОЦ Васко Кичевски, ја демантира информацијата објавена во медиумите дека бил нападнат во кафеана во Дебар Маало. Вели дека тој не се тепал, само седел на масата, а информациите кои ги објавиле медиумите штетеле на неговиот углед. Демантот го објавуваме во целост: Во текот на денешниот ден 11.08.2021 година на порталот СДК беше објавен текст со наслов „ВО КАФЕАНА ВО ДЕБАР МААЛО НАПАДНАТ ДИРЕКТОРОТ НА ПОЦ ВАСКО КИЧЕВСКИ, ВО ГРУПНА ТЕПАЧКА СО СТАКЛО ПОВРЕДЕНИ И ГОСТИ“ во кој беа наведини неточни информации кој го рушат мојот углед и угледот на претпријатието со кое управувам. Би сакал најострого да ја демантирам оваа информација за било каква инволвираност од моја страна во вчерашиот инцидент кој се случи во ресторанот Дебар Мало. Имено сакам да ја информирам јавноста дека јас не учествував во инцидентот иако се случи на масата на која што седев. Двајца за мене непознати лица дојдоа во ресторанот и ги нападнаа и повредија моите пријатели. За овој инцидент има и видео запис како доказ на кој јасно се гледа дека јас бев само сведок на немилиот настан. Барам извинување од порталот СДК и корегирање на текстот бидејќи нити бев нападнат нити учествував во инцидентот. Инцидентот е веќе пријавен во МВР и во наредните денови ќе се расчисти случајот и правдата ќе биде задоволена.

Се удирало со се што ќе им дојде при рака: Групна тепачка во кафеана во Дебар Мало, меѓу повредените и директорот на ПОЦ Васко Кичевски

Тале Кристо — Wed, 11 Aug 2021 12:00:10 +0000

Ноќеска, нешто пред полноќ во една кафеана во Дебар Мало се случила тепачка каде што нападнат бил и директорот на Паркинзи Општина Центар (ПОЦ) Васко Кичевски. Имено, според присутните две лица го нападнале Кичевски кој на маса седел во кафеаната седел со уште четири други лица. Нападнатите се бранеле но и возвратиле на ударите, и настанала групна тепача при што на напаѓачите им се приклучиле уште две лица, пишува СДК.мк. Тепачката не била со голи раце, туку со тврди предмети и стаклени шишиња, чаши, што им дојде до рака на учесниците. Според очевидци, најмалку една девојка од гостите е повредена од стакло во главата. Според официјалната информација од полиција, пак, расечени се двајцата напаѓачи и двајца од нападнатите, меѓу кои не е директорот на ПОЦ. -На 10.08.2021 во 23.20 часот во СВР Скопје било пријавено дека бил нарушен јавниот ред и мир во угостителски објект во скопско Дебар Маало, со физичка пресметка помеѓу М.С.(35) од с.Бардовци, скопско, Д.А.(36), Е.Д.(36), Б.Т.(36) и В.К.(36), сите од Скопје, од една страна и С.Б.(31), А.Р.(31), двајцата од Скопје и уште две лица, од друга страна. Според пријавеното, притоа биле користени тврди и стаклени предмети, а со повреди се здобиле С.Б., А.Р., М.С. и Д.А.. Се преземаат мерки за расчистување на случајот, потврдуваат МВР.