ватерполо – Kurir.mk

Одложено ЕП во ватерполо во Израел

Тале Кристо — Fri, 03 Nov 2023 17:26:58 +0000

Европското првенство во ватерполо кое идниот јануари требаше да се одржи во израелскиот град Нетанија е одложено, објави синоќа Европската организација во водени спортови (ЛЕН). "По неодамнешните терористички напади во Израел и по опсежни состаноци меѓу ЛЕН и израелската ватерполо Федерација, двете институции се согласија дека ќе биде невозможно да се нагости ЕП во ватерполо во Нетанија од 3 до 16 јануари 2024 како што беше планирано, се наведува во соопштението. Истакнувајќи дека новиот термин и локацијата дополнително ќе бидат прецизирани, ЛЕН изрази остра осуда на терористичките напади во Израел. "Уште еднаш остро ги осудуваме одговорните за терористичките напади во Израел и ја изразуваме нашата поддршка и сочувство до израелските граѓани во овие тешки моменти", порача ЛЕН. Европското злато го брани Хрватска која лани во финалето во Сплит беше поуспешна од Унгарија.

Легендарниот ватерполо тренер замина од клупата на Србија

Бошко Тасиќ — Sun, 02 Oct 2022 06:19:08 +0000

Трофејниот селектор на ватерполо репрезентацијата на Србија, Дејан Савиќ, поднесе неотповиклива оставка. Тој цели десет години беше предводник на српските ватерполисти период во кој освои буквално се. „На Дејан Савиќ му посакуваме многу успех во кариерата. Сигурни сме дека нашиот Деки има уште многу да даде на српското ватерполо. Легендо, со среќа“, изјавија од Ватерполо сојузот на Србија.

Хрватска е европски шампион во ватерполо

Бошко Тасиќ — Sun, 11 Sep 2022 07:21:54 +0000

Ватерполо репрезентацијата на Хрватска е нов европски шампион откако во финалето што се играше во Сплит, „баракудите“ славеа со 10:9 (3:3, 1:0, 4:4, 2:2) над Унгарија. Констанин Харков и Рино Буриќ дадоа по три гола за Хрватска, Јерко Мариниќ Крагиќ два, а Андрија Башиќ и Иван Крапиќ по еден. Головите за Унгарија ги постигнаа: Шилард Јаншик и Ерик Молнар по два, Кристијан Манхерц, Акос Конарик, Ѓорѓо Заланки, Тони Немет и Чаба Вигвари по еден. Шпанија, актуелниот светски првак во репризата од финалето на Мундијалот ја победи Италија и го освоии бронзениот медал.

Шпанија го освои Европското првенство во ватерполо за жени

Тале Кристо — Sat, 10 Sep 2022 08:20:39 +0000

Женската репрезентација на Шпанија го освои трофејот на Европското првенство во ватерполо кое се игра во Сплит, Хрватска. Во финалниот натпревар Шпанките синоќа ја совладаа Грција со 9:6. Клучната разлика шпанската селекција ја создаде во првата четвртина која ја доби со 3:0. Претходно во мечот за третото место, селекцијата на Италија ја совлада Холандија (16:13). За денес се закажани последните две средби во машка конкуренција. Прво, од 18 часот во меч за бронзата ќе играат Шпанија и Италија. Во 20:30 часот ќе почне финалето во кое ќе се сретнат Унгарија и домаќинот Хрватска.

ВИДЕО: Ватерполист ја запроси девојката на натпревар, емоции на ЕП во Сплит

Ивона Петрова — Sat, 03 Sep 2022 12:00:29 +0000

Голманот на грузиската репрезентација во ватерполо Иракли Размадзе го искористи натпреварот против Словачка во рамки на Европското првенство во Сплит да ја запроси својата девојка. Веднаш по триумфот над Словаците (16-11), грузискиот голман се стрча кон трибините на „Спаладиум Арена“ и клекна пред својата девојка. Таа, со солзи, ја прифати брачната понуда, по што на двајцата им се приклучија сите грузиски ватерполисти. Грузија со победата над Словачка обезбеди пласман во осминафиналето на Европското првенство во кое против ќе им биде Холандија.

Шпанија е светски шампион во ватерполо

Бошко Тасиќ — Sun, 03 Jul 2022 19:37:02 +0000

Ватерполо репрезентацијата на Шпанија е нов светски првак. „Фуријата“ и се реваншира на Италија и со 15-14, по изведување на петерци го освои трофејот на Светското првенство. Дуелот тргна изедначено, иако Шпанците поведоа со 2-0, ривалот успеа да се врати и израмни на 3-3. До полувремето „фуријата“ одново заигра подобро, го доби вториот период со 3-0 и направи одлична предност. Сепак, Италија не запре и тргна да ја топи разликата. Шпанската игра не беше на нивото, а „аѕурите“ го искористија тоа и се вратија во натпреварот. Еден од клучните моменти се случи во финишот на третата четвртина, кога шпанскиот селектор Давид Мартин неправилно повика тајм-аут, па наместо +2, во последната четвртина Шпанците имаа само гол предност. Италијанците се вратија во дуелот, имаа егал во завршната минута, па противникот не реализира напад со човек повеќе за трофејот. И пенал-рулетот беше изедначен како и целиот натпревар, Шпанците не материјализираа рана предност, но потоа голманот Унаи Агире одбрани за светската титула.

Шпанија против Италија за титулата светски шампион во ватерполо

Бошко Тасиќ — Fri, 01 Jul 2022 21:45:44 +0000

Шпанските ватерполисти доминираа против Хрватска во второто полуфинале и славеа со убедливи 10-5, по што си закажаа дуел со Италија во финалето на Светското првенство (СП) во Будимпешта. Хрватите беа немоќни во денешниот меч, а тоа се забележа и во последната четвртина, кога не постигнаа ниту еден гол, а притоа примија дури три погодоци.

Шпанија за титулата ќе се бори против Хрватска, која претходно ја победи Грција со 11-10.

Србија ќе биде домаќин на ЕП во ватерполо во 2026 година

Бошко Тасиќ — Fri, 13 May 2022 20:28:18 +0000

Европската пливачка организација ЛЕН на Србија и ја додели организацијата на ЕП во ватерполо која ќе се одржи во 2026 година. Главните луѓе на ЛЕН после доделувањето на Тел Авив за организација во 2024 година, ја потврди веста дека следен домаќин на најдобрите ватерполисти да биде Белград. Главниот град на Србија во својата историја по трет пат ќе биде домаќин на најдобрите репрезентации во овој спорт.

ОИ: Србија го одбрани олимпиското злато во ватерполо, Унгарија трета

Бошко Тасиќ — Sun, 08 Aug 2021 08:58:31 +0000

Ватерполо репрезентацијата на Србија го освои олимписко злато, откако во денешното финале против најпријатното изненадувањето Грција славеше победа од 13-10 (6-3, 2-4, 2-2, 3-1). Ова е најдобар можен крај на репрезентативната кариера на седум српски ватерполисти, кои последен пат играат за селекцијата на својата земја. Последните осум минути започнаа со брз гол на Грците, за израмнување на 10-10, но Мандиќ и Пјетловиќ како да се налутија во финишот и со нови голови ѝ обезбедија ново злато на Србија на олимпискиот ватерполо турнир. Бронзениот медал го освоија Унгарците со победата над Шпанија со 9-5 (3-3, 2-2, 1-0, 3-0).

ОИ: Српско – грчко финале во ватерполо

Тале Кристо — Fri, 06 Aug 2021 14:25:53 +0000

Во финалето на олимпискиот турнир во Токио ќе играат репрезентациите на Србија и Грција. Бранителот на титулата од пред пет години во Рио де Женеиро, Србија, со пресврт во самата завршница ја совлада Шпанија со 10:9 и ја продолжи серијата олимписки медали, по бронзите во Пекинг 2008 и Лондон 2012, и златото во Рио 2016. Во првото полуфинале, Грција го совлада европскиот првак Унгарија со 9:6 и за првпат во својата историја обезбеди олимписки медал во ватерполо.