ВБА – Kurir.mk

Билиќ нема да се спаси од отказ во ВБА и покрај ремито со Сити

Тале Кристо — Wed, 16 Dec 2020 07:36:09 +0000

Вест Бромвич Албион ќе го отпушти хрватскиот фудбалски стручњак Славен Билиќ и покрај нерешениот резултат 1:1 синоќа на гостувањето кај Манчестер сити во 13. коло од англискиот шампионат, објави „Дејли мејл“. Тренерот ќе биде заменет со поранешниот селектор на Англија, Сем Алардајс. Официјалното соопштение за тренерската смена во ВБА се очекува да биде објавено во текот на денот. По 13 кола, Вест Бромвич го зазема претпоследното место во поредокот во Премиер лигата со седум бода.

Ова го има само во Премиер лигата: Го избраа за тренер на месецот, а само четири часа подоцна неговиот тим испадна

Матеја Петровски — Wed, 09 May 2018 21:07:43 +0000

Откако Алан Пардју доби отказ, Дарен Мур ја презема клупата на ВБА и беше блиску до опстанок во Премиер лигата. Ја доби наградата за тренер на месецот, но само четири часа подоцна, неговиот тим испадна од лигата. Вест Бромвич Албион по катастрофалната серија, каде врзаа осум порази во серија, направи одлична серија и беше близу до чудо. После смената на Алан Пардју, на клупата дојде Дарен Мур, кој за само еден месец на клупата успеа да ги победи Манчестер Јунајтед и Тотенхем, а да ремизира со Ливерпул. Премиер лигата го препозна знаењето кај Мур и го одликуваше со титулата тренер на месецот. Тоа го прославија сите во клубот фотографирајќи се со наградата. -Среќен сум, за наградат се заслужни сите овде во клубот. Беше тоа голема поврзаност помеѓу сите нас во клубот која помогна играчите да го дадат најдоброто од себе на теренот. Работиме многу добро и убаво е да се видиме промената во овие месец дена и се надевам дека ќе продолжиме добро да работиме, кажа Мур, откако ја прими наградат пред 118 членови на клубот, од играчите до рецепционерот.

? Your Barclays Manager of the Month...@DarrenMooro ?? ?#WBA pic.twitter.com/zn3s3MRIwH
— West Bromwich Albion (@WBA) May 8, 2018

Но, само четири часа откако ја прими наградата, ВБА испаднаа од лигата. Имено, на тимот од Бирмингем му требаше нерешен резултат од средбата меѓу Саутемптон и Свонси и победа во последното коло над Кристал Палас. Но, Саутемптон со победата кај Свонски практично си го обезбеди опстанокот, а Вест Бромвич Албион го испрати во ранг подоле.

Darren Moore...
Win's Manager Of The Month award at 17:30pm...Gets Relegated at 21:30pm. Football, It's a cruel old game. pic.twitter.com/5yIq9AqYVy — Footy Accumulators (@FootyAccums) May 8, 2018

Оваа наградата практично ќе биде утеха за тренерот и неговата екипа, како и надеж дека со тренерот чии квалитети ги препознаа во Премиер лигата, ќе се вратат во најелитниот ранг на англискиот фудбал за само една година.

Отфрлено обвинението на Бонг против Родригез за расни навреди

Даниел Василев — Mon, 16 Apr 2018 16:11:20 +0000

Напаѓачот на Вест Бромвич албион, Џеј Родригез, освен со погодокот кој на неговиот тим викендов му донесе победа против Манчестер јунајтет, беше во фокусот на британската јавност и поради обвинувањата на фудбалерот Гаетан Бонг од Брајтон дека го навредувал на расна основа. Фудбалската федерација на Англија денеска го ослободи Родригез од обвиненијата и соопшти дека било одлучено да се отфрли случајот поради немање на докази. - За мене и моето семејство тоа беше многу тешко, бидејќи ова е чувствителна тема. Секогаш верувам дека вистината мора да излезе на виделина. Сега можам да продолжам нормално со животот, истакна фудбалерот на Вест Бромвич. Наводниот инцидентот меѓу Родригез и Бонг се случи на 13 јануари на натпреварот меѓу Вест Бромвич и Брајтон.