васко ковачевски – Kurir.mk

Мери распали по Ковачевски откако поднесе оставка од директорската позиција: На кое семејство ќе му се посвети?

Тале Кристо — Thu, 06 Apr 2023 14:44:06 +0000

Поранешната сопруга на Васко Ковачевски, кој денеска објави дека се повлекува од функцијата генерален директор на АД ЕСМ, како едвај да ја чекаше неговата прес-конференција и со статус на социјалните мрежи побрза да му одговори. „На кое семејство ќе му се посвети??? На децата кои се возрасни и последните 15 год ги гледаше по 2 часа во неделата...Официјално разведен на 6 март 2023год... Татко не можиш да се правиш на 27 и 21 годишна возраст,татко си цел живот... Твојте лазни филмови рекламирај ги на друго место,а не по сите портали...Ти одамна го напушти оваа семејство...“, напиша Мери Ковачевска Димовска. Денеска на прес-конеференција Ковачевски објави дека се повлекува од функцијата во АД ЕСМ, каде останува и натаму меѓу вработените, од лични причини, односно дека сака да му се посвети на своето семејство.

Васко Ковачевски заминува од ЕСМ од лични причини

Ивона Петрова — Thu, 06 Apr 2023 12:29:01 +0000

Директорот на АД ЕСМ Васко Ковачевски од лични причини поднел оставка од функцијата и на негово место на следната владина седница ќе биде назначен, Васко Стефанов. Информацијата ја потврди премиерот Димитар Ковачевски на денешната прес-конференција во Владата посветена на годишниот извештај на АД ЕСМ. - Сакам лично да му се заблагодарам затоа што целото свое знаење и труд и време ги вложи во менаџирањето на компанијата во една исклучително тешка и деликатна ситуација која произлезе од енергетската криза, рече премиерот Ковачевски. За одлуката на директорот на АД ЕСМ, премиерот рече дека разговарале уште во текот на минатата година и дека утрово усно, а утре и писмено, ќе биде доставена оставката која ќе биде констатирана на следната владина седница. вработен сум во ЕСМ, прво ке го земам одморот од 20 дена а потоа по проценка нан новиот менаџмент и министрите ке видием каде ке биде моето место бво компанијата. преферирам да се посветанма на девет деца и упсшено менаџрирање. дали успешно сум раководел - бројките покажуваат се и во длеот на производството и во делот на финбансите. на крајот на денот проценките го ... убеден сум дека успешно како држава а потоа и какнкомпаија ја изменаџиравме кризата. бевме соочени некогаш и на дневни некогаш на чавони обвсѕки пред се благодарение на анагжаманот на вработените и кои се влоќија да се стават сите капацитети во погон и .. есм не повлече енергија туку ддае доплнбител,но...во октомври 2021 година кога цела европа беше соочени со енергетската криза и кога успеваме за 40 дена да го ставиме во функција те неготино и кој успешно помогна во надминување на енергетската криза. наавките на есм - не се наванеи електрична енергија околу 100 милиони евра. Ковачевски во јули 2019 година беше избран за претседател на Управниот одбор и за генерален директор на АД ЕСМ. На функцијата дојде од местото директор на РЕК „Битола“ каде што беше назначен во јануари 2018 година. Ковачевски е дипломиран инженер по термоенергетика. Тој е поранешен советник во Советот на општина Битола во периодот од 2013 до 2014 година, како и пратеник во Собранието во два мандата од 2014 до 2016 година и од 2016 до 2017 година. Поради пензионирање од АД ЕСМ ќе замине и Добрила Стефанова, а на нејзно место за нов член на Управниот одбор и директор на финансии ќе биде назначена Марија Пејкова.

Ковачевски: Природниот гас за потребите на топланите за март ќе се набави по цена од 60,10 евра

Ристе Здравков — Sat, 25 Feb 2023 12:32:42 +0000

АД ЕСМ донесе одлука за избор на набавувач за март за потребите на топланите Исток, Запад, Енергетика и Скопје-Север. Природниот гас ќе се набави по цена од 60,10 евра, а добавувач ќе биде Макпетрол, изјави на денешната прес-конференција генералниот директор на АД ЕСМ Васко Ковачевски. На јавниот повик, како што посочи, се пријавија три компании, а се избра Макпетрол бидејќи понуди најниска цена од 60,10 евра. Како што додаде Ковачевски, Макпетрол, како носител на набавката ќе обезбеди и гаранција којашто не беше обезбедувана во претходните години што е и еден од условите во јавниот повик.

ВМРО-ДПМНЕ: Тоа од кое што други би се срамеле, Ковачевски го прикажува како енергетски успех

Ивана Ефремовски — Mon, 02 Jan 2023 12:19:03 +0000

Дуото Васко и Димитар Ковачевски се причината за енергетската катастрофа во Македонија. И двајцата се одговорни за тонењето на енергетскиот сектор, криминалиите, корупцијата и неспособноста. Васко Ковачевски требаше уште одамна да си поднесе оставка, наместо без срам да дава изјави, реагираат од ВМРО-ДПМНЕ. Во продолжение следува интегрален текст од нивното соопштение: Тој е директорот во чие време ЕЛЕМ/ЕСМ стана загубар. Заради неговата неспособност компанијата добива милионски износи народни пари за да се покрие лошото менаџирање. Само во декември му беа исплатени 25 милиони евра буџетски средства, а вкупно во 2022 добиле 175 милиони евра. Во негов мандат домашното производство на електрична енергија дојде до најниско рекордно ниво, па сега се фали што успеал нешто да подобри. Поради недостигот на домашно производство на струја Македонија за еден месец потроши над 40 милиони евра за увоз. Тоа од кое што другите би се срамеле, Ковачевски го прикажува како наводен успех. Колку побрзо си заминат ваквите ликови од позициите, толку подобро за Македонија и за граѓаните.

Васко Ковачевски: Наша заложба е да нема значително зголемување на цените на електричната енергија

Ивана Ефремовски — Thu, 15 Dec 2022 12:56:49 +0000

Наша заложба е да нема значително зголемување на цените на електричната енергија по 1 јануари идната година иако трендот на зголемување на цените на енергенсите за производство на електрична енергија, на производството и на берзанските цени укажуваат дека треба да има значително зголемување на цените, порача денеска генералниот директор на АД ЕСМ, Васко Ковачевски. -Се она што го правиме во овој период е да нема зголемување на цените, дури можно е да има и одредено намалување на цената за првиот и вториот блок во кој влегуваат граѓаните кои штедат и трошат помалку енергија, како и граѓаните кои имаат помали примања и живеат во помали објекти и оние со пониски примања. Токму за нив Владата бара начин да нема зголемување, а можно е сметката да има и одреден процент на намалување за сметка на четвртиот блок каде се најголемите потрошувачи кои трошат најмногу енергија и користат поголеми капацитети за загревање. Таму ќе има поголемо зголемување, рече Ковачевски на денешната прес-конференција во ЕСМ. Тој нагласи дека мора да се направи некој баланс за да има, како што рече, социјална правда и оние кои имаат пониски сметки да плаќаат помалку,а тие што си дозволуваат поголема потрошувачка на електрична енергија да плаќаат повеќе. -Владата прави напор да има намалување на цената на електричната енергија во делот на малите потрошувачи, тоа се 65-те илјади субјекти кои се на регулираниот пазар, рече Ковачески и додаде дека во изминатиот период околу седум илјади такви субјекти ги затвориле своите капацитети поради цената на електричната енергија. Сметам, додаде, дека кај нив ќе има значително намалување на цената на електричната енергија. -Како ЕСМ задно со Владата правиме пресметки цената која ЕСМ ќе ја дава кон ЕВН Електродистрибуција и кон МЕПСО заедно со онаа кон ЕВН Хоум да не предизвикаат зголемување на цените, односно дури да може да има намалување на цената за крајните потрошувачи, потенцира Ковачевски. Прецизира дека за потребите на ЕВН Хоум ќе достават табела од сегашната цена од 48 евра за мегават час па нагоре, а Владата на затворена седница одучува која цена ќе биде препорачана и во затворен плик ќе ја достави на денот на тендерот на ЕВН Хоум. ЕСМ денеска треба да ја достави цената по која Електродистрибуција ќе ги покрива загубите во системот, утре треба да биде доставена цената за ЕВН Хоум, а во понеделник за покривање на загубите во системот на МЕПСО. Се очекува од вторник, па до крајот на следната недела Регулаторната комисија за енергетика и водни услуги – РКЕ да ја донесе одлуката за цената на електричната енергија што ќе важи од 1 јануари идната година за да може навреме ЕВН да ги подготви софтверите. Засега се знае дека по 1 јануари ќе се зголеми ДДВ-то за потрошената електрична енергија од сегашните 5 на 10 отсто, но сепак ќе остане со повластена стапка до јули идната година кога согласно одлуката на Владата треба да се врати на вообичаените 18 отсто. (МИА)

Ковачевски: Обезбедени се средства за топлинска енергија до крајот на јануари

Ивана Ефремовски — Mon, 05 Dec 2022 14:31:44 +0000

За оваа грејна сезона Владата за топлинската енергија има обезбедено 1 милијарда и 900 милиони денари или 30,8 милиони евра. Овие средства се доволни до крајот на 2022 и за јануари 2023. Потоа ќе се направат пресметки за следните четири месеци – од јануари до крајот на април. И тогаш ќе имаме пресметки колку дополнително средства ќе треба до крајот на грејната сезона, рече денеска Васко Ковачевски, директор на АД ЕСМ. Покрај преземањето со закуп на топланите Исток и Запад, ЕСМ дополнително е задолжено и го презеде управувањето на АД Скопје Север за да се обезбедат финансиски средства и природен гас за неа и да нема прекин во испорака на топлинска енергија за околу 500 семејства и 13 институции во тој дел на Скопје. -Ние го преземаме само управувањето, што значи дека договорите, сметките и цените ќе останат исти, нема да има промени ниту во плус ниту во минус. Граѓаните и натаму ќе добиваат топлинска енергија по субвенционирана цена затоа што разликата кај топлинската енергија е значително повисока од разликата кај електричната енергија. Тука Владата со своите механизми обезбедува доволно финансиски средства да се покријат овие загуби и граѓаните и натаму да имаат топлинска енергија по цена која е дадена од РКЕ. Субвенционирањето односно покривањето на разликата од цената која ја има РКЕ до реалната цена на природниот гас Владата ја обезбедува и ја префрлува на наменската сметка на АД ЕСМ, рече Ковачевски. Доцнењето на сметките за парно, рече тој, е од технички причини поради новиот софтвер што ќе ја вкалкулира и субвенцијата од државата. Сметките се испорачуваат, но граѓаните нема да добијат камати или опомени за плаќање. Одговарајќи на новинарски праќања, директорот на ЕСМ рече дека за декември е обезбеден природен гас за сите топлани – Исток, Запад, Енергетика, како и дополнително за Скопје Север. -Испорачател на природниот гас е компанијата „Макпетрол“ односно нивниот „Пром гас“ и цената е ориентациска – во моментов е 77 денари плус ДДВ за нормален метар кубен, но конечната цена се прави на крајот од месецот, рече Ковачевски. Министерот за економија Крешник Бектеши апелираше граѓаните да не веруваат во секакви непроверени информации и да бидат спокојни дека и топлинска енергија, како и електрична, ќе има до крајот на грејната сезона, без застои и нема потреба да се загрижени и да бараат алтернативно затоплување. (МИА)

Ковачевски: Имаме енергенски за топлинска енергија до крајот на месецов

Ристе Здравков — Sat, 15 Oct 2022 09:15:41 +0000

Топланите Исток и Запад утрово ги стартувавме и скопјани добија парно греење, рече директорот на ЕСМ Васко Ковачевски кој додаде дека има енергенски за производство на топлинска енергија до крајот на месецов. „Граѓаните треба да бидат безбедни и обезбедени со топлинска енергија, затоа што имаме обезбедено енергенс до крајот на месецот, а следствено на тоа како ќе функционира приватната гасна централа ТЕ-ТО ќе знаеме дали ќе повлекуваме топлинска енергија од таму или целосно ќе произведуваме топлинска енергија целосно во нашите топлани кои ги имаме под закуп од акционерското друштво АДОРА во топланите Исток и Запад“, изјави директорот на ЕСМ, Васко Ковачевски. Ковачевски додаде во следниот период до крајот на месецов ќе обезбедат енергенски за производство на топлинска енергија не само за месец ноемви туку и до крајот на грејната сезона. 997 мегават часови топлинска енергија биле испорачани од 5 утрово до 9 часот кога надворешната температура го надминала 12. степен од живата на термометарот. Грејната сезона трае до 30-април 2023 година.

Ковачевски: Со Грција се договара испорака на еден милион тони јаглен и 250.000 тони мазут

Ивана Ефремовски — Tue, 13 Sep 2022 18:02:23 +0000

Генералниот директор на АД ЕСМ, Васко Ковачевски информира дека земјава со Грција денеска договарала испорака на еден милион тони јаглен и 250 000 тони мазут. Како што рече Ковачевски во Топ Тема интервју на телевизија Телма, јагленот ќе биде примарно за потребите на РЕК Битола, но дел од количините ќе може да бидат користени и за РЕК Осломеј, додека мазутот е за термоелектраната во Неготино, а дел од количините се и за Битола и Осломеј. -Денеска договаравме за наредните 12 месеци да имаме испорака на околу 80 000 тони јаглен месечно, примарно за потребите на РЕК Битола, но дел од количините може да бидат користени и за РЕК Осломеј. За 12 месеци треба да обезбедиме еден милион тони јаглен по конкурентна цена. Сметаме дека со овие количини ќе ги задоволиме потребните дополнителни количини јаглен за производство на дополнителната електрична енергија. Во однос на мазутот, цената е регулирана. РКЕ ја одредува цената и по таа цена го купуваме. Денеска разговаравме за количини кои ќе бидат потребни од ноември до крајот на април, за седум месеци. Месечно ќе ни требаат 30 000 – 35 000 тони или вкупно 250 000 тони додека трае грејната сезона. Од нив 80 – 90 отсто ќе бидат за термоелектраната во Неготино, но дел од количините се и за во Битола и Осломеј, рече директорот. Тој потсети дека кон крајот на февруари и почетокот на март годинава беше склучен договор за набавка на 144 000 тони мазут и таа набавка трае заклучно со октомври. (МИА)

Ковачевски: Поскапувањето на струјата за граѓаните да биде најниско што е можно

Ристе Здравков — Thu, 25 Aug 2022 17:16:03 +0000

Кризната состојба се носи за полесно да се надминат предизвиците,вели директорот на ЕСМ, Васко Ковачевски во вечерашното гостување во „Жешко политичко лето“. -Сега е потребна, да се подготвивме, за да можеме да ги примиме сите енегртски удари и успешно да се подготвиме, вели тој. Ковачевски потецира дека е битно граѓаните да имат струја појаснувајќи дека „рестрикциите не се опција“. -Уште од сега се знае дека ќе има поскапување од јануари. И не само кај нас секаде во Европа. Но, кажав јас сакам поскапувањето за граѓаните да биде најниско што е можно. Не можам да шпекулирам со бројки, појасни тој Ковачевски.

Следува тешка зима за македонските граѓани: Од Нова година се зголемува цената на струјата

Ивана Ефремовски — Tue, 23 Aug 2022 19:32:58 +0000

Цената на струјата по Нова година ќе се зголеми, изјави за ТВ 24 првиот човек на ЕСМ, Васко Ковачевски. -Веќе е сигурно дека ќе има поскапување, но јас секогаш протежирам тоа да биде благо поскапување, изјави Ковачевски за дневникот на телевизија 24. „Рестрикции на струја не се опција“, тврди тој. Вели дека пред нас е една од најтешките зими за период од 70 години. Ковачевски кажа дека располагаат со ограничени ресурси, ги спомена количините на јаглен, квалитетот, хидрологијата. -Цехот го плаќаат граѓаните и државата заради надворешните влијанија, воено-политичката криза, економска криза, социјалната криза, ковид-кризата. Ние како држава сме многу мали и не сме моќни ниту финансиски ниту како индустрија и капацитети, сами да се справиме со одредени кризи, рече Ковачевски. Целото интервју со него, проследете го во продолжение: