вдомување – Kurir.mk

Семејството на голманот на ПСЖ вдомило 30-ина Украински бегалци

Магдалена Андонова — Mon, 28 Mar 2022 19:08:01 +0000

Семејството на голманот на ПСЖ и на костариканската репрезентација Кејлор Навас покажа голема добродушност со прифаќањето во својот дом во Париз бегалци од Украина, објави денеска францускиот прволигаш, потврдувајќи ја со тоа информацијата на шпанскиот весник „Спорт“ дека Костариканецот вдомил 30-ина луѓе, кои побегнале од руската инвазија. Навас во моментов е со својата репрезентација на завршницата од мундијалските квалификации, а според новинските извештаи, неговиот дом е преуреден за да може да ги прифати украинските бегалци, кои претежно се мајки со деца. Сопругата на Навас, Андреа Салас, објави на социјалните мрежи пораки од хуманитарни организации, апелирајќи на неколку светски јазици за „помош за деца со мајки и млади лица, кои се сами, а кои не поседуваат ништо друго освен облеката на нив“. Околу триесетина бегалци, колку што пристигнаа во домот на Навас, ги пренесе од Украина евангелистичко здружение со седиште во Барселона. ПСЖ во клупското соопштение не прецизираше колку вкупно лица нашле привремено сместување во домот на Навас, „бидејќи Кејлор тоа не го направи за да привлече внимание на јавноста“. (МИА)

Секој Британец кој што ќе вдоми укрински бегалци ќе добие 420 евра месечно од државата

Магдалена Андонова — Sun, 13 Mar 2022 11:22:33 +0000

Секој Британец кој ќе им понуди покрив над глава на украински бегалци ќе добива 350 фунти (420 евра) месечно од државата, што е начин на кој Владата во Лондон сака да им се заблагодари на граѓаните за тој гест. Според програмата „Домови за Украина“, граѓаните кои ќе обезбедат бесплатно сместување во период од најмалку шест месеци ќе добиваат 420 евра месечно, без разлика колку бегалци ќе примат, јавија локалните медиуми. Поединци, добротворни организации, заедници и компании ќе имаат право да го доведат на безбедно секој што бега од рускиот напад врз Украина. Бегалците кои ќе дојдат во Британија ќе можат да останат три години и ќе можат да работат и да имаат услуги од државата. Се верува дека десетици илјади луѓе би можеле да најдат засолниште во Британија како дел од новата програма. (МИА)

Итен апел за вдомување на Брус за да не биде еутаназиран

Тале Кристо — Mon, 22 Nov 2021 17:56:43 +0000

ЈП Лајка апелира за итно вдомување на кучето Брус. -Се вдомува БРУС. Пријавен за каснување.Два пати ставен под надзор оваа година. Согласно закон, ако не се вдоми, не смее да се врати на локација и следува еутаназија.Согласно нашите проценки Брус е мирно и питомо куче. Има околу 7 години и е толерантен кон други кучиња. ПОЛОЖЕН ТЕСТ ЗА СОЦИЈАЛИЗАЦИЈА од овластено лице од Агенцијата за храна и ветерина, со што е подобен за вдомување. Има уредна крвна слика, негативен 4D тест, негативен тест на лишманија по акредитирана метода.Го добивате со пасош, кастриран, прочистен од внатрешни и надворешни паразити, чипиран, вакциниран против беснило и заразни болести, избањат и со стекнати хигиенски навики.Вдомувањето е бесплатно.Вдоми куче, вдоми љубов!За подетални информации и прашалник за вдомување можете да ни пишете на [email protected] , велат од Лајка.

Вдомени десет кучиња во акцијата за згрижување бездомни животни

Ивона Петрова — Fri, 12 Oct 2018 14:48:30 +0000

Вдомени се 10 кучиња во отворените денови за вдомување бездомни животни, што од 4 до 10 октомври ги организираа ЈП „Комунална хигиена“ и Стационарот „Вардариште“. Како што информира Град Скопје, 60 кучиња што беа достапни за вдомување, претходно беа прегледани од ветеринарен доктор, беа стерилизирани, прочистени од внатрешни и надворешни паразити и вакцинирани од беснило. - Граѓаните заинтересирани да вдомат бездомно куче и да му ја подарат својата љубов и грижа во оваа акција имаа можност да земат миленик без паричен надомест. За таа цел, вратите на стационарот „Вардариште“ во периодот од 4 до 10 октомври беа отворени секој ден, од 9 до 19 часот, информира Град Скопје. Акцијата за вдомување кучиња се организираше во рамки на одбележувањето на 4 Октомври - Светскиот ден посветен на заштитата на животните. Градот Скопје ги потсетува љубителите на животни дека доколку се одлучат да вдомат бездомно куче од стационарот „Вардариште“, тоа може да го направат и во деновите од вторник до сабота, од 9 до 13 часот. МИА

Акција за вдомување бездомни кучиња од Стационарот „Вардариште“ во следните 7 дена

Ивона Петрова — Wed, 03 Oct 2018 07:20:45 +0000

Во рамките на одбележувањето на Светскиот ден посветен на заштитата на животните - 4 октомври, ЈП „Комунална хигиена“-Скопје во периодот од 4 до 10 октомври 2018 година, ќе организира отворени денови во Стационарот за бездомни животни „Вардариште“. Во овој период, вратите на Стационарот ќе бидат отворени од 09 до 19 часот за сите љубители на животните коишто сакаат да си одберат куче за вдомување. -Овие 60 кучиња се прегледани од страна на ветеринарен доктор, не се агресивни и немаат никакви заболувања. Тие се стерилизирани, прочистени од внатрешни и надворешни паразити и вакцинирани од беснило. Доколку не бидат вдомени, тие ќе бидат вратени на скопските улици. Ги повикуваме љубителите на животни коишто планираат да купат миленик, да го посетат Стационарот „Вардариште“ и да размислат за можноста во својот дом да му понудат љубов и грижа на некое од овие кучиња. На сите заинтересирани граѓани, кучињата им се отстапуваат без паричен надоместок, се вели во соопштението.